Isaías 20:2 - Qheshwa Biblia DC

² Chaypacha Señorqa Amospa wawan Isaiasman parlarqa: Chay qhashqa p'achaykita lluch'ukuy, jinallataj chakiykimanta ujut'asniykitapis, nispa. Isaiastaj ajinata ruwarqa, mana ujut'ayoj, q'alallataj karqa.

DIOSPA QHELQACHISQAN DEUTEROCANONICAL

² Chaypacha Tata Diosqa Amozpa churin Isaiasta nerqa: Qhashqa p'achaykita lluch'ukuy, jinallataj chakiykimanta juk'utaykitapis, nispa. Isaías ajinata ruwaspa, mana juk'utayoj, ukhunchana p'achallayoj purerqa.

DIOSPA QHELQACHISQ

² Chaypacha Tata Diosqa Amozpa churin Isaiasta nerqa: Qhashqa p'achaykita lluch'ukuy, jinallataj chakiykimanta juk'utaykitapis, nispa. Isaías ajinata ruwaspa, mana juk'utayoj, ukhunchana p'achallayoj purerqa.

Isaías 20:2 Referans Kwoze

San Mateo 3:4

Juantaj camello millmamanta ruwasqa p'achawan p'achallisqa karqa: qara chumpiwantaj chumpiykusqa. Mikhojtaj langostasta, lachiwana misk'ita ima.

Miqueas 1:8

Chayrayku waqasaj jik'un jik'unta, chayraykumin q'ara chakilla purisaj q'arallataj pampa alqo jina auqespa, qhaparqachaspataj waqaspa suri jina.

1 Samuel 19:24

Chay jawaqa p'achanta lluch'ukuspa, ukhu p'achallawanwan qhepakorqa tukuy p'unchaynintin, jinataj ch'isimpis Samuelpa ñaupaqempi profeta jina parlaspa. Chaymantapacha kay jina nisqa karqa: Saulpis profetallatajchu kashan?, nispa.

Zacarías 13:4

Jaqay tiempopeqa, profetas kajkunapis rikusqankuta sut'inchayta p'enqakonqanku. Ni pipis chay profetaspa chay qarasmanta ruwasqa qhatanata churakonqanku pitapis ch'aukiyanampajqa. Chayrayku sapa ujpis nenqanku: Noqaqa mana profetachu kani, manachayqa llank'aj runalla. Wawamantapacha campopi llank'aj kani, nispa.

Ezequiel 24:23

Uyaykichejta mayt'ukunkichej, ujut'astapis churakunkichej. Manaña llakikunkichejchu, nitaj waqankichejchu. Manachayqa sajra ruwayniykichejrayku tukukunkichej, ujkuna ujkunawantaj waqapayanakunkichej.

Ezequiel 24:17

Ch'inllamanta phutikuy, amataj llakiy p'achata churakuychu wañusqayoj runa jinataqa. Umaykita mayt'ukuy, ujut'asniykitataj churaykukuy. Umaykitapis ama p'antawan llakiyniyoj jinataqa qhatakuychu, amataj llakiypi kashaspa mikhuna imasta mikhuychu.

Miqueas 1:11

Safirpi tiyakojkuna, jallp'aykichejmanta llojsiychej q'araslla; p'enqayniykichejwantaj junt'a! Mana llojsenqankuchu Zaanampi tiyakojkuna! Bet-eselpi waqay kashan, qankunataj mana piniyoj qhepakunkichej!

Isaías 13:1

Amospa wawan Isaiasqa mosqoypi jina uj sut'inchayta rikorqa Babilonia imaynachus kananmanta.

Apocalipsis 11:3

Noqataj iskay rikojkunata kachamusaj, yana qhashqa p'achawan p'achallisqasta. Paykunaqa waranqa iskay pachaj sojta chunkayoj p'unchaykunata noqamanta sut'inchanqanku.

