Isaías 17:10 - Qheshwa Biblia DC

¹⁰ Qanqa salwajniyki Diosta qonqaporqanki. Mana qanqa jark'asoj chhankamanta yuyarikorqankichu. Astawampis qanqa sumaj sach'asta plantarqanki, waj dioskunata yupaychanallaykipaj.

DIOSPA QHELQACHISQAN DEUTEROCANONICAL

¹⁰ Ajina kanqa, imaraykuchus qanqa kacharichisoj Diosmanta qonqaporqanki, manataj waqaychasoj Diosniykimanta yuyarikorqankichu. Astawanpis qanqa sumaj uva sach'akunata mallkerqanki, waj dioskunata yupaychanaykipaj.

DIOSPA QHELQACHISQ

¹⁰ Ajina kanqa, imaraykuchus qanqa kacharichisoj Diosmanta qonqaporqanki, manataj waqaychasoj Diosniykimanta yuyarikorqankichu. Astawanpis qanqa sumaj uva sach'akunata mallkerqanki, waj dioskunata yupaychanaykipaj.

Isaías 17:10 Referans Kwoze

Jeremías 2:32

Qonqakapunmanchu uj warmi chay k'achanchakunasninmanta, jinallataj casarakapoj warmi k'achanchakunasninta? Chaywampis aylloyqa astawanraj noqamantaqa qonqakaporqa.

Isaías 26:4

Wiñaypaj Señorllapipuni atienekuychej, imaraykuchus payllamin wiñaypaj pakakunanchejqa.

Deuteronomio 32:18

Israel qanqa qonqapunki jark'akusoj tataykimanta. Kausayta qosoj Diosniykimanta.

Salmos 106:21

Paykunaqa salvaj Diosninkuta qonqarqanku, mayqenchus paykunata salvan. Egiptopi jatuchaj t'ukuna imasta ruwajta qonqarqanku.

Deuteronomio 32:4

Payqa jark'akuwajninchej, ruwasqasnenqa may sumajpuni. Tukuy ñankunasnenqa cheqampuni. Payqa mana llullakoj Dioschu. Payqa mana jayk'ajpis pantanchu. Payqa cheqanmin, cheqa kajta ruwajtaj.

Oseas 8:14

Israelqa oqharin palaciosta, chay ruwajninmantataj qonqakapun. Judapis oqharin ashkha llajtasta sinch'i ruwasqasta, noqataj chay tukuyta ninapi q'olachisaj tukuy palaciosnintinta ruphanampaj.

Jeremías 17:13

Señor, qanmin Israelpa suyaynenqa kanki. Pichus saqekojqa p'enqachisqa rikhurenqa. Qanmanta tukuy karunchakojqa chinkarenqanku, ñut'u jallp'api uj suti qelqasqa jina, chayqa kashan saqerparisusqankurayku, uj ch'uwa yaku juturi jina qan kashajtiyki.

Jeremías 12:13

Tarporqanku trigota, khishkasllatataj oqharerqanku. Tukuypa llank'asqankoqa qhasillapaj karqa. Chajrasqa mana poqorqachu, noqaj sinch'i phiñakuyniyrayku.

Isaías 51:13

Ruwasojniyki Señortaqa qonqapunkiñachu, janaj pachata qhatatajmanta, jallp'atapis sumajta sayachejmanta? Qanqa tukuy p'unchaynintin manchachikuspallapuni kanki, pichus llakichisuspa, phiñakuspataj chinkachisuyta munarqa chaymanta. Kunan maytaj chay jinata llakichisuspa purej runaj phiñakuyninri?

Isaías 12:2

Diosmin salvawajneyqa; payman noqaqa atienekuni, manañataj manchachikusajchu. Señormin pakakunayqa kallpaytaj. Paylla noqataqa salvawan.

Salmos 106:13

Paykunaqa usqhayllata Diospa ruwasqasninmanta qonqaporqanku, manataj Diospa yuyaychasqanta suyarqankuchu.

