Isaías 19:21 - Qheshwa Biblia DC

²¹ Chaypacha Señorqa egipcioswan rejsichikonqa, paykunataj Señortaqa rejsenqanku, yupaychanqanku ima, uywata wañuchispataj jaywanqanku, chantá rikuchikusta ima. Paykuna Señorta sirvisaj nenqanku, junt'anqankutaj.

DIOSPA QHELQACHISQAN DEUTEROCANONICAL

²¹ Chaypacha Tata Diosqa Egiptomanta runakunawan rejsichikonqa, paykunataj Tata Diosta rejsenqanku, yupaychanqanku ima, uywa ñak'asqata chantá ch'aki mikhuy jaywanata q'olachispa. Paykunaqa Tata Diosta munayninta ruwanankuta nenqanku, imatachus nisqankutataj junt'anqanku.

DIOSPA QHELQACHISQ

²¹ Chaypacha Tata Diosqa Egiptomanta runakunawan rejsichikonqa, paykunataj Tata Diosta rejsenqanku, yupaychanqanku ima, uywa ñak'asqata chantá ch'aki mikhuy jaywanata q'olachispa. Paykunaqa Tata Diosta munayninta ruwanankuta nenqanku, imatachus nisqankutataj junt'anqanku.

Isaías 19:21 Referans Kwoze

Malaquías 1:11

Tukuynejpi kay pachapi sutiyta jatumpaj jap'inku; tukuynejpi inciensota noqapaj q'osñichinku, ofrendatataj qonku llimphu uywasta, imaraykuchus suteyqa may jatunmin tukuynin llajtas ukhupi, nin Tukuy Atiyniyoj Señorqa.

Isaías 11:9

Chay Santo orqoypeqa mana ima sajratapis ruwanqankuchu, imaraykuchus tukuy jallp'aqa Señorta rejsenqa, imaynatachus marman yaku junt'aykun ajinata.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

1 Pedro 2:5

Qankunapis kausaj rumis jina, Espiritupi uj templo jina ruwasqas kankichej, ajllasqa sacerdotes kanaykichejpaj; Jesucristonejta Diosman Espiritupi allin kaj jaywanasta jaywanaykichejpaj.

San Juan 17:3

Kaymin chay wiñay kausayqa: Qan k'ata cheqa Diosta rejsisunanku, kachamusqayki Jesucristotapis.

Sofonías 3:10

Etiopiapi kaj mayusmanta aswan jaqaynejmantapacha, ch'eqerasqa runasniy, noqata yupaychajkuna jamonqanku ofrendasta apamuwaspa.

Habacuc 2:14

Chaypachataj, Señor gloriayoj kasqanmanta yachayqa tukuy jallp'antinman junt'anqa, imaynatachus mama qochaman yaku junt'aykun jinata.

Jonás 1:16

Chayta rikuspataj buqueta purichejkunaqa Señorta maytapuni manchachikorqanku. Chayrayku rikuchikusta jaywarqanku, tratotapis ruwarqanku.

Isaías 55:5

Qanqa mana rejsisqa runasta wajyanki, qanta mana rejsisoj runaspis corremusonqanku, Señor Diosniykirayku, noqa Israelpa Santo Diosnin qanta allimpaj qhawasusqayrayku.

Isaías 44:5

Chaypacha sapa uj nenqanku: Noqaqa Señorpata kani, ujtaj nenqa: Noqaqa Jacobpa m irayninmanta kani, nispa. Ujnin kajtaj makinwan qhelqanqa, noqaqa Señorpata kani, apellidontataj Israelta churakonqa.

Isaías 37:20

Kunanqa Señor Diosniyku, Asiriospa makinmanta jark'awayku ari; ajinamanta kay jallp'a patapi kaj chhika naciones yachanankupaj qan k'atalla atiyniyoj Señor kasqaykita, nispa.

Eclesiastés 5:4

Imatachus Diosman nisqaykitaqa junt'aypuni, imaraykuchus wampusqa mana payta kusichinkuchu. Junt'aypuni imatachus nisqaykitaqa.

Salmos 67:2

Kay pachapi tukuy jatun llajtas, munayniykita, salvacionniykimantawan yachanankupaj.

1 Samuel 17:46

Kunampacha qanta Señorqa makisniyman jaywawanqa, kunampacha wañuchisqayki, umaykitataj qholusaj, tukuy filisteospa aychasnintataj chay aycha mikhu p'isqosman, jinataj chay monte sajra animalesman qarasaj. Jinamanta tukuy runas yachanqanku Israel ukhupi uj Dios kasqanta.

Salmos 61:8

Jinata sutiykitaqa wiñaypaj yupaychasaj, sapa diataj ruwasaj nisqayta junt'asaj.

Salmos 68:31

Egiptomanta kurajkuna kachasqa jamonqanku, Etiopía runas usqhayllata makisninkuta Diosman oqharenqanku.

Isaías 11:11

Chaypacha Señorqa ujtawan atiyninta rikuchillanqataj, maykunapichus ayllusninmanta kajkuna puchorqanku chaykunata kutichimunampaj: Asiriamanta, Egiptomanta, Patrosmanta, Etiopiamanta, Elanmanta, Sinarmanta, Hamatmanta, Mar qocha cantosmantawan.

Isaías 27:13

Chaypacha putututa jatunmanta waqachenqanku, chayta uyariytawan Asiriaman wijch'usqa kajkuna jamonqanku, jinallataj Egiptopi kajkunapis. Chayamuspataj Jerusalempi Santo orqopi Señorta yupaychanqanku.

Isaías 45:14

Chanta israelitasman nillantaj Señorqa: Egiptoj campo runas, Etiopía qhatojkunapis, Sabá llajtamanta kaj; jatuchaj runas ima qanman k'umuykusonqanku, qampata kamachisniyki kanqanku. Qhepaykita cadenaswan watasqas renqanku. Cheqamanta ñaupaqeykiman qonqoriykukuspa mañakusonqa: Cheqamanta qampi Diosqa kashan, chay Diosmanta astawan waj Diosqa mana kanchu.

Isaías 49:7

Israelpa Santo Diosnin, salvaj Señorqa, sinch'i qhesachasqa llajtanman, waj llajtaspa chejnikusqan llajtaman, ñak'arichejkunaj kamachinman, kay jinata nin: Reykuna, kurajkunawan qanta rikususpa, qonqorikuspa Diosta yupaychanqanku, imaraykuchus Israelpa Diosnin noqa Señor, qanta ajllarqayki, imatachus nisqaytataj junt'anipuni.

Isaías 60:7

Cedarmanta tukuy ovejaspis qanman tantaykakamusonqanku; Nebaiotmanta carnerospis rikuchikuta altarniypi jaywanaykipaj kanqa; chaykunawan kusikuna wasiyta astawan k'achanchasaj.

Isaías 66:23

Sapa killamanta killa, sapa samakuna p'unchaypi, paykunaqa tukuyninku noqaqa yupaychaj jamuwanqanku, nispa nin Señorqa.

Salmos 68:32

Diosman takiychej, kay pacha reykuna Señorman takiychej,