Isaías 18:3 - Qheshwa Biblia DC

³ Tukuy kay mundontimpi tiyakoj runas, kay jallp'a patapi kajkuna, orqopi puntaspi bandera sayajta qhawariychej, pututu waqamojtimpis uyariychej.

DIOSPA QHELQACHISQAN DEUTEROCANONICAL

³ Tukuy kay pachapi kaj runakuna, kay jallp'a patapi tiyakojkuna, orqo puntapi wiphalata sayachejtinku, sumajta qhawariychej, cornetata waqachejtinkukamataj, sumajta uyarinkichej.

DIOSPA QHELQACHISQ

³ Tukuy kay pachapi kaj runakuna, kay jallp'a patapi tiyakojkuna, orqo puntapi wiphalata sayachejtinku, sumajta qhawariychej, cornetata waqachejtinkukamataj, sumajta uyarinkichej.

Isaías 18:3 Referans Kwoze

Isaías 5:26

Karupi kaj nación jamunampaj señasta ruwan, jallp'aj k'uchunmantataj silbaspa wajyan. Chay naciontaj ujllata ima jina usqhayllata chayarparimun.

Isaías 26:11

Señor, qanqa ñapis jasut'inaykipajña kashanki, paykunataj mana reparakunkuchu. Aylluykita munakusqaykita rikuspa p'enqaypi rikhurenqanku. K'ajaj phiñakuyniykej larwaynin enemigosniykita tukukuchichun.

San Mateo 13:16

Qankunaqa kusiyniyoj kankichej, imaraykuchus ñawisniykichej rikun, ningrisniykichejpis uyarinku.

San Mateo 13:9

Ningrisniyojqa uyarichun.

Zacarías 9:14

Señor ayllunman rikuchikonqa, flechasnintataj kacharenqa lliuj q'ajkunasta jina. Señor Dios putututa waqachispa, muyoj wayras chaupipi sur lado ñaupajman rirenqa.

Miqueas 6:9

Señor wajyashan llajtata, allin ruwaytaj kanman atencionwan uyareyqa: Uyariychej, ayllumanta kajkuna jinataj llajtata umachajkunapis:

Miqueas 6:2

Uyariychej qankuna, orqos, jinataj jallp'aj sinch'i rumisnimpis: Señor renqa llajtampa contrampi cuentata mañaj; uj phiñanakuymantaj yaykonqa Israel ayllumpa contrampi.

Jeremías 22:29

Jallp'a, jallp'a, jallp'a, Señorpa parlasqanta uyariy!

Isaías 13:4

Orqospeqa ch'ajway uyarikun, ashkha runaspis ch'ajwashankuman jina. Chaypi uyarikun ashkha runaspa ch'ajwasqanku, ashkha nacionespa tantakuspa ch'ajwasqanku. Tukuy Atiyniyoj Señor soldadosninta maqanakupaj yupan.

Isaías 13:2

Uj q'ara orqo puntapi maqanakuna señalta uyarichiychej, chaypi jatunmanta maqanakupaj qhapariychej, makisniykichejta oqhariychej, kurajkunaj punkusninkuta yaykunankupaj.

Isaías 7:18

Chaypacha Señorqa Egipto karu mayusmanta runasta ch'uspista jina wajyanqa, Asiriamantataj abejasta jina.

Isaías 1:2

Janaj pacha, kay pacha ima, uyariychej Señorpa nisqanta: Wawasta uywarqani jatuchaj kanankukama, paykunataj contraypi sayaykukunku.

Salmos 50:1

Dioskunaj Diosnin Señorqa parlan. Inti llojsimuy cheqamanta inti yaykuy cheqankama, tukuy kay pachapi tiyakojkunata wajyan.

Isaías 31:9

Manchachikuywan reyqa pakakunanta saqerparenqa, kurajkunasninkupis maqanakuta saqerparispa ayqerikaponqanku. Kayta Señorqa nin: Jerusalempi nina kashan, enemigosninta jasut'inampaj.

Isaías 49:22

Ajinata Señorqa nin: Noqa makiyta oqharispa nacionesta kamachisaj, chay runaspaj uj señasta ruwasaj banderata oqharispa; paykunataj qhari wawasniykita, warmi wawasniykitapis makisninkupi marq'ampusonqanku.

Jeremías 51:27

Wiphaylata pataman oqhariychej maqanakoj yaykunaykichejpaj. Putututa waqachiychej, runasta tantaychej Babiloniata jap'ikapoj yaykunaykichejpaj. Paypaj contrampi Araratmanta, Minimanta, Askenazmantawan runasta tantaychej. Ajllaychej uj kuraj kamachejta tukuy reykunata pusanampaj. Phiñarisqa langostasta jina caballospi rejkunata kachaykuychej.

Miqueas 1:2

Tukuy ayllumanta kajkuna uyariychej kayta; Señormin, yupaychana santo wasinmantapacha qankunaj contraykichejpi qhawamonqa.

Isaías 11:12

Señorqa nacionespaj uj señalta oqharenqa, wijch'usqa israelitastataj ujllaman tantaykonqa. Judamanta ch'eqerasqas kajkunatataj tukuy mundontinmanta tantamonqa.