Isaías 10:21 - Qheshwa Biblia DC

²¹ Jacobpa mirayninmanta kaj israelitasmanta puchojkunaqa, manchay atiyniyoj Diosman kutirenqanku.

DIOSPA QHELQACHISQAN DEUTEROCANONICAL

²¹ Jacobpa mirayninmanta kaj israelitakunamanta pisi puchojkunaqa Tukuy Atiyniyoj Diosman kutirikonqanku.

DIOSPA QHELQACHISQ

²¹ Jacobpa mirayninmanta kaj israelitakunamanta pisi puchojkunaqa Tukuy Atiyniyoj Diosman kutirikonqanku.

Isaías 10:21 Referans Kwoze

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Hechos 26:20

Damascopiraj willayta qallarerqani, chaymantá Jerusalempi, qhepantataj tukuy Judeapi; chaymantarí gentiles ukhupi ima, paykuna sajra kausayta saqespa Diosman kutirikunankuta; sumaj ruwanasta ruwaspa rikuchinankupaj Diosman kutirisqankuta.

Oseas 14:1

Israel, kutirikuy Señor Diosniykiman, imaraykuchus juchasniykirayku urmarqanki!

Oseas 7:16

Lantikunaman kutiporqanku; uj wist'u arcoj wach'in waj ladollaman ripun ajinata, paykunapis waj ladollaman ripunku. Phiña palabraswan parlasqankurayku kurajkunasninku t'ojsinaswan t'ojsisqas wañonqanku, Egiptopitaj paykunamanta asiykukonqanku.

Oseas 7:10

Israelpa runaykachasqanqa paypa contrallampitaj sut'inchashan. Chaywampis paykunaqa mana kutirikorqankuchu nitaj Señor Diosninkuta mask'arqankuchu.

Oseas 6:1

Tukuy jamuychej, Señorman kutirimpuychej. Pay phiriwarqanchej, jinapis payllataj jampiwasunchej. Nanachiwarqanchej, payllataj sanoyachiwasunchej.

Isaías 55:7

Juchasapaqa sajra puriyninta saqechun. Sajra runaqa imatachus yuyasqasninta saqechun. Señorman kutirichun, imaraykuchus paymanta khuyakonqa. Diosman kutirichun. Payqa perdonanqapacha.

Isaías 19:22

Señorqa Egipciosta jasut'enqa, chanta thañichenqa. Paykunataj Señorman kutirikonqanku, chaymantataj Señorqa paykunata khuyakuspa thañichillanqataj.

Isaías 9:13

Chay tukuywampis israelitasqa manapuni jasut'ejninkuman kutirerqankuchu, Tukuy Atiyniyoj Señortaqa manapuni mask'arqankuchu.

Isaías 7:3

Señortaj Isaiasman nerqa: Qanwan, wawayki Sear-jasubwan rey Acazta taripamuychej, pata estanquej larq'an tukukun chayman, p'acha t'ajsana jallp'a ñan pataman, chaypitaj niy: Allinta qhawakuy, ama llakikuychu; ama manchachikuychu, nitaj q'ewakuychu, chay iskay q'osñej nina k'aspismanta, Rezín, Siriawan, Remaliaspa wawampa k'ajaj phiñakuyninkumanta.

Isaías 46:3

Uyariwaychej Jacobpa miraynin, tukuy israelitasmanta puchojkuna ima. Manaraj naceshajtiykichej noqa qankunataqa apamorqaykichej. Mamaykichej wijsanmantapacha sumaj apaykachasqas karqankichej.

Esdras 1:4

May llajtaspichá israelitas kausashankuraj, chay llajtayoj runasqa, israelita runasta yanapachunku ripunankupaj qolqewan, qoriwan, imaschus tiyapuyninkuwan, uywasninkuwan ima. Chantapis ofrendasninkuta qochunku atisqankuman jina Diospa templompaj, chaytaj Jerusalempi kashan.

Isaías 37:31

Judá ayllumanta qhepakojkunaqa, sach'a jina sumajta saphichakonqanku, chaymantataj poqonqanku.

Isaías 59:20

Uj Salvador Sión llajtaman jamonqa, Jacobpa ayllunmanta Señorman kutirikojkunapaj, nispa nin Señorqa.

Jeremías 50:20

Noqa Señor nillanitaj: Chay p'unchaykunapeqa Israel aylluwan, chantá Judá aylluwan millay ruwasqasninkumanta, jinataj juchasninkumantapis kacharichisqas kanqanku, imaraykuchus noqa chay kausashajta saqerqani chaykunata perdonapusaj.