Isaías 12:2 - Qheshwa Biblia DC

² Diosmin salvawajneyqa; payman noqaqa atienekuni, manañataj manchachikusajchu. Señormin pakakunayqa kallpaytaj. Paylla noqataqa salvawan.

DIOSPA QHELQACHISQAN DEUTEROCANONICAL

² Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

DIOSPA QHELQACHISQ

² Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

Isaías 12:2 Referans Kwoze

Éxodo 15:2

Señorman takisaj. Pay noqaj salvacionniy, kallpaytaj. Kaymin Diosneyqa, Payta yupaychasaj, tataypa Diosnin; Payta jatunchasaj.

Salmos 27:1

Señorqa k'anchawajniy, salvawajniytaj. Pimantataj manchachikuymanri? Señorqa kausayniyta jark'awan.

Salmos 118:14

Kallpachawaj Señorman noqa takini; paymin salvawajneyqa.

Apocalipsis 7:10

Paykunataj sinch'ita qhaparispa nerqanku: Salvacionqa Diosninchejpata, pichus tronopi tiyasqa kashan chaypata, Corderojpatawan.

Jonás 2:9

Noqaqa agradecekuspa rikuchikusta jaywakusqayki; imatachus qosqayki nisusqayta jaywasqayki. Salvacionqa Señorpatamin.

Isaías 45:17

Señorqa israelitasta wiñaypaj salvarqa. Qankunaqa mana p'enqakunkichejchu, manataj k'umuykachankichejchu jayk'ajpis.

Jeremías 23:6

Chay p'unchaykunasnimpeqa Judá salvasqa kanqa, Israelpis sumaj waqaychasqa tiyarikonqa. Kay sutiwanmin chaypacha sutichanqanku: Señormin cheqan kajta ruwaysiwajninchejqa, nispa.

Jeremías 3:23

Cheqamanta mana imapaj allinchu karqa orqo puntasman wicharisqaykoqa, nitaj chay orqospi qhaparqachasqaykupis. Señor Diosnillaykupimin Israelqa salvacionta tarin.

Salmos 83:18

Yachachunku qanlla Señor kasqaykita, qanllapuni patapi kaj Dios tukuy kay pachapi kasqaykita.

1 Timoteo 3:16

Cheqamanta jatumpuni Diosta yupaychanamanta pakasqa yachayqa: Dios rejsichikorqa aychallikuspa; Espiritunejta cheqa runapaj rejsisqa, angelespa rikusqan, gentilesman willasqa, mundontimpi creesqa, janaj pachaman oqharisqa.

Romanos 1:16

Mana p'enqakunichu evangeliomanta, imaraykuchus evangelioqa Diospa atiynin tukuy creejkunata salvanampaj; ñaupajta judiosta, chaymantataj griegosta.

Oseas 1:7

Judáj reinonmantarí khuyakusaj, noqa kikiy Señor Diosninku paykunata salvasaj. Pero salvasaj chayqa manamin maqankupichu, nitaj wach'inawanchu nitaj t'ojsinawanchu nillataj caballospi lloq'ajkunawanchu, nispa.

Isaías 62:11

Señorqa tukuy jallp'a patapi kajkunaman nimun: Uyariychej, Siompa ususinman niychej: Salvajniyki t'inkan aparisqa jamushan, imatachus wakichisqantawan oqharisqa.

Isaías 32:2

Chay sapa ujninku kanqanku wayramanta pakakunapaj jina, llojlla para wayramanta pakakunapaj; ch'aki jallp'api qarpanapaj larq'as jina; ch'in pampapi jatun chhankaj llanthun jina.

Isaías 7:14

Kikin Señormin señalta qosonqachej. Qhawariychej, manaraj qharita rejsej sipas wijsallikun, nacechikuspataj, wawanta Emanuelta sutichanqa.

1 Samuel 2:1

Anaqa kay jinata Señormanta mañakorqa: Señor, tukuy sonqoywan qampi kusikuni, imaraykuchus qanllamin watejmanta kallpachawanki. Chejninakuwajkunaman kutichikuyta atini. Qan yanapawasqaykirayku, kusisqa kashani!

Job 13:16

Payllataj jap'ikapuwanqa, imaraykuchus paypa ñaupaqenman sajra runaqa mana yaykuyta atinchu.

