Isaías 10:13 - Qheshwa Biblia DC

¹³ Asiria rey nisqanrayku kaytaqa kallpaywan ruwani yachayniywan ruwani yuyayniyoj kasqayrayku; nacionespa jallp'asninkuta qhechuni, tukuy kapuyninkuta qhechumuni, reyesninkutapis may wapu kayniywan atiparparini.

DIOSPA QHELQACHISQAN DEUTEROCANONICAL

¹³ Asiriata kuraj kamachej nin: Kaytaqa kallpaywan ruwani, yachayniywan ruwani yuyayniyoj kasqayrayku. Tukuy suyukunaj jallp'ankuman yaykuykuspa jap'ikapuni, tukuy kapuyninkutataj qhechumuni. Kuraj kamachejninkutapis may wapu kayniywan atiparparini.

DIOSPA QHELQACHISQ

¹³ Asiriata kuraj kamachej nin: Kaytaqa kallpaywan ruwani, yachayniywan ruwani yuyayniyoj kasqayrayku. Tukuy suyukunaj jallp'ankuman yaykuykuspa jap'ikapuni, tukuy kapuyninkutataj qhechumuni. Kuraj kamachejninkutapis may wapu kayniywan atiparparini.

Isaías 10:13 Referans Kwoze

Deuteronomio 8:17

Ama sonqoykichejpi yuyankichejchu: Noqanchejpa atiyninchejrayku sumajta llank'asqanchejrayku kay tukuy qhapajyayqa tiyapuwanchej, nispa.

Habacuc 1:16

Chayraykumin challwa jap'ejkunaqa chay anzuelosninkuta ch'ipasninkutapis munakunku, chayraykutaj rikuchikusta jaywanku, inciensostapis q'osñichinku, agradecekuspa chaykuna ashkhata allintataj mikhuchisqanmanta.

Amós 6:13

Qankunaqa qhasi mana kajta kusikunkichej: Atiytaqa kallpanchejwan tarinchej, nispa.

Amós 5:27

Damascomanta aswan jaqayman apachichisqaykichej. Ajinata nin Tukuy Atiyniyoj Señor Diosqa. Chaymin sutenqa.

Ezequiel 29:3

Kunanqa kay jinata parlay: Señorqa kay jinata nin: Egipto llajtapi kamachej faraón, sierpe, mayusniyki chaupipi winkhuraj, nishankitaj: Nilo mayoqa noqajta, noqa ruwarqani, nispa. chayrayku noqaqa contraykipi sayarini.

Ezequiel 25:3

Paykunaman niy: Señorpa parlasqanta uyariychej. Señorqa kay jinata nin: Qankunaqa wasiy ch'ichichasqa kashajtin, walejpacha, nispa jatunmanta asikorqankichej; Israel jallp'aqa t'unasqa kashajtin, Judá ayllupis jap'iraspa apasqa kashajtin.

Isaías 10:8

Payqa ajinata nin: Manachu tukuynin runasneyqa reyes kanku?

1 Crónicas 5:26

Chayraykumá Israelpa Diosnenqa, Asiriaj reynin Pulta, jinataj Asiriaj reynin Tiglat-pilesertapis paykunaman apamorqa. Tiglat-pileser reyqa wijch'orqa waj llajtaman rubenitasta, gaditasta, jinataj Manasespa ayllunmanta khuskannintawan ima. Paykunataqa apacherqa Halahman, Haborman, Haraman, Gozán mayumanwan. Chaypitaj kunankama kashanku.

2 Reyes 18:32

Chanta jamuspa qankunata uj sumaj jallp'aman pusasqaykichej chaykama, qankunaj jallp'aykichej jinallamantaj. Chaypeqa tiyan trigo, uvas, grano, uvas sach'a, olivo sach'as, aceite, misk'i ima. Chaypitaj sumajta tiyakunkichej, manataj wañunkichejchu. Ezequiastaqa ama uyariychejchu, Señorqa librawasun nispalla qankunataqa ch'aukiyasunkichej.

