Isaías 10:6 - Qheshwa Biblia DC

⁶ Asiriosta juchasapa runasman kachasaj, k'ajajta phiñachiwaj llajtaman pusasaj, imankuchus kajta, kapuyninkutapis qhechumunampaj, callespi t'uruta jina sarunampaj.

DIOSPA QHELQACHISQAN DEUTEROCANONICAL

⁶ Noqaqa asiriokunata millayta ruwaj runakunaman kachasaj, k'arajta phiñachiwaj llajtamantaj pusasaj. Paykuna chaykunaj imankuchus kajta, tukuy kapuyninkutapis qhechumonqanku, callekunapi t'uruta jina paykunata saronqanku.

DIOSPA QHELQACHISQ

⁶ Noqaqa asiriokunata millayta ruwaj runakunaman kachasaj, k'arajta phiñachiwaj llajtamantaj pusasaj. Paykuna chaykunaj imankuchus kajta, tukuy kapuyninkutapis qhechumonqanku, callekunapi t'uruta jina paykunata saronqanku.

Isaías 10:6 Referans Kwoze

Isaías 9:17

Chayrayku Señorqa mana khuyanchu waynasta, nitaj wajcha wawasta, nitaj viudastapis. Tukuyninku sajras kanku, juchasapastaj; tukuyninkutaj parlanku sajra palabrasllata. Chay tukuywampis, Señorpa k'ajaj phiñakuynenqa manarajpuni thasnukunchu, payqa jasut'inampaj makin oqharisqallarajpuni kashan.

Zacarías 10:5

Soldados jina kankichej, imaynatachus maqanaku kajtin tukuy ñankunaspi t'uruta sarunku, ajinata ruwankichej. Maqanakunkichej imaraykuchus Señor qankunawan kanqa jinamanta caballospi purejkunapis p'enqachisqas kanqanku.

Jeremías 34:22

Kunan noqa kutirimunankuta kamachisaj, kay llajtaj contrampi jamunankuta, yaykuykamunankutataj, jap'ikapunankuta, ninatataj jap'iykuchinankuta. Judamanta chay puchoj llajtaspis ch'inyachisqas qhepakonqanku mana uj runayoj. Noqa Señor chayta nini.

Jeremías 25:9

Chayrayku wichaynejmanta tukuy ayllusta wajtasaj, chantá Babiloniamanta kamachiy rey Nabucodonosortapis, paykuna kay jallp'aman maqaj yaykumunankupaj, tukuy kaypi tiyakojkunaman, jinallataj chay qaylla nacionesmampis. Tukuyninkuta paykunata tukuchisaj. Paykunata wiñaypaj raqaykunasman tukuchisaj, uj t'ukunapaj jina, mancharikunapaj jinataj kanankama.

Isaías 19:17

Egipto nacionqa, Judá nacionta maytapuni manchachikonqa; sutinta yuyarispalla mayta manchachikonqanku Tukuy Atiyniyoj Señor Egiptoj contrampi imatachus ruwananta yuyarispa.

San Mateo 15:7

Puraj uyas! Allinta Isaías qankunamanta nerqa:

Miqueas 7:10

Chay chejnikuwajniypis rikullanqataj, chaytaj p'enqaywan junt'aykuchenqa. Payqa niwaj: Maypitaj Señor Diosniyki kashan?, nispa. Jinapis kunanqa kusisqa kani rikuspa callespi t'uruta jina sarusqata.

Jeremías 4:14

Jerusalén, sonqoykimanta sajra imasta llimphuchakuy, jinamanta salvasqa kanaykipaj. Mayk'ajkamataj umaykita muyuchikunki chay sajra yuyaykunawanri?

Jeremías 3:10

Chay tukuyta ruwaspañapis chay t'aqakuwaj Judaqa nillataj tukuy sonqowanchu noqaman kutirimuwarqa, manachayqa ch'aukiyawarqa. Noqa Señormin chayta nini.

Isaías 63:6

K'ajaj phiñakuyniywan chay runasta t'usterqani. Phiñakuywan tukucherqani. Yawar mayusta puriricherqani.

Isaías 63:3

Arí, noqalla uvas ch'irwanapeqa saruni. Mana pipis noqawan llajtaymanta saroj karqachu. Arí, phiñakuyniywan sarorqani, may phiñakuyniy paykunata taripan. Chayrayku chaypi yawarninku p'achayman ch'allpaykamuwan, ajinamanta tukuy p'achay pukachasqa.

Isaías 41:25

Patanejpi uj runata rikhurichini, payqa inti llojsimuymanta jamuspa sutiyta oqharin; kamachejkunataqa t'uruta jina saronqa, imaynatachus manka ruwajqa t'uruta sarun, ajinata.

Isaías 33:14

Juchasapasqa Siompi mayta kharkatiterqanku, puraj uyastapis t'ukuylla jap'erqa. Pitaj noqanchejmanta kay jina nina ukhupi kausanmanri, pitaj kay jinata wiñaypaj nina k'ajaj ukhupi tiyakunmanri?

Isaías 29:13

Señortaj nin: Kay runasqa simillankuwan qayllamuwanku, simillankuwan yupaychawanku, sonqonkutaj noqamanta karupi kashan. Noqata kasuwasqankoqa, runaspa kamachisqallan kapun, imatachus yachasqankullata ruwanku.

Isaías 22:5

Tukuy Atiyniyoj Señorqa nerqa qhaparina llakiy atipachikuna p'unchay chayamunanta. Hinom vallepitaj perqasta urmachinku, qhapariykunataj orqosman chayan.

