Isaías 19:4 - Qheshwa Biblia DC

⁴ Egiptotaqa sajra runaj makinman churasaj, paykunataqa rumi sonqoyoj rey kamachenqa. Ajinata Tukuy Atiyniyoj Señorqa nin.

DIOSPA QHELQACHISQAN DEUTEROCANONICAL

⁴ Noqarí Egiptota millayta ruwajkunaj makinman jaywasaj, paykunatataj rumi sonqoyoj kuraj kamachej kamachenqa, nispa. Ajinata Tukuy Atiyniyoj Tata Dios nin.

DIOSPA QHELQACHISQ

⁴ Noqarí Egiptota millayta ruwajkunaj makinman jaywasaj, paykunatataj rumi sonqoyoj kuraj kamachej kamachenqa, nispa. Ajinata Tukuy Atiyniyoj Tata Dios nin.

Isaías 19:4 Referans Kwoze

Isaías 20:4

Ajinata Asiria reyqa, Egiptopi kajkunatawan, Etiopiapi kajkunatawan, wayna runasta, jinataj machu runastawan q'alasllata apachenqa, mana ujut'asniyojta, q'ara sikispachata, Egipto p'enqakunampaj jina.

Ezequiel 29:19

Chaynejta Señorqa kay jinata nin: Egipto jallp'ataqa Babiloniamanta rey Nabucodonosorman qopusaj, kapuyninkutataj qhechuranqa, chay qhechusqanwantaj soldadosninman paganqa.

Jeremías 46:26

Babiloniamanta rey Nabucodonosorpa atiynin uraman urmanankuta saqesaj, chay wañuchejkunaj enemigosninkoj atiynin uraman, jinallataj reypa runasnimpa atiynin uraman. Jinapis, Egiptopi qhepa p'unchaymantawan ñaupajpi jina runas tiyakaponqanku. Noqa Señor chayta nini.

Isaías 19:2

Chaypacha egipciospurata maqanachisaj, sapa ujninkuta wauqesninkutawankama, sapa ujta runa masintawan, uj llajtata waj llajtatawan, uj nacionta waj naciontawan.

Salmos 31:8

Mana enemigosniypa makisninman jaywaykuwarqankichu, qan sinch'ita chakisniyta sayacherqanki.

1 Samuel 23:7

Chay jawataj Saulman willasqanku Davidqa Keilapi kashasqanta. Chayta uyarispa Saulqa sonqompi nerqa: Dioschá kaytaqa munan, imaraykuchus Davidqa llajtaman yaykuspa, pay kikin punkuswan, trancanasnintinwan ima wisq'aykukun.

Ezequiel 30:12

Nilo mayupitaj yakusta ch'akichisaj, jallp'ataqa sajra runasman qosaj, waj llajtasniyojnejta jallp'ataqa t'unaykuchisaj, tukuy kapuynintawan. Noqa Señor kaytaqa nini.

Nahúm 3:10

Chaywampis jallp'asninkumanta apasqas karqanku, wawasninkurí calle esquinaspi ch'allpasqas karqanku. Allin qharisninmanqa suertesta choqarqanku, Chay kamachi runasnintaj cadenaswan ch'ipasqas karqanku.

Isaías 20:3

Chantá Señorqa nerqa: Kamachiy Isaiasqa kinsa wata junt'ata q'alalla, mana ujut'ayojtaj purerqa, Egiptopaj Etiopiapajwan imachus kananta rikuchispa.