Salmos 112:8

Sonqonqa sinch'ita sayan, mana manchachikunchu, enemigosnintataj kusipayaspa qhawan.

Isaías 10:24

Chayrayku Tukuy Atiyniyoj Señorqa ajinata nin: Siompi tiyakoj ayllúy, Asiria runasmantaqa ama manchachikuychu; k'aspiwan wajtasunanmantaqa. Paykunaqa qampa contraykipi tojnunkuta oqharenqanku, imaynatachus egipcios ruwarqanku ajinata.

Isaías 17:10

Qanqa salwajniyki Diosta qonqaporqanki. Mana qanqa jark'asoj chhankamanta yuyarikorqankichu. Astawampis qanqa sumaj sach'asta plantarqanki, waj dioskunata yupaychanallaykipaj.

Isaías 27:5

Sichus jark'asunayta munanki chayqa, noqawan allinyakunachej. Arí, noqawan allinyakunachej.

Isaías 49:5

Kunanqa Señor nin, pichus mamaypa wijsanmantapacha kamachimpaj ajllakuwarqa chay, Jacobpa ayllunta payman kutirichinaypaj, paywan ujlla kanankupaj. Noqaqa Señorniypa ñaupaqempi allimpaj qhawasqa kasaj, Diosnillaytaj kallpaypis kanqa.

Isaías 50:10

Mayqellampis Señorta manchachikojkuna, kamachimpa parlasqasninta uyarejkuna. Pikunachus laqhayajpi purejkuna, Señorpa sutimpi atienekuychej. Diosniykichejpi atikuychej.

Isaías 61:10

Noqaqa Señorniypi mayta kusikusaj, almaypis mayta Diosniypi kusikonqa, imaraykuchus payqa salvación p'achawan p'achallichiwan, justiciawan qhataykuwan, uj casarakoj runata jina, casarakoj warmita jinataj faluchosninwan sumaj k'achan ch'asqata.

Isaías 65:18

Qankunaqa maytapuni wiñaypaj kusikunkichej, imastachus ruwarqani chaykunapi. Jerusalenman kusikuyta apamuni, jinallataj chaypi kaj runaspis kusikunankupaj.

Daniel (hebreo) 3:28

Chay ratopi Nabucodonosor jatunmanta qhaparerqa: Yupaychasqa kachun Sadracpata, Mesacpata, Abed-negojpatawan Diosninkoqa. Pay angelninta kachamorqa salvanampaj. Paykunaqa mana junt'arqankuchu reypa kamachisqanta. Astawampis wañuyta munarqanku manapuni munaspa, paykunaj Diosninkumanta waj diosman qonqorikuyta, yupaychaytataj!

Joel 2:23

Sión orqopi tiyakojkuna, mayta kusikuychej! Kusikuychej Tukuy Atiyniyoj Señor Diosniykichejpi. Paymin parachimusunkichej maychus kaj tiempompi. Parachimusonqachejtaj chiri tiempopi, jinallataj q'oñi tiempopipis, Imaynachus ñaupa tiempopi kaj ajinata.

2 Samuel 7:24

Imaraykuchus qan nerqanki Israelqa wiñaypaj aylluyki kananta, qantaj Señorníy, Diosninku kanaykita.

Salmos 65:6

Qan orqosta sinch'ita sayachinki, atiyniykiwan, kallpaykiwantaj.

Salmos 68:20

Diosninchejqa salvaj Dios, Señormin wañuymanta librajqa.

Salmos 68:21

Cheqamanta Diosninchejqa enemigosninchejpa umanta p'akenqa, juchallikullankupuni chaykunaj umanta.

Salmos 118:21

Graciasta qoyki, Señor, uyariwasqaykimanta, salvawajniy kasqaykimantapis.

Isaías 33:22

Señorqa cheqanchawajninchej, Señorqa kamachiwajninchej, Señorqa reyninchej. Pay kikinmin salvawasunchej.

Isaías 38:20

Señorneyqa salvawanqa; chayrayku takirikunachej Señorpa wasimpi takiykunata, sapa p'unchay tukuy kausayninchejpi.

Isaías 51:12

Noqa, noqamin kani sonqochajniykeqa. Pitaj qan kanki runata manchachikunaykipajri? Qhora jina wañoj chay runatachu manchachikunki?