2 Reyes 18:15

Chayrayku Ezequiasqa Señorpa wasinmanta reypa wasinmantawan tukuynin kaj qolqeta qoporqa.

2 Reyes 18:11

Asiriamanta reyqa Israel runasta presosta apakaporqa Asiria nacionman, chaypitaj paykunata churarqa, Halahman, Gozán mayu cantopi Haborman, medospa llajtasninman ima.

2 Reyes 17:24

Asiriamanta reyqa runasta apachimorqa Babiloniamanta, Cutamanta, Avamanta, Hamatmanta, Sefervainmantawan. Samaria llajtasmantaj paykunata churarqa israelitaspa cuentanmanta. Ajinamanta Samariata jap'ikaporqanku, llajtasnimpitaj tiyakorqanku.

2 Reyes 17:6

Oseas isq'on watataña kamachishajtin Asiriamanta reyqa Samariata jap'erqa, runasnintataj Asiriaman presosta apakaporqa, chaypitaj Halahman, Haborman, Gozán mayu qayllaman, medospa llajtasninmanwan churarqa.

2 Reyes 16:8

Acazqa Señorpa wasinmanta reypa wasinmantawan tukuynin qolqeta, qoritawan Asiriamanta reyman uj t'inkata apacherqa.

2 Reyes 15:29

Israelmanta rey Pekaj p'unchaykunasnimpitaj asiriospa reynin Tiglat-pileser jamuspataj Israelmanta wakin llajtasta jap'ikaporqa: Ijonta, Abel-bet-amaacata, Janoata, Cedestsa, Hazorta, Galaadta, Galileata tukuynin Neftalitawan. Chaymantataj Asiriaman presosta aparqa.

Jeremías 46:8

Egiptomin, Nilo mayu jina wiñajqa, sinch'ita correj yakusniyoj mayu jina. Egiptoqa nin: Astawan wiñaykusaj, jallp'amantaj junt'aykusaj, llajtasta, chaypi tiyakojkunasnintawan phiriykusaj.

Jeremías 48:14

Moabqa ama nichunchu, may wapus kayku, kallpasapas, maqanakojkunastaj kayku, nispaqa.

Ezequiel 35:13

Qankunaqa simiykichejta jatunmanta kicharerqankichej, contraypitaj ashkhata parlarqankichej. Chayta noqa uyarerqani.

Habacuc 2:6

Chaywampis, chay tukuy jap'isqasninku naciones asikuspa kay jinata takiykapunku: Ay, qanmanta, mana qampata kajllawan qhapajyaykunki! Mayk'ajkamataj tantanki chay mañarakuspa tantarqanki chay qhapaj kayniykita?

Jueces 7:2

Señorqa Gedeonman nerqa: Ancha ashkha runasta apamushanki, israelitasqa madianitasta atipaykojtinkoqa, alabakonqanku paykunallamanta salvakusqankuta creespa.

Proverbios 28:11

Qhapaj runaqa yuyakun may yachayniyoj kasqanta, allinta unanchaj wajcha runarí chay runaj yuyasqanta yachan.

Isaías 5:21

Ay qankunaqa yachayniyoj kasqaykichejta creekunkichej, may yuyayniyoj kasqaykichejta yuyakunkichej!

Daniel (hebreo) 4:27

Chayrayku, kay nisusqayta kasuway: Rey kayniykipi cheqanta ruway, amataj aswan juchalliychu. Sajra kausayniykita saqespa, pisipachikoj wajcha runakunata yanapay. Ichapis ajinamantaqa kausakunki mana ima llakiyniyoj, tukuy imapipis allillan risonqa aswan unaykamataj.

Habacuc 1:11

Jatun muyoj wayra jina pasanku, rejsinkutaj kallpallankuta uj diosninkuta jina.