Isaías 2:8 - Qheshwa Biblia DC

⁸ Chantá lantiswan junt'allataj kashan, runasqa ima lantistachus ruwasqasninkuta yupaychanku, kikin makisninkoj ruwasqasninta.

DIOSPA QHELQACHISQAN DEUTEROCANONICAL

⁸ Chantá lantikunawan junt'allataj kashan. Kikin makinkuwan ruwasqanku diosninkukunata yupaychanku.

DIOSPA QHELQACHISQ

⁸ Chantá lantikunawan junt'allataj kashan. Kikin makinkuwan ruwasqanku diosninkukunata yupaychanku.

Isaías 2:8 Referans Kwoze

Apocalipsis 9:20

Chay waj runas mana wañorqankuchu chay jasut'iykunawan; nitaj chaywampis makisninkoj ruwasqasninmanta Diosman kutirikorqankuchu, supaykunata yupaycharqanku, lantistawan, qorimanta ruwasqasta, qolqemanta, broncemanta, rumimanta, k'aspismanta ima. Chaykunaqa mana qhawayta atinkuchu, nitaj uyariyta, nitaj puriytapis.

Jeremías 2:28

Judá, maypitaj chay ruwakusqasniyki dioskuna kashankuri? Mashkhachus llajtasniyki chay chhikallataj dioskunasniyki tiyapusunku. Ñak'ariyman chayajtiyki paykuna jamuspa salvasuchunku.

Isaías 37:19

Chay llajtaspa dioskunasninkutaqa ninaman enqhaykorqanku, imaraykuchus chaykunaqa cheqamanta manapuni dioskunachu karqanku, mana chayqa runaj, ruwasqallan, k'aspimanta, rumimanta ima; chayrayku chaykunataqa t'unararqanku.

Hechos 17:16

Atenaspi, Silasta Timoteotawan suyashajtintaj, Pabloj sonqonqa t'impurerqa, chay llajta tukuy laya lantikunawan junt'a kasqanta rikuspa.

Oseas 14:3

Asiriaqa manamin salvayta atiwasqaykuchu, nillataj caballospipis ayqesqaykuchu. Manaña kayqa Diosniyku nispa, noqaykoj kikiykoj ruwasqasnillaykutaqa sutichasqaykuchu; imaraykuchus qanllapimin Señor uj wajcha wawaqa khuyakuyta tarenqa.

Oseas 13:2

Kunan juchallapiraj kashanku! Qolqesninkuta unuyarichispa lantista ruwarikunku sapa munarispa, chay ruwajkunaspa munasqanman jina. Chaymanta ninku: Rikuchikusta jaywaychej! nispa; runastaj much'arinku chay waka uñasman rijch'akun lantista.

Oseas 12:11

Galaadpi tiyan kay pacha dioskunasninku; pero chaykunaqa qhasi mana kaj dioskunalla kanku. Gilgalpiri torosmanta rikuchikusninkuta jaywanku. Chay altarkunasninkupi, campo surk'uspi rumi qollus jina kanku.

Jeremías 11:13

Judajta tiyan may chhika dioskunasnin llajtasninku chhikallataj. Jerusalempi tiyakojkunataj may chhika altaresta oqharinku Baalman inciensota q'osñichinankupaj, chay llajtapi callesnin chhikallataj.

Isaías 57:5

Qankunaqa thansa sach'a uraspi lantisniykichejta yupaychankichej sajra imasta ruwaspa. Qankunaqa vallespi, qaqa jusk'uspi wawasniykichejta rikuchikuta qospa ruphachinkichej.

Isaías 17:8

Manaña makinwan ruwasqa altaresta qhawanqachu, nitaj waj imasta ruwasqasninkutapis, nitaj k'ullu lantistapis, nitaj intiman rijch'akoj lantistapis.

2 Crónicas 27:2

Jotampa ruwasqasnenqa Señorpa rikuynimpi cheqan karqa, imaynatachus tatan Uzías ruwarqa ajina. Chaywampis mana yaykorqachu Señorta yupaychana wasimanqa. Jinapis runasqa millay ruwanasnillankupipuni kasharqanku.

1 Reyes 16:7

Señorpa palabranqa Hananej wawan profeta Jehunejta jamorqa Baasaj contrampi, ayllumpa contrampiwan, chay jina sajrata Señorpa ñaupaqempi ruwasqanrayku, makisnimpa ruwasqasninwan phiñachispa Jeroboampa wasin jinallataj tukuchisqa kanampaj, mayqentachus pay tukucherqa ajinata.

Isaías 26:13

Señor Diosniyku, waj runaslla qan kamachinawaykumantaqa munayninkuman jina kamachiwayku; chaywampis qan Señornillaykumanta yuyarikuyku.

Isaías 40:19

Lantita ruwaj runaqa ninapi wakichin, qolqe cadenasta ruwaj runaqa, qorita unuyachispa cadenaj patanta jawerqon.

Isaías 41:29

Tukuyninku mana imapis kankuchu. Chaykunaqa mana imatapis ruwayta atinkuchu. Chay ruwasqanku lantisqa qhasi mana kaj ch'usajlla kanku.

Jeremías 1:16

Kay jasut'i kanantamin kamachisaj saqerpayawarqanku chay juchasapaspa contrampi. Paykunaqa inciensota q'osñichispa yupaycharqanku chay mana rejsisqa dioskunata, paykuna kikinku ruwakusqankuman jaywaspa.

2 Reyes 17:10

Tukuynin alto orqospi, thansa sach'as urapiwan sayacherqanku rumi lantista, Asera lantistawan.

2 Reyes 17:16

Señor Diosninkoj tukuy kamachisqasninta saqerparerqanku. Paykunataj metalta unuyachispa iskay waka lantista ruwakorqanku. Asera k'ullu lantistapis ruwakullarqankutaj. Chay jawaqa yupaychallarqankutaj Baalta, cielopi tukuy qoyllurkunatawan.

Miqueas 5:12

Layqakunasniykitataj tukuchisaj, mana ni uj adivinoyojtataj saqesqayki.