Salmos 85:4

Salvawajniyku Dios, salvawayku kunampis ari, amañataj noqaykupaj phiñasqa kaychu.

Deuteronomio 32:31

Jark'ajninku chhankaqa, mana jark'awajninchej chhanka jinachu. Chaytaqa enemigosninchej yachanku.

Salmos 79:9

Salvawajniyku Dios, yanapawayku, librawayku, juchasniykutataj pampachawayku sutiyki jatun kasqanrayku.

1 Crónicas 16:35

Niychej: Salvawayku Diosniyku, qampis salvadorniykoqa kanki. Naciones ukhumanta tantaykuwayku, kacharichiwaykutaj, yupaychanaykupaj llimphu sutiykita, kusisqas qanta yupaychanaykupaj.

Deuteronomio 32:15

Israelitasqa manchayta qhapajyarqanku, kayman jaqaymantaj jayt'arakorqanku, Diospa contrantataj oqharikorqanku. Jinamanta wirayarqanku llusk'apacha kanankukama. Ruwajninku Diostataj qonqaporqanku, qhesacharqankutaj jark'akoj Salvadorninkuta.

Deuteronomio 28:30

Sapa ujniykichejpa casaranampaj parlasqan chay warmeqa, ujwantaj riponqa. Sapa ujniykichej wasita ruwakunkichej, nitaj chaypi tiyakunkichejchu. Uvas sach'asta churankichej, nitaj poqoyninta mikhunkichejchu.

Deuteronomio 8:19

Sichus qankuna Señor Diosniykichejta qonqapunkichej, waj dioskunaj qhepantataj rinkichej, yupaychankichejtaj chayqa, noqa cheqamanta niykichej, kunanmantapacha chinkachisqas kankichej.

Deuteronomio 8:11

Señor Diosniykichejta amapuni qonqankichejchu. Kamachiykunasninta junt'aychejpuni, chantá nisqasninta, leyesninta ima, mayqenkunatachus kunan kamachiykichej chayta.

Deuteronomio 6:12

Chaypacha amapuni Señorta qonqapunkichejchu. Paymin Egiptomantaqa orqhomusorqachej kamachis kashajtiykichej.

Levítico 26:20

Qhasillata kallpaykichejta tukuchinkichej, imaraykuchus jallp'apeqa manapuni imapis poqonqachu, ni campo sach'aspis poqonqankuchu.

Sofonías 1:13

Chayrayku waqaychasninkuta, suwas qhechonqanku. Wasisninkutaj thuñisqas kanqa. Wasista ruwakonqanku, manataj chay wasispi tiyakonqankuchu. Uvasta plantanqanku, chay uvas sach'aj poqoyninmantataj vinota mana ujyanqankuchu.

Amós 5:11

Qankunaqa mana atiwajchejchu rumimanta ruwasqaykichej wasispi, nitaj vinotapis ujyawajchejchu tarpusqaykichej uvasmanta; wajchasta sarusqaykichejrayku; trigomanta impuestota mañasqaykichejrayku.

Oseas 4:6

Aylloyqa mana yuyayniyoj, chayrayku chinkachisqa karqa. Qantajrí, sacerdote, yachayta qhesacharqanki, noqapis qhesachasqayki sacerdoteypaj kanaykita. Qan qonqaporqanki Diosniykimanta yachachiykunasta, jinata noqapis qonqapusaj mirayniykimanta.

Salmos 65:5

Salvawajniyku Dios, qan uyariwayku, may sumaj cheqanta ruwaspa. Mundontimpi kaj runasqa qampi suyanku. Karupi kaj mar qochapis qampi suyakun.

Salmos 31:2

K'umuykamuspa uyarillaway. Usqhayta librallaway ari. Qan jark'awaj chhanka kay ari. Salvakunay wasitaj kay.

