Isaías 12:4 - Qheshwa Biblia DC

⁴ Chaypacha ninkichej: Señorman graciasta qoychej, sutinta jatunchaychej, imatachus ruwasqasninta runasman willamuychej, yuyarichiychej sutenqa may jatun kasqanta.

DIOSPA QHELQACHISQAN DEUTEROCANONICAL

⁴ Chaypacha ninkichej: Tata Diosman pachis nispa, sutinta yupaychaychej. Imatachus ruwasqanta tukuy runaman willamuychej, jinallataj Tukuy Atiyniyoj kasqanmantapis willallaychejtaj.

DIOSPA QHELQACHISQ

⁴ Chaypacha ninkichej: Tata Diosman pachis nispa, sutinta yupaychaychej. Imatachus ruwasqanta tukuy runaman willamuychej, jinallataj Tukuy Atiyniyoj kasqanmantapis willallaychejtaj.

Isaías 12:4 Referans Kwoze

Salmos 105:1

Señorman graciasta qoychej, sutintataj oqhariychej. Tukuy runasmantaj ruwasqasninta willaychej.

1 Crónicas 29:11

Señor qampatamin jatunchasqa kayqa, atiypis, kusiypis, atipaypis, jatunchasqa kaypis! Qampatamin kay pachapi, janaj pachapi, tukuy ima kajpis. Reinopis qampallatataj, Señor, qanlla tukuymanta aswan jatun atiyniyoj kanki.

Isaías 25:1

Señor, qanmin Diosneyqa kanki; pataman sutiykita oqharispa jatunchayki; imaraykuchus t'ukun imasta ruwanki; unaymantapacha unanchasqaykeqa allimpuni cheqataj.

San Juan 17:26

Paykunaman sutiykita rejsicherqani, astawanraj rejsichisajpis, ima munakuywanchus munakuwarqanki, chay munakuy sonqonkupi kanampaj, noqataj paykunapi.

Jeremías 50:2

Tukuy naciones ukhupi chayta willaramuychej yachanankupaj. Uj wiphaylata oqhariychej señalta jina, ama uj chhikanta pakarispa. Kay jinata niychej: Babiloniata jap'ikapunku. Bel nisqa diosninku p'enqaypi rikhurichisqa karqa. Marduc nisqa diosninku manchariywan junt'a kashan. Chay lantisninku, mana kaj dioskunasninku p'enqaypi rikhurichisqas karqanku, mancharikuywan junt'astaj.

Salmos 57:5

Diosníy, qan janaj pachamanta aswan pataman oqharisqa kanki. K'anchayniykitaj tukuy kay pachaman junt'an.

Salmos 18:46

Kausachun Señorqa; waqaychawaj bendicisqa kachun. Salvawajniy Diosneyqa jatunchasqa kachun.

Nehemías 9:5

Chaymantataj chay levitas Josué, Cadmiel, Binuy, Hasabnías, Serebías, Hodías, Sebanías, Petaías ima nerqanku: Jatarikuychej, Señor Diosniykichejtataj wiñay wiñaypaj yupaychaychej, nispa. Chaypacha paykunaqa Señor k'acha sutinta yupaycharqanku, bendicioneswan, jinataj yupaychaykunaswan.

Éxodo 33:19

Señortaj kuticherqa: Noqa k'acha sonqo kayniyta ñaupaqeykipi rikuchisqayki. Chaymanta Señor sutiyta oqharisaj. Chaypi khuyakuyniyta rikuchisaj pimanchus munasqayman; jinallataj tukuy munakuyniywan yanapasaj pitachus munasqayta.

Éxodo 15:2

Señorman takisaj. Pay noqaj salvacionniy, kallpaytaj. Kaymin Diosneyqa, Payta yupaychasaj, tataypa Diosnin; Payta jatunchasaj.

Isaías 66:19

Paykunaj chaupinkuman uj señalta churasaj. Paykunamanta ujnin ayqekoj kajtataj kay nacionesman kachasaj: Tarsisman, Libiaman, flechayta yachaj Lidiaman, chantaqa, Tubalman, Greciaman, mar qocha cantospi karupi tiyakojkunaman. Paykuna noqamanta mana yachankuchu, manataj k'anchayniytapis imaynachus kasqanta rikunkuchu. Chaykunaman ima kachasaj. Imaynachus atiyniy kasqanta paykuna tukuy nacionesman willanqanku.

