Isaías 1:9 - Qheshwa Biblia DC

⁹ Manachus Tukuy Atiyniyoj Señor noqanchejmanta wakinkunata qhepachinman karqa chayqa, kunampacha kashasunman karqa Sodoma jina, Gomorra jinataj.

DIOSPA QHELQACHISQAN DEUTEROCANONICAL

⁹ Sichus Tukuy Atiyniyoj Tata Dios noqanchejmanta wakinkunata mana kawsashajta saqenmanchu karqa chayqa, Sodoma jina, Gomorra jinataj chinkachisqa kasunman karqa.

DIOSPA QHELQACHISQ

⁹ Sichus Tukuy Atiyniyoj Tata Dios noqanchejmanta wakinkunata mana kawsashajta saqenmanchu karqa chayqa, Sodoma jina, Gomorra jinataj chinkachisqa kasunman karqa.

Isaías 1:9 Referans Kwoze

Romanos 9:29

Isaiaspis ñaupajta nerqa: Ejercitospa Señorninchus mana mirayta saqewasunman karqa chayqa, Sodoma, Gomorra llajtas jina kasunman karqa.

Génesis 19:24

Chantá Señorqa azufre nina parata parachimorqa Sodomaman Gomorra llajtamanwan.

Lamentaciones 3:22

Señorpa munakuynenqa mana jayk'ajpis tukukunchu, khuyakuynimpis mana tukuchisqachu.

Amós 4:11

Jasut'erqaykichej t'unanaykama, imaynatachus Sodomata Gomorratawan jasut'erqani jinata. Nina brasas orqhosqa jina karqankichej. Qankunataj mana kutirimuwankichejchu. Ajinata nin Señorqa.

Isaías 37:4

Ichapis Señor Diosniyki soldadosta kamachejpa palabrasninta uyarin ari; paytaqa Asiriaj reynin kachamun chaypi Kausaj Diospa contranta sajrata parlanampaj, noqanchejpa contranchejta ima. Ichapis Señor Diosniyki paykunata jasut'inman. Diosniykimanta mañapuwayku ari, kaypi mashkhachus puchunkuraj chaykunapaj.

Isaías 24:13

Chay imasqa ajinapuni kanqa kay jallp'a patapi tukuy nacionespi, imaynatachus olivo poqoyta k'aspiwan wajtanchej ajina, chayri, imaynatachus cosecha pasayta uvas puchojkunata chajmanku, ajinata.

Isaías 17:6

Chaypi rastrojollaña qhepakonqa; chayri imaynatachus olivo sach'ata thalajtinchej puntampi uj iskaylla aceitunas qhepakun, ajinata, chayri tawa, phishqallaña ramasnimpi qhepakun ajina. Ajinata nin Israelpa Señor Diosnenqa.

Isaías 6:13

Sichus chunkamanta ujllapis qhepakunman, chaypis chinkachisqallapuni kanqa. Imaynatachus roble sach'ata, encina sach'atapis k'utojtinchej k'ullullanña qhepakun, ajinata qhepakonqa chay ajllasqay aylloqa.

Génesis 18:32

Chaywampis Abrahamqa nillarqapuni: Señorníy, ama phiñakuwankichu ari, kayllatawanña tupurisqayki. Imanankitaj Señor, sichus chunkallata tarinki chayri? Señortaj kuticherqa: Chay chunka mana juchayojkunarayku manapuni chay llajtataqa chinkachisajchu.

Romanos 9:27

Israelitasmanta Isaías nerqa: Israelitaspa mirayninchus mar qochaj t'iyun jina kanman chaypis, chaykunamanta pisi puchojkunalla salvasqas kanqanku.

San Mateo 7:14

Punkoqa k'ullkumin; k'ullkullataj kausayman pusaj ñampis. Pisistaj kanku chayta tarejkunaqa.

Habacuc 3:2

Qanmanta uyarisqasniy, ruwasqasniykimantapis yachasqasneyqa, astawan manchachiywan ñaupaqeykipi apawan. Kunan ruwallaytaj, kausayniykupi chay ñaupa tiempospi jina ruwasqasniykita, jinamanta noqaykupis chay ruwasqasniykita rejsinaykupaj. Ajinamanta, chay phiñakuyniykipi rikuchiwayku khuyakuyniykita.

Joel 2:32

Señorpa sutinta qhaparikojkunaqa, tukuyninku wañuymanta salvakonqanku, imaraykuchus, Sión orqopi, Jerusalempi, salvación tarikonqa, Señorpa parlasqanman jina. Pikunatachá Pay ajllarqa, chaykuna kausanqanku.

Ezequiel 6:8

Chaywampis noqa saqesaj qankunamanta wakinkuna ama wañunankuta, astawanqa kausanankuta, waj jallp'asman ch'eqerasqas kasqankupi.

Lamentaciones 4:6

Ayllusniypa wawasnenqa astawan juchata ruwanku Sodomamanta nisqaqa. Chay llajtaqa ujllapi chinkachisqa karqa, manaraj enemigos qayllaykushajtinku.

