Isaías 10:4 - Qheshwa Biblia DC

⁴ Qankunaqa presos jap'isqallaña kanaykichej, chayri wañusqaswan urmanallaykichejña. Chay tukuywampis Señorpa k'ajaj phiñakuynenqa manarajpuni thasnukunchu. Payqa makin oqharisqallarajpuni kashan.

DIOSPA QHELQACHISQAN DEUTEROCANONICAL

⁴ Manachus presochasqakunawan k'umuykuchisqa kankichej chayqa, maqanakupi wañuchisqapuni kankichej. Chay tukuywanpis Tata Diospa k'araj phiñakuynenqa manarajpuni thasnukunchu. Payqa jasut'inanpaj makin oqharisqallarajpuni kashan.

DIOSPA QHELQACHISQ

⁴ Manachus presochasqakunawan k'umuykuchisqa kankichej chayqa, maqanakupi wañuchisqapuni kankichej. Chay tukuywanpis Tata Diospa k'araj phiñakuynenqa manarajpuni thasnukunchu. Payqa jasut'inanpaj makin oqharisqallarajpuni kashan.

Isaías 10:4 Referans Kwoze

Isaías 5:25

Chayrayku Señorqa ayllumpa contranta k'ajajta phiñakorqa, makintataj jasut'inampaj oqharerqa. Orqospis kharkatiterqanku, wañusqastaj callesnimpi q'opa jina wijch'usqas karqanku. Chay tukuywampis Señorpa k'ajaj phiñakuynenqa manaraj thasnukunrajchu, payqa jasut'inampaj makin oqharisqallapuni kashan.

Jeremías 37:10

Qankunaman yaykumushasunkichej chay caldeo soldadostapis atipawajchej chayqa, manañapis runas campamentopi qhepakunmanchu, manachayqa uj mashkha nanachisqas kajkunallaña kanman chaypis, chay runas atinkumanraj jatarimuyta ninata llajtaman jap'iykuchiyta.

Isaías 9:12

Sirios inti llojsimuynejmanta jamunku, inti yaykuynejmantataj filisteos. Chaykunataj Israeltaqa simi junt'ata mikhuykorqanku. Chaywampis Señorpa phiñakuynenqa manarajpuni thasnukunchu, jasut'inampaj wakichisqallapuni kashan.

Deuteronomio 32:30

Imaynamantataj uj runalla waranqa runasta qhatiykachayta atinmanri? Imaynamantataj iskay runaslla chunka waranqa runasta ayqechiyta atinkumanri? Ajina kanqa jark'akojtinku paykunata saqerpayasqanrayku, Señorninku enemigosninkuman entregasqanrayku.

Oseas 9:12

Chaywampi wawasninkuta uywaspa kausachinkuman chayqa, noqa qhechukapuyman ni uj puchuyojta. Ay, imachus kay runasmanta kanman paykunamanta t'aqakapojteyqa.

Isaías 66:16

Señorqa ninawan espadawantaj tukuyta cheqanchanqa, jinamanta Señorpa wañurachisqasnenqa ashkha kanqa.

Isaías 34:3

Chay wañusqasqa pachanman wijch'urpayasqa kanqanku, chay wañusqasqa millayta asnayta qallarenqanku, orqospitaj yawarninku purirenqa.

Isaías 24:22

Ujllaman tantaykuspa calabozoman wisq'aykonqa, carcelpitaj wisq'asqas kanqanku, unaymanta orqhomuspataj jasut'enqa.

Isaías 22:2

Imaymana qhapariywan, ch'ajwawan junt'a kaj llajta, kusiypi kausaj llajta. Wañusqasniykeqa mana espadawan wañuchisqaschu kanku, nitaj ch'ajwapi wañuchisqaschu kanku.

Isaías 9:21

Manasés aylloqa Efraín aylluwan maqanakonqanku, Efraín ayllutaj Manasés aylluwan. Jinashaspalla Judá aylloj contranta sayarinku. Chaywampis, Señorpa k'ajaj phiñakuynenqa manarajpuni thasnukonqachu, makin oqharisqallapuni kashan.

Isaías 9:17

Chayrayku Señorqa mana khuyanchu waynasta, nitaj wajcha wawasta, nitaj viudastapis. Tukuyninku sajras kanku, juchasapastaj; tukuyninkutaj parlanku sajra palabrasllata. Chay tukuywampis, Señorpa k'ajaj phiñakuynenqa manarajpuni thasnukunchu, payqa jasut'inampaj makin oqharisqallarajpuni kashan.

Levítico 26:17

Noqapis qankunaj contraykichejpi kasaj, enemigosniykichejtaj atipasonqachej. Chay enemigosniykichej qankunata kamachisonqachej, qankunataj mana pi ima nishajtillan ayqekunkichej.

Jeremías 4:8

Chayrayku qhashqa p'achaswan p'achallikuychej, waqaychej, nanaywantaj qhaparqachaychej, imaraykuchus Señorpa k'ajaj phiñakuynenqa manaraj noqanchejmanta t'aqakunchu.

Isaías 9:11

Señorqa manchachikuna enemigosta apachimun. Pay kikin maqanankuta kamachin.

Isaías 9:16

Chay llajtata kamachejkunaqa ch'aukiyajkuna kanku, kasojkunataj chinkapunku.

Isaías 9:20

Sapa uj paña ladomanta mikhonqa, chaywampis yarqhasqallapuni qhepakonqa. Lloq'e kajmanta mikhonqanku, manataj sajsanqankuchu.

Jeremías 15:2

Sichus tapusunkuman: Maymantaj risqaykuri?, nispa chayqa, kay nisqaymanta paykunaman willay: Onqoywan wañunanku kajqa onqoywan wañuchunku. Maqanakupi wañunankupaj kajkunaqa, maqanakupi wañuchunku. Yarqhaywan wañunankupaj kajkunaqa, yarqhaywan wañuchunku. Jallp'ankumanta wijch'usqas kanku, kashan chaykunaqa, wijch'usqas kachunku.