Isaías 13:8 - Qheshwa Biblia DC

⁸ Kharkatiylla junt'aykonqa, llakiywan waqayllawan paykunataqa jap'enqa. Nanaylla, onqoy warmita jina jap'enqa. Sapa uj qhawarinakuspa mancharenqanku, imaraykuchus uyasninku nina jina k'ajarin.

DIOSPA QHELQACHISQAN DEUTEROCANONICAL

⁸ Manchachikuywan kharkatiylla junt'aykonqa. Phutiywan, nanaywan ima paykunata jap'enqa, imaynatachus wijsallisqa warmi nanaywan q'ewiykachakun, ajinata. Mancharisqa paykunapura qhawanakonqanku, imaraykuchus uyankupis p'enqaymanta pukayarenqa.

DIOSPA QHELQACHISQ

⁸ Manchachikuywan kharkatiylla junt'aykonqa. Phutiywan, nanaywan ima paykunata jap'enqa, imaynatachus wijsallisqa warmi nanaywan q'ewiykachakun, ajinata. Mancharisqa paykunapura qhawanakonqanku, imaraykuchus uyankupis p'enqaymanta pukayarenqa.

Isaías 13:8 Referans Kwoze

1 Tesalonicenses 5:3

Maypachachus runakuna nenqanku: Sonqo tiyasqa, waqaychasqataj kayku, nispa; chaypacha ujllata paykunaman wañuy jamonqa, imaynatachus onqoj warmiman nanay jamun, ajinata; paykunataj mana ayqeyta atenqankuchu.

Nahúm 2:10

Niniveqa q'ala phirisqa, ch'impacha, tukuy iman pampachasqa kashan. Mancharikuywan sonqosninkoqa p'akikushanña, moqosninkupis kharkatitishan. Tukuyninkoj kallpasninkupis manaña kanchu. Uyasninkupis manaña paykunapichu kanku; q'ellu q'ellullaña kanku.

Isaías 26:17

Imaynatachus wijsayoj warmej onqokuynin chayamojtin, mayta q'ewiykachakuspa qhaparikuspataj waqakun, ajinata Señor noqaykupis ñaupaqeykipi waqayku.

San Juan 16:21

Onqoj warmeqa, wachakunan p'unchay chayamojtin llakikun; imaraykuchus horan chayamun; wawata wachakuytawantaj chay nanaymanta qonqapun, kusikuywan kay mundopi wawata nacichikusqanrayku.

Joel 2:6

Chayta rikuspa runas kharkatitinku. Tukuypa uyasninkutaj q'elluman tukunku.

Jeremías 50:43

Babiloniamanta reyrí, kay imasta yachaytawankama mancharikuywan mana imanakuyta aterqachu. Ñak'ariypi, nanaypitaj kasharqa uj onqokoj warmi jina.

Jeremías 30:6

Tukuyta tapurikuychej, uj qhari atinmanchu nacechikuyta, imaraykuchus qharista rikuni, uj wijsayoj warmej nanaykunasninwan jina q'ewiykachakojta. Imaraykutaj uyasninku q'ellu q'ellulla kashanri?

Jeremías 4:31

Nanaywan qhapariykunasta uyarini, uj warmi, ñaupaj kaj wawanta nacechikuspa nanaywan qhaparqachan ajina. Chaykunaqa Sión orqoj qharparikusqasnin kanku, makisnintataj jaywarakun. Ay noqamanta! Kay runa wañuchis wañuchishawankuña!, nispa.

2 Reyes 19:26

Chaypi tiyakojkunataj mana kallpayoj kanku, sinch'i mancharisqas, p'enqaypitaj. Campo qhorasman jina tukukunku; q'omer qhoras jinataj kanku, wasi patapi wiñakoj qhora jina, ch'akirapunku manaraj poqoshaspa.

Jeremías 13:21

Ima ninkitaj, qan Jerusalén, qampa yachachisqayki runasllawantaj kamachisqa kaspari? Onqoj warmej nanaykunasnin jina jamusonqanku.

Jeremías 46:5

Jinapis imatataj rikuniri? May mancharikuywan kutiripunku. Maqanakojkunasninkoqa atipasqas kaspa ch'eqeranku, usqhay usqhaytataj ayqerapunku qhepaman qhawarikuspa. Tukuynejpi mancharikuylla tiyan. Noqa Señor chayta nini.

Jeremías 48:41

Llajtas chantá pakakuna wasispis urmanqanku enemigospa makisninman. Chay p'unchaypi Moabpa maqanakojkunasnin kharkatenqanku, imaynatachus onqokoj warmi nanaywan kharkatin ajinata.

Jeremías 49:22

Bosraj contrampi uj enemigo oqharikonqa, imaynatachus uj anka lijrasninta kichariytawan oqharikun, ajinata. Chay p'unchaypeqa Edompa maqanakojkunasnin kharkatitenqanku onqokoj warmi jina.

Jeremías 49:24

Damasco runasqa manaña kallpayoj kaspa ayqej tukunku, sinch'i t'ukuyllawanña atipachikunku, jinataj ñak'ariywan nanaywantaj, onqoj warmej nanayninwan jina.

Jeremías 51:30

Babiloniamanta wapu soldados maqanakuyta saqerparerqanku, chay pakakunasnillankupiña qhepakorqanku. Kallpasninku tukukaporqa, warmi jinallaña karqa. Llajtasninkuman runas junt'aykorqanku, wasisninkutaj ruphaykuchisqas karqanku.

Ezequiel 20:47

Néguev orqomantaj ninki: Uyariy Señorpa parlasusqanta: Señorqa kay jinata nin: Noqa qampi uj ninata jap'ichisaj, chaytaj ruphaykonqa, qampi kashanku chay tukuynin q'omer sach'asta, ch'aki sach'astawan. Chay nina larwaj mana thasnonqachu. Qampi tiyakushanku chay tukuynin runaspa uyantataj ruphaykonqa, uraynejpi kajkunamanta qallarispa wichaynejman.

Oseas 13:13

Israelpaj chayamun nacechikunan rato, jinapis chay wawari may wampu kasqa, mana allinmanta nacekamunampaj jinallapis cheqanchakorqachu, mana nacekamuyta munaspa.

Salmos 48:7

Imaynatachus wayra inti llojsimuynejmanta wayramuspa, Tarsis barcosta p'akin, ajinata.