1 Reyes 19:18

Israelpitaj noqaqa qanchis waranqata qhepachikusaj pikunachus Baalpa ñaupaqempi mana qonqorikorqankuchu, nitaj siminkupis lantinta much'arqankuchu.

Deuteronomio 29:23

Tukuy kay jallp'apeqa rikonqanku azufrellata, kachillata, ruphasqa jallp'ata imalla. Chaypi mana imatapis tarponqankuchu, nitaj imapis poqoyta atenqachu, manapuni ima qhorallapis wiñayta atenqachu, imaynachus karqa Sodoma, Gomorra, Adma, Zaboim llajtaspi. Chaykunataqa sinch'i phiñakuyninwan chinkacherqa.

2 Pedro 2:6

Jinallatataj Sodomapi, Gomorrapi tiyakoj runasta juchacharqa, ninawantaj ruphacherqa ushphayanankukama; qhepa p'unchaykunapi, Diosta mana yupaychaj runas yachanankupaj chayta ruwarqa.

Ezequiel 14:22

Chaymanta pisilla kausashaj qhepakonqanku, qhari wawasninkuwan, warmi wawasninkuwan llojsiyta atenqankutaj. Qankunajman paykuna jamusojtinkutaj qankuna rikunkichej, imaynatachus kasqankuta, imastatajchus ruwasqankuta. Chantá kusikunkichej Jerusalenman jasut'ita apachimusqaymanta.

Génesis 18:26

Señortaj kuticherqa: Sichus phishqa chunka mana juchayojkunata tarisaj Sodoma llajtapi chayqa, paykunarayku chay llajtata mana chinkachisajchu.

Apocalipsis 11:8

Ayasninkutaj jatun llajtaj plazampi wijch'usqas kanqanku, maypichus Señorninku chakatasqa karqa. Chay llajtaj sutenqa Sodoma, Egipto ima.

2 Reyes 19:4

Ichapis Señorqa uyarinña, chay kuraj kamachejpa parlasqasninta, pitachus wiraqochin Asiriamanta reyqa kachamorqa, kausaj Diosmanta sajrata parlanampaj. Señor Diosniykeqa chay ch'ichi palabrasninta uyarispa jasut'ichun. Kunanqa kaypi qhepakojkunarayku Diosmanta mañay ari.

Isaías 1:8

Sionllaña sayashaj qhepakun, uvas chaupipi uj ch'ujlla jina, melón chaupipi ramada jina, enemigosninwan muyuykusqa llajta jina.

Isaías 11:11

Chaypacha Señorqa ujtawan atiyninta rikuchillanqataj, maykunapichus ayllusninmanta kajkuna puchorqanku chaykunata kutichimunampaj: Asiriamanta, Egiptomanta, Patrosmanta, Etiopiamanta, Elanmanta, Sinarmanta, Hamatmanta, Mar qocha cantosmantawan.

Isaías 11:16

Asiriamanta Señorpa puchoj runasnin kutimunampajqa, allin ñan wakichisqa kanqa, imaynachus israelitas Egiptomanta llojsimunankupaj karqa, ajina.

Isaías 46:3

Uyariwaychej Jacobpa miraynin, tukuy israelitasmanta puchojkuna ima. Manaraj naceshajtiykichej noqa qankunataqa apamorqaykichej. Mamaykichej wijsanmantapacha sumaj apaykachasqas karqankichej.

Isaías 65:8

Señorqa ajinata nin: Sichus mayqempis ujnin ramampi uvas chhullchuta tarin, nintaj: Ama kaytaqa usuchiychu, chayqa bendicisqa kashan, nispa. Ajinata kamachisniytaqa mana tukuynintachu chinkachisaj.

Jeremías 23:14

Jerusalenmanta profetasta rikullanitaj manchay millay imasta ruwashajta. Qhenchachakunku, ch'aukiyankutaj, astawantaj umachakunku chay juchasapasta. Chayrayku paykunaqa mana juchamanta t'aqakunkuchu. Paykuna, chantá llajtapi tiyakojkuna noqapaj Sodoma llajta jina, Gomorra llajta jinataj kanku.

Jeremías 42:2

Profeta Jeremiasman qayllarqanku, nerqankutaj: Uj imata mañakuyku: Ama qhesachawaykuchu. Kay pisi p'unchaykunapaj Diosniykimanta mañapuwayku. Ñaupajta ashkhas karqayku. Kunantaj uj chhikallaña puchurpariyku kay imaynatachus rikunki ajinata, chayman jina Señor Diosniyki yachachinawaykupaj, ima ñantachus qhatinaykuta, imatatajchus ruwanaykuta.

Jeremías 50:20

Noqa Señor nillanitaj: Chay p'unchaykunapeqa Israel aylluwan, chantá Judá aylluwan millay ruwasqasninkumanta, jinataj juchasninkumantapis kacharichisqas kanqanku, imaraykuchus noqa chay kausashajta saqerqani chaykunata perdonapusaj.

Isaías 24:6

Chayrayku maldicionqa jallp'ata tukuchin, chaypi tiyakojkunapis jasut'ichikunku. Chaynejta jallp'a patapi tiyakojkunapis pisiyachisqas kanqanku. Jinamanta pisillaña qhepakonqanku.