Isaías 9:19

Tukuy Atiyniyoj Señorpa phiñakuynenqa jallp'ata manchayta kharkatichin, runasqa nina enqhampaj llant'a jina kanku. Runaqa, runa masinta mana khuyanchu, sapa ujtaj mikhunakunku.

Isaías 5:29

Qhaparisqankoqa leompaj qhaparisqan jina, uña león aychaman ch'ipaykukuspa qhaparin jina, sumajta qhaniykuspataj apan nitaj pipis qhechuyta atinchu.

2 Samuel 22:43

Ñut'u jallp'ata jina kutarqani! Sarurarqani ñan patapi t'uruta jina!

Isaías 5:5

Kunanqa, uvas sach'asniywan imanasajchus chayta nisqaykichej: Perqasninta thuñisaj, jinamanta chinkanqa, perqasninta urmarachisaj, tukuy sarunankupaj.

Isaías 5:25

Chayrayku Señorqa ayllumpa contranta k'ajajta phiñakorqa, makintataj jasut'inampaj oqharerqa. Orqospis kharkatiterqanku, wañusqastaj callesnimpi q'opa jina wijch'usqas karqanku. Chay tukuywampis Señorpa k'ajaj phiñakuynenqa manaraj thasnukunrajchu, payqa jasut'inampaj makin oqharisqallapuni kashan.

Isaías 7:17

Señorqa mana allin p'unchaykunata apachimusonqa, qanman aylluykiman, tataykej wasinman ima. Chay jinata ni jayk'aj karqachu Efraín ayllu, Judá ayllumanta t'aqakusqanmantapacha. Chayta parlashan Asiria reymanta.

Isaías 8:8

Chaytaj Judakama chayanqa, tukuynintataj p'ampaykonqa, kunkankama chayaspa. Emanuelníy, tukuynin jallp'aykita lijrawan qhataykonqa.

Isaías 24:5

Jallp'aqa chaypi tiyakojkunanejta ch'ichichasqa; imaraykuchus leyesta p'akinku, kamachisqasta mana kasunkuchu, wiñaypaj ruwasqa tratota p'akinku.

Isaías 32:6

Wampu runaqa sonserasllata parlan, yuyaynimpi sajra imasta wakichin; mana allinta ruwayllata mask'an. Señorpa contranta llullasllata parlan; yarqhasqa kajtaqa mana imayojta ch'usajllata kacharpayan, ch'akichikojmampis mana yakuta jaywarinchu.

Isaías 33:1

Ay, qanqa qhechoj runa, qanmantataj mana jayk'ajpis qhechusunkuchu; qan, suwaj runa, qanmantataj manaraj suwasunkurajchu. Qan qhechuyta tukojtiyki, qanmantapis qhechullasonqankutaj. Ajinata suwayta tukojtiykikama qanmantapis suwallasonqankutaj.

Isaías 49:17

Llajtaykita watejmanta sayachejkuna usqhayllata chayamonqanku, chay tukuy imasniykita chinkachejkuna, urmachejkunawanqa ripunku.

Isaías 49:25

Señortaj nin: Cheqamanta jap'isqa runaqa chay jina kallpayoj soldadoj makinmanta qhechusqa kanqa; uj jap'isqapis uj sujsojkiri runaj makinmanta qhechusqa kanqa. Noqa kutichisaj, quejasojniykiwan yachanakusaj, noqa kikiytaj wawasniykitaqa qhechumpusqayki.

Ezequiel 29:20

Egipto jallp'ata payman qopusaj Tiro llajtaj contranta maqanakusqanmanta, imaraykuchus chaytaqa noqapaj ruwapuwarqa. Ajinata Señorqa nin.

Ezequiel 38:12

Kapuyninkuta qhechumusaj, suwamusajtaj. Ch'inyachisqa jallp'api watejmanta sayarichisqa llajtaspi runas tiyakushanku chaykunata t'unaykamusaj, waj jallp'asmanta orqhomusqa kanku chay runastawan. Paykunaqa ashkha uywasta mirachishanku, jallp'asniyojtaj kanku. Chantapis tukuy kay pachapi kaj jallp'aj chaupimpi tiyakushanku, ajinata nispa sonqoykipi yuyaychakunki.

Ezequiel 38:13

Sabá nisqa llajtayoj runas, chantá Dedanmanta kajkunapis, jinallataj Tarsis llajtayoj qhatu apaykachajkuna, chantá tukuy jatun kamachejkuna tapurisonqanku: Suwajchu jamorqanki? Chaypacha soldadosniykitapis tantaykunkichu tukuy imasta qhechuranaykipaj, qolqeta, qorita, chantapis uywasta, jallp'asta waj kapuykunatawan ashkha imasta qhechuraspa apakapunaykipaj?, nispa.

Habacuc 1:12

Señor, manachu qanqa mana jayk'aj wañoj wiñay wiñaypaj kausaj Santo Diosniy kankiri? Waqaychaj Señorníy, qanmin caldeosman kallpata qorqanki justiciaykita ruwanankupaj.

2 Reyes 18:25

Manachu noqapis Señorwan jamushani kay cheqata chinkachinaypaj? Señor noqatapis niwarqa: Wicharispa chay jallp'ata chinkachimuy, nispa.

Isaías 8:4

Chay wawa manaraj, tatáy, mamáy niyta yachashajtin, Damascoj qhapaj kayninta, Samariaj tukuy imasnintawan Asiriaj reynin apakaponqa, nispa.