Hechos 19:16

Sajra espirituyoj qharitaj, paykunaman phinkiykuspa maqararqa paykunata atipanankama. Chay runastaj q'ala q'alalla, sinch'i maqasqas ayqerqanku chay wasimanta.

San Juan 21:7

Chaypacha, Jesuspa munakusqan yachachisqaqa, Pedroman nerqa: Señorqa, nispa. Simón Pedrotaj, Señor kasqanta uyarispa, pata p'achanta churaykukorqa, imaraykuchus q'alalla kasharqa; qochamantaj phinkiykorqa.

San Mateo 16:24

Chaypacha, Jesusqa yachachisqasninman nerqa: Pillapis noqawan riyta munajqa, pay kikinta qhesachakuchun, cruznin oqharisqataj qhatiwachun.

Ezequiel 4:5

Mashkha watatachus paykuna juchallerqanku chay chhika p'unchaykunata noqa rikuchiyki, chaytaj ruwakun kinsa pachaj isq'on chunkayoj p'unchaykuna. Chay chhika p'unchaykunata Israel aylloj juchanta apanki, chayri uj p'unchayta sapa uj wata juchanrayku.

2 Reyes 1:8

Paykunataj kuticherqanku: Millma p'achayoj qhari, qara chumpiyojtaj karqa. Chanta reyqa nerqa: Chayqa tisbita Elías kanqa, nispa.

2 Samuel 6:20

Ajinallatataj Davidqa ayllunta bendicimunampaj kutiporqa, Saulpa ususin Micaltaj payta taripaj llojsimuspa nerqa: Kunanqa ancha walejpuni Israelpa reynimpajqa karqa, kamachisnimpa ususisninman uj mana p'enqayniyoj runa jina rikuchikusqanqa!

Josué 5:15

Señorpa soldadosninta kamachejtaj nerqa: Zapatosniykita chakisniykimanta lluch'ukuy, maypichus kashanki chayqa llimphumin. Josuetaj kasuspa kikinta ruwarqa.

Éxodo 3:5

Chantá Señorqa nerqa: Ama qayllamuychu. Ujut'asniykita chakisniykimanta lluch'ukuy. Maymanchus qan sayashanki, chay jallp'aqa noqapaj t'aqasqamin.

Hechos 21:11

Paytaj noqaykuta watukoj jamuspa, Pabloj chumpinta oqharispa, chakisninta makisnintawan wataykukuspa nerqa: Kay jinata Santo Espíritu nin: Ajinata kay chumpiyojta watanqanku judíos Jerusalempi, chaymantataj gentilesman entreganqanku, nispa.

2 Samuel 15:30

Davidqa Olivos orqo wichayta q'ara chakilla, waqaspa, uman qhatasqataj wicharerqa. Tukuy paywan kajkunapis uman qhatasqas waqaspallataj wicharerqanku.

Salmos 30:11

Llakiyniyta kusiyman tukuchinki. Qhasqa p'achata orqhowaspa, kusiywan p'achallichiwanki.

Isaías 1:1

Kayqa willasqa karqa Amospa wawan Isaiasman mosqoypi jina, Judamanta, Jerusalenmantawan, Uzías, Jotán, Acaz Ezequías ima, Judapi reyes kashajtinku:

Isaías 37:2

Chaymantataj palaciopi mayordomo Eliaquimta, qelqeri Sebnata, sacerdotespa kurajkunasnintawan qhashqa llakiy p'achaswan churaykuchispa, Amospa wawan sut'inchaj Isaiasman kacharqa.

Jeremías 48:37

Tukuyninku umasninkuta ruthukunku, tukuypa sunkhasninkupis q'arasllataj; tukuyninku makisninkuta khuchurakunku, qhasqa p'achaswantaj p'achallikunku.

Ezequiel 4:1

Qantaj runa, uj adobeta jap'iy ñaupaqeykiman churaykuy, chay adobepitaj Jerusalén llajtata ruway.