Salmos 18:2

Qan pakakunay chhanka kanki, jark'akuwajniytaj, librawajniy Diosniytaj kanki. Qan kanki pakakunay chhanka, pakakunay escudo, salvawajniy, kallpay, altopi sumaj pakakunaytaj.

Salmos 9:17

Sajra runaswan Diospi mana creejkunawan, wañusqaspaman riponqanku, Diosmanta qonqapusqankurayku.

Isaías 17:9

Chay p'unchaypi allin jark'asqa llajtasniyki saqesqas kanqanku, amorreoskuna, heveoskuna llajtasninkuta israelitasta manchachikuspa saqerqanku, ajinata. Jinamanta ch'impachaman tukonqa.

Isaías 18:5

Uva sach'a t'ikayta pasajtin, uvas llulluyta qallarishajtin, manaraj cosecha tiempota chaypacha ramasninta k'uturanqanku. Mana allin kaj ramasnintataj p'akispa wijch'onqa.

Isaías 25:4

Qanqa wajchaj pakakunan kanki, llakisqa pisichikojpaj jark'ajnin, para wayramanta jark'aj, ruphaymanta llanthojtaj. Sajra runaspa samayninkoqa, chiri tiempopi llojlla para perqaman seq'on ajina.

Isaías 30:29

Qankunapajqa takiykuna kanqa jatun fiesta ch'isipi jina. Sonqoykichejqa kusisqa kanqa, qenata tocarispa, israelitaspa pakakunan Señorpa orqonman rejpata jina.

Isaías 33:2

Señor, noqaykumantaqa khuyarikuwayku ari. Noqaykoqa qantapuni suyayku. Qanqa tutamanta yanapawajniyku kay ari, llakiy tiempopipis salvajniyku kay ari.

Isaías 44:8

Qankunaqa ama iskayrayaychejchu, amataj manchachikuychejchu. Noqaqa unaymantapachaña uyaricherqaykichej, nerqaykichejtaj imachus kananta. Chaymanta qankunaqa mana llullakuwajchejchu. Noqamanta astawan waj diosqa manapuni kanchu; mana waj pakakunaqa kanchu; manapuni pitapis rejsinichu.

Isaías 61:10

Noqaqa Señorniypi mayta kusikusaj, almaypis mayta Diosniypi kusikonqa, imaraykuchus payqa salvación p'achawan p'achallichiwan, justiciawan qhataykuwan, uj casarakoj runata jina, casarakoj warmita jinataj faluchosninwan sumaj k'achan ch'asqata.

Isaías 62:11

Señorqa tukuy jallp'a patapi kajkunaman nimun: Uyariychej, Siompa ususinman niychej: Salvajniyki t'inkan aparisqa jamushan, imatachus wakichisqantawan oqharisqa.

Jeremías 3:21

Ch'in orqospi qhapariykuna uyarikun: Chaykunaqa kanku khuyakuyta mañakuspa israelitaspa waqaynin. Cheqan ñanmanta t'aqakaporqanku, noqa Señor Diosninkutataj qonqakapuwarqanku.

Ezequiel 23:35

Chayrayku noqa Señorqa nini: Noqamanta qonqasqaykirayku, wasanchawasqaykiraykutaj qan jasut'isqa kanayki tiyan, munayniykipi purisqaykimanta, qhenchachakuy juchaspi kausasqaykimantawan.

Joel 1:17

Tarposqa mujoqa pachampi wañuraporqa. Trigopis ch'akiraporqa. Trojestaj thuñisqas kanku.

Ezequiel 22:12

Wakin qampi tiyakojkunamanta qolqeta lluk'ichikunku waj runasta wañuchinampaj. Qolqeta mañarinku mirayniyojta orqhonankupaj. Runa masisninkuta ch'aukiyanku, ñak'arichinkutaj. Noqamantataj qonqakaporqanku. Noqa Señormin kaytaqa nini.