Isaías 33:5

Señorqa jatunchasqa kanqa, imaraykuchus payqa patapi tiyakun, paylla allin kajwan, cheqan kajwantaj Sionman junt'achenqa.

Isaías 24:15

Chayrayku inti llojsimuy jallp'aspi Señorta jatunchaychej ari. Israelpa Señor Diosnimpa sutinta tukuy mar qocha cantospi jatunchaychej.

Isaías 12:1

Chay p'unchaypi ninki: Graciasta qoyki, Señor, qanqa noqapaj maytapuni phiñakorqanki, chaywampis chay jina k'ajaj phiñakuyniykeqa manaña kanchu, astawampis sonqochawanki.

Isaías 2:17

Runaj wapuykachaynenqa k'umuykuchisqa, runaj machu machu kaynenqa urmachisqa kanqa. Chay p'unchaypeqa Señorlla jatunchasqa kanqa.

Isaías 2:11

Jatunmanta qhawaykachayninkoqa k'umuykuchisqa kanqa, runaykachayninkutaj pampaman urmasqa kanqa. Chay p'unchaypeqa Señorlla jatunchasqa kanqa.

Salmos 113:5

Señor Diosninchej jinaqa mana pipis kanchu; payqa janaj pachapi kamachin.

Salmos 107:22

Yupaychana takiykunata jaywaychej rikuchikuta jina, kusisqastaj parlaychej ruwasqasninmanta.

Salmos 97:9

Qanlla Señor, kay pachapeqa tukuy imamanta aswan patapi kanki, tukuy dioskunamanta aswan patapi.

Salmos 96:3

Jatun kayninmanta tukuy runasman willaychej. Chay sumaj ruwasqasninmantataj, tukuy ayllusman parlaychej.

Salmos 73:28

Noqarí Diosman qayllakusaj. Noqapajqa chaymin aswan sumajqa. Qan, Señor, Diosníy, pakakunay kanki, tukuy ruwasqasniykitataj willamusaj.

Salmos 46:10

K'umuykuycyhej, rejsiwaychejtaj noqa Diosniykichej kani. Tukuy nacionespi noqa yupaychasqa kasaj. Tukuy kay pachapi jatunchasqa kasaj.

Salmos 40:5

Señor Diosníy. Ashkha t'ukuna imasta noqaykupaj ruwarqanki. Maytataj noqaykumanta yuyarikuwayku. Ni imapis qanwanqa ninakunchu. Sichus chaykunamanta willayman, parlaymantaj chayqa, mana tukuchiyta atiymanchu.

Salmos 34:3

Khuska, uj simillataj, Señorpa jatun sutinta yupaychaychej.

Salmos 22:31

Qhepa nacekojkunamampis willanqanku Señorpa cheqan kayninmanta, ruwasqasninmantawan.

Salmos 21:13

Jatarikuy atiyniykiwan, Señor, takisqayku qampa atipasqaykita.

Salmos 9:11

Siompi tiyakoj Señorman takiychej. Tukuy runasman ruwasqasninta willamuychej.

1 Crónicas 16:8

Señorman graciasta qoychej! Sutinta qhapariychej! Tukuy ayllusman willaraychej ruwasqasninmanta.

Salmos 148:13

Tukuy Señorpa sutinta yupaychachunku, paypa sutillan jatun kasqanrayku. Paypa jatun kaynenqa, jallp'a patapi, cielopipis kashan.

Isaías 26:8

Señor kamachisqasniykej ñannimpi yachakuyku allin kasqaykuta. Noqaykoj sonqoykoqa qanllapi yuyan.

Isaías 42:12

Señorta kusichiychej, tukuy mar qocha canto llajtas kusiywan yupaychaychej.

Isaías 48:20

Babiloniamanta llojsiychej, caldeosmanta ayqekuychej; kay imasmantaqa kusiywan willamuychej; jallp'aj tukukuyninkama chayachiychej. Chaypachataj niychej: Señorpuni kacharichin, kamachin Jacobta, nispa.

Malaquías 1:11

Tukuynejpi kay pachapi sutiyta jatumpaj jap'inku; tukuynejpi inciensota noqapaj q'osñichinku, ofrendatataj qonku llimphu uywasta, imaraykuchus suteyqa may jatunmin tukuynin llajtas ukhupi, nin Tukuy Atiyniyoj Señorqa.

Salmos 68:5

Diosninchej santo wasimpi tiyakun, payqa wajchaspa tatan. Viudastataj waqaychan.