Isaías 16:5 - Qheshwa Biblia DC

⁵ Chaypacha khuyakuywan kamachina tiyanata sayachenqa, chaypitaj Davidpa mirayninmanta uj rey tiyaykonqa. Payqa tukuy sonqowan cheqanchanqa, cheqan kajtataj sayachenqa, maychus kajtataj usqhayta ruwanqa.

DIOSPA QHELQACHISQAN DEUTEROCANONICAL

⁵ Chaypacha Tata Diosqa Davidpa ayllunmanta uj kuraj kamachejta churanqa. Paytaj khuyakuspa, cheqanta juzgaspa kamachenqa. Jinallataj cheqantapuni ruwanqa.

DIOSPA QHELQACHISQ

⁵ Chaypacha Tata Diosqa Davidpa ayllunmanta uj kuraj kamachejta churanqa. Paytaj khuyakuspa, cheqanta juzgaspa kamachenqa. Jinallataj cheqantapuni ruwanqa.

Isaías 16:5 Referans Kwoze

Daniel (hebreo) 7:14

Paymantaj atiyta qorqanku, chanta k'anchayniyoj kayta, llajtasta kamachiytapis. Tukuy nacionesmanta kaj runakuna, tukuy parlaymanta kaj runakunataj payta sirverqanku. Atiynintaj kikillampuni kanqa, kamachinantaj mana jayk'ajpis t'unasqachu kanqa.

Daniel (hebreo) 7:27

Kay jallp'api tukuynin llajtaspa reinosninku, atiyninku, jatun kayninkupis, jatun atiyniyoj Diospa ajllakusqan aylluman qopusqa kanqanku. Chay kamachinantaj wiñaypaj sayanqa, kay pachapi kaj tukuynin llajtakunataj paytaqa sirvenqanku, kasukonqankutaj.

Zacarías 9:9

Siompi kaj llajta sinch'ita kusikuy! Jerusalén llajta, takiy kusiywan Reyniyki may justotaj atiyniyojtaj jamusunki, uj llamp'u sonqo jina burropi lloq'asqa. Chay burritoqa, china burroj uñan.

Proverbios 20:28

Reyqa kamachinanmanta mana orqhosqachu kanqa, munakuywanchus, cheqantatajchus ruwan chayqa.

2 Samuel 7:16

Mirayniykita reinoykitawanqa Noqa waqaychasaj wiñaypaj, ajinallatataj reinoykipis wiñaypaj qhepakonqa.

Amós 9:11

Uj p'unchay jamushan Davidpa ayllunta urmasqamanta sayarichinaypaj. Davidpa yupaychana wasinta sayarichisaj, lajrasninta llup'aykusaj, pampachasqa kasqanmanta oqharisaj, watejmanta sayarichisaj, imaynachus ñaupajta karqa kikinta.

Isaías 55:4

Noqa paytaqa nacionesman willajta churarqani; chantá kamachejta, yachachejta ima.

Proverbios 29:14

Uj rey wajchaspaj cheqanta ruwajqa, wiñaypaj kamachinanta sayachin.

Salmos 99:4

Qan atiyniyoj rey kanki, cheqan kaj ruwayta munanki, qan kikiyki cheqan kajta sayacherqanki. Cheqa kajta, cheqan kajtataj, Jacobpa miraynimpi ruwarqanki.

Salmos 98:9

Señorpa ñaupaqempi. Payqa jamushan kay pachata kamachej. Pay kamachenqa kay pachapi llajtasta, cheqan kaywan mana pantaspa.

Salmos 96:13

Kusikuchunku Señorpa ñaupaqempi, imaraykuchus pay jamushan. Pay jamushan ari kay jallp'ata kamachej. Kay pachapi tukuy runasta kamachenqa cheqan kajwan, cheqa kajwantaj.

Salmos 89:14

Tiyanaykeqa justiciawan cheqan kajpi sayachisqa; munakuywan cheqa kaywantaj ñaupaqeykitapuni rinku.

Salmos 85:10

Munakuywan cheqa kajwan tinkonqanku, cheqan kaywan, sonqo tiyasqa kaywan ujchakonqanku.

2 Crónicas 31:20

Ezequiasqa kay jinata ruwarqa tukuynej Judá jallp'api. Ruwasqasnenqa cheqan, allintaj Señor Diosnimpa ñaupaqempi karqa.

1 Reyes 10:9

Señor Diosniyki yupaychasqa kachun, qanta ajllakususqanmanta, Israelpa trononman churasunampaj; imaraykuchus Señorqa Israelta munakumpuni wiñaypaj, kamachej kanaykipajtaj churasunki, cheqanta cheqa kajtataj ruwanaykipaj.

2 Samuel 23:3

Israelpa Diosnin parlan; Israelpa waqaychajnin niwan: Pichus kamachenqa runasta justiciawan, pichus kamachenqa Diosta manchachikuypi, sut'iyaymanta k'anchay llojsimoj jina kanqa, mana phuyusniyoj paqarimpi intej k'anchaynin jina, para pasayta qhorata wiñachej, ajina kanqa.

2 Samuel 5:9

Chaymantataj Davidqa jark'achasqayoj chaynejpi tiyakaporqa, chaytataj Davidpa llajtan nispa suticharqa. Muyuyninmantaj perqasta jataricherqa, Milo chaynejmantapacha palacio wasikama.

Isaías 33:22

Señorqa cheqanchawajninchej, Señorqa kamachiwajninchej, Señorqa reyninchej. Pay kikinmin salvawasunchej.