Isaías 19:2 - Qheshwa Biblia DC

² Chaypacha egipciospurata maqanachisaj, sapa ujninkuta wauqesninkutawankama, sapa ujta runa masintawan, uj llajtata waj llajtatawan, uj nacionta waj naciontawan.

DIOSPA QHELQACHISQAN DEUTEROCANONICAL

² Tata Dios nin: Chaypacha Egipto llajtayojkunata paykunapurata maqanachisaj, sapa ujninkuta wawqepurata maqanachisaj, jinallataj runa masinkupurawan, uj llajtata waj llajtawan, uj jap'iyta waj jap'iywan.

DIOSPA QHELQACHISQ

² Tata Dios nin: Chaypacha Egipto llajtayojkunata paykunapurata maqanachisaj, sapa ujninkuta wawqepurata maqanachisaj, jinallataj runa masinkupurawan, uj llajtata waj llajtawan, uj jap'iyta waj jap'iywan.

Isaías 19:2 Referans Kwoze

Jueces 7:22

Chaykamataj chay kinsa pachajnintin israelitasqa chay pututusninkutaqa waqachishallarqankupuni, Señortaj madianitas purata maqanacherqa, llojsispataj ayqekorqanku Bet-sitakama, Zerera ñanninta rispa, Tabat qayllapi Abel-mehola tinkuykama.

1 Samuel 14:20

Chay ratopacha Saulqa chay soldadosninwan ima tantakorqanku, maqanakojtaj rerqanku. Chay filisteos ukhupeqa sinch'i pantaypuni karqa, paykunapuralla wañuchinakuspa tukuchinakusharqanku.

San Mateo 10:36

Ajinamanta runaj enemigosnenqa, kikin wasillanmantataj kanqanku.

San Mateo 12:25

Jesustaj imatachus yuyasqankuta yachaspa, nerqa: Mayqen reinollapis t'aqanaku kajtenqa chinkapun. Jinallatataj uj llajtapi, chayrí familiapipis t'aqanaku kanman chayqa, chinkapullantaj.

San Mateo 10:21

Wauqeqa wauqenta wañuchichenqa; tatapis wawanta; wawaspis oqharikullanqankutaj tatasninkuta wañuchichinankupaj.

Ezequiel 38:21

Tukuynin alto lomasnimpi Gogpa contranta wañurachejkunata wajyasaj nin Señorqa. Paykunapura wauqepura wañunachikonqanku.

Isaías 9:21

Manasés aylloqa Efraín aylluwan maqanakonqanku, Efraín ayllutaj Manasés aylluwan. Jinashaspalla Judá aylloj contranta sayarinku. Chaywampis, Señorpa k'ajaj phiñakuynenqa manarajpuni thasnukonqachu, makin oqharisqallapuni kashan.

1 Samuel 14:16

Benjamín jallp'api Gabaa llajtapi Saulpa qhawaj soldadosnin kasharqanku chaykunaqa rikorqanku filisteos uj ladomanta uj ladoman juyñaykachashajta.

Jueces 9:23

Jinataj Diosqa uj sajra espirituta kachamorqa Abimelecman jinataj Siquempi tiyakojkunamampis Abimelecpa contrampi oqharikunankupj.

San Mateo 24:7

Uj nación waj naciompa contranta oqharikonqa; uj reinopis waj reinoj contranta; jinallataj kanqa yarqhaykuna, onqoykuna, jallp'a kuyuykuna ima; kaynejpi, chaynejpi.

Jeremías 46:12

Naciones yachankuña may k'umuykachisqa kasqaykita, tukuynin jallp'api qhaparisqayki uyarikun; ch'ajwapi maqanakojkuna ujkuna ujkunawan takanakunku, khuskataj pampanejta urmanku.

Jeremías 51:46

Ama mancharikuychejchu, nitaj sustullikuychejchu, kay jallp'api tukuy laya ch'ajwaykunas kasqanmanta. Sapa wata uj jina uj jinataj ch'ajwaykunasqa kanqanku, chay jallp'api millay ñak'arichinakuykunas kasqanmanta, jinataj kamachejkunapura maqanakusqasninkumanta.

Zacarías 8:10

Kunankama mana paganku karqachu runaspaj nitaj uywaspajpis. Chejnikojkunarayku mana ima ch'ajwapis faltarqachu chaypi tiyakojkuna ukhupi; noqapunitaj kausaqesnintimpura ujkuna ujkunata chejninaracherqani.

1 Reyes 16:21

Chanta israelitasqa iskayman t'aqakorqanku; Ginatpa wawan Tibnita khuskan runas reyta churanankupaj qhaterqanku, khuskantaj Omrita qhaterqanku.

2 Crónicas 15:6

Nacioneswan llajtaswanqa ujkuna ujkunata tukuchinakorqanku, Señor paykunataqa tukuy llakiykunaswan manchachisqanrayku.

Isaías 3:5

Runasqa paykunapura qhollpinakonqanku, ujkuna ujkunawan purajmanta maqanakonqanku. Waynasqa machu runaspa contranta oqharikonqanku, wajcha runastaj qhapaj runaswan maqanakonqanku.

Marcos 3:24

Jesús nillarqataj: Sichus uj suyoka iskayman t'aqasqa kanman chayqa, chay suyoqa manaña sayanmanchu.