Isaías 16:2 - Qheshwa Biblia DC

² Moabpi tiyakojkunaqa Arnón mayu cantopi, mancharichisqas thapanmanta ayqekoj p'isqos jina kashanku.

DIOSPA QHELQACHISQAN DEUTEROCANONICAL

² Moabpi warmikunaqa Arnón wayq'o kantupi mana thapayoj p'isqokuna jina saqerparisqa kashanku.

DIOSPA QHELQACHISQ

² Moabpi warmikunaqa Arnón wayq'o kantupi mana thapayoj p'isqokuna jina saqerparisqa kashanku.

Isaías 16:2 Referans Kwoze

Proverbios 27:8

Uj p'isqoqa thapanmanta karupi purimun; ajinallataj maypichus nacesqanmanta karupi purimoj runaqa.

Jueces 11:18

Chay qhepantarí chay ch'in pampasnejta purispa Edompa jallp'asninta, jinataj Moabpa jallp'asnintapis muyuykorqanku. Chayamorqankutaj Moab jallp'aj inti llojsimuynejman, chaypitaj jarakorqanku chay Arnón mayoj ladon chimpapi. Manataj chimparqankuchu imaraykuchus Moabpa jallp'asninña kasqanrayku.

Jeremías 48:20

Moabqa may k'umuykachachisqa, mancharisqataj kashan. Paymanta nanaywan waqaychej. Arnón mayupi willamuychej Moabqa chinkachisqa kasqanta.

Isaías 13:14

Runaqa mancharichisqa qhatiykachasqa taruka jina kanqa, mana michejniyoj ovejas jinataj. Sapa uj llajtankumankama ayqenqanku, jallp'ankumankamataj riponqanku.

Josué 13:16

Chay jallp'ankutaj karqa Arnón mayu cantopi Aroermantapacha, valle chaupipi llajtantin, tukuy pampasnintin Medebakama.

Deuteronomio 3:12

Chay qhechusqanchej jallp'asmantaqa Rubén aylluman, Gad ayllumanwan qoporqani, Arnón mayu cantopi kaj chay jallp'asta, Galaad orqospi khuskanninkama tukuy llajtasnintinta.

Deuteronomio 3:8

Ajinata chay p'unchaykunapi iskaynin rey amorreospa jallp'asninkuta jap'ikaporqanchej. Paykunaqa Jordán mayoj inti llojsimuynimpi tiyakorqanku, Arnón mayumantapacha Hermón orqokama.

Deuteronomio 2:36

Chayta ruwarqanchej Aroer llajtamantapacha, Arnón mayu chimpapi kashan chaymanta, vallesnimpi kaj llajtamantapacha, Galaad llajtakama. Chay llajtasqa ni mayqen kutichikuyta atiwarqanchejchu, Señor Diosninchej tukuyninkuta makisninchejman urmachimorqa.

Números 21:29

Llakiy qanmanta Moab, Quimón diospa llajtan! Payqa chay llajtaj runasnin ayqejta saqellan, jinallataj warmisniykichej Sehón reypa makinman urmajtapis.

2 Reyes 3:4

Chaypacha Moabpa reynin Mesaqa ashkha ovejasta ujwaj karqa. Chantaqa Israelpa reyninman pachaj waranqa ovejasta, pachaj waranqa sumaj millmasapa carnerostawan apaj.

Proverbios 26:2

Uj chinkasqa phichitanka phawaykachallan, chayri para p'isqopis mana thapayoj phawaykachallan; ajinallataj mana jasut'ichikunapis mana jucha kajtenqa, ni jayk'aj chayamonqachu.

Jeremías 48:9

Moab ayllu chinkachisqa kanqa. Chayrayku uj yuyarikuna qelqasqayoj apachita rumita churaykapuychej; llajtasnimpis raqaykunasllaña qhepakonqanku, manataj ujpis chay tiyakoj kanqañachu.

Jeremías 48:46

Ay, qanmanta Moab llajta. Quemós llajta kichasqaña kanki. Qhari wawasniykita, warmi wawasniykitapis jallp'ankumanta apakaponqanku.