Isaías 1:4 - Qheshwa Biblia DC

⁴ Ay, juchasapa runas, sajra kajta q'epirisqa ayllu, millay kajpa miraynin, qhenchachakoj wawas! Paykunaqa Señormanta karunchakunku, Israelpa cheqa kaj Diosninmanta t'aqakunku. Payta wasanchanku.

DIOSPA QHELQACHISQAN DEUTEROCANONICAL

⁴ Ay, juchasapa israelitakuna, qankuna mana allin ruwaykunawan q'epirisqa ayllu kankichej. Millay ruwajkunaj miraynin kankichej, mana p'enqakoj churikunataj. Qankuna Tata Diosta saqerparinkichej, jinataj Israelpa may llimphu kaj Diosninta pisipaj qhawankichej. Payta wasanchaspataj karunchakunkichej.

DIOSPA QHELQACHISQ

⁴ Ay, juchasapa israelitakuna, qankuna mana allin ruwaykunawan q'epirisqa ayllu kankichej. Millay ruwajkunaj miraynin kankichej, mana p'enqakoj churikunataj. Qankuna Tata Diosta saqerparinkichej, jinataj Israelpa may llimphu kaj Diosninta pisipaj qhawankichej. Payta wasanchaspataj karunchakunkichej.

Isaías 1:4 Referans Kwoze

Isaías 5:24

Chayrayku, imaynatachus ninaqa ichhuta q'olaykun, larwaynintaj ch'aki laqhesta ujllata rupharparin, ajinata qankunaqa chinkarparinkichej. Saphinmanta ismoj yura jina, t'ikasnintaj ñut'u jallp'aman tukupun, ajinata. Qankunaqa Tukuy Atiyniyoj Israelpa Santo Diosnimpa kamachisqantaqa mana kasunkichejchu.

Jeremías 2:17

Chay tukuy imas qanta qhatirisorqa, noqa Señor Diosniykita saqerpariwasqaykirayku.

Jeremías 2:13

Aylloyqa iskay layata juchallin: Noqata saqerpariwarqanku uj ch'uwa kausaj juturi yaku kashajtiy. Allarqankutaj pujyusninkuta, yakusta mana sayachej lajra pujyusta.

Romanos 8:7

Chayrayku aychaj sajra yuyaynenqa Diospa contrampi; imaraykuchus Diospa leyninwan mana kamachichikunchu, nitaj kasuyta atinchu.

San Mateo 3:7

Juanqa ashkha fariseosta, saduceostawan bautismoman jamojta rikuspa, nerqa: Katarikunaj miraynin! Pitaj yachachisorqachej Diospa jamoj k'ajaj phiñakuyninmanta ayqeytari?

Jeremías 7:19

Chaywan noqamantaqa astawan paykuna kikinkuta, mana allinninkupaj p'enqaynillankupajtaj ruwakunku. Noqa Señor chayta nini.

Jeremías 2:19

Kikin juchallaykitaj jasut'isonqa; chay mana kasukoj kasqallaykitaj ch'ataykusonqa. Allinta umacharikuy, imayna sajrachus, k'allkutajchus kasqanta noqata saqerpariwasqayki, noqa Señor Diosniykita mana kasuwasqayki ima. Noqa, Tukuy Atiyniyoj Señor chayta nini.

Isaías 5:19

Qankunaqa ninkichej: Diosqa usqhayta ruwachun imachus ruwanan kajta, noqanchej rikunanchejpaj. Israelpa Santo Diosnenqa usqhayllata junt'achun ruwanan kajta, noqanchej yachananchejpaj.

Colosenses 1:24

Kunanqa kusisqa kani, qankunarayku ñak'ariypi rikukuspa. Kay jinamanta aychaypi junt'ashani imachus pisisqanta Cristoj ñak'ariyninman cuerponrayku, chaytaj iglesia.

1 Corintios 10:22

Chayri munanchejchu Señorta phiñachiyta? Chayrí astawan atiyniyojchu kanchej paymanta?

San Mateo 23:33

Sierpes, katarikunaj miraynin! Imaynatataj infiernopaj juchachasqa kanaykichejmanta ayqenkichejri?

San Mateo 11:28

Noqaman jamuychej, tukuy sayk'usqa kajkuna, llasa q'epiyojkuna ima; noqataj samachisqaykichej.

Ezequiel 16:33

Tukuy qhencha warmismanqa t'inkata qonku, qantajrí tukuy munapayasojkunaman t'inkata qorqanki, pagarqankitaj tukuynejmanta qanwan juchallej jamunankupaj.

Jeremías 51:5

Jinapis Israel aylluwan, Judá aylluwanqa contraypi juchallerqanku, tukuy jallp'amantaj juchata junt'acherqanku. Noqa Tukuy Atiyniyoj Señor, Israelpa Santo Diosnintaj paykunata manaraj qonqarparinichu.

Jeremías 50:29

Wajtamuychej tukuy wach'inasniyojkunata, Babiloniata jap'ej yaykunankupaj. Llajtaj tukuy muyuynimpi jarakuychej ama pipis ayqenampaj. Imatachus ruwasqasninman jina qopuychej, imaraykuchus paypis ruwasqanan jina ruwaychej. Payqa noqawan ayñanakullawampuni, noqa Israelpa Señor Santo Diosninwan.

Jeremías 7:26

Chaywampis, qankunaqa manapuni kasuwarqankichejchu, manachayqa chay ñaupa tatasniykichejmantapis astawanraj rumi sonqos karqankichej.

Jeremías 2:33

Munanakunata mask'anapajqa sumajta ñantaqa rejsinki. Sajra kajta yachachinapajqa, churasqa kanki.

Jeremías 2:31

Qankunapis kunan p'unchaypi kausajkuna, Señorpa parlasqanta allinta uyariychej. Israel, qampaj noqaqa uj ch'in pampa jinachu karqaniri? Chayri, laqhayaywan junt'asqa jallp'achu karqaniri? Ayllúy, imaraykutaj ninki: Qanmanta kacharisqas kayku; ni jayk'aj qanman kutimusqaykuñachu, nispari?

Isaías 65:3

Chay runasqa sapa kuti phiñachillawankupuni, huertaspi uywa wañuchisqasta jaywaspa, ladrillo pataspi inciensota ruphachispa. Chantaqa sepulturaspi, pakaynejman tutasnin rispa, khuchi aychasta mikhuspa, mana mikhuna uywasta ima mankasninkupi chayachispa.

Isaías 41:20

Chayta ruwasaj tukuy runas rikunankupaj, allinta reparaspa umachakunankupaj, noqa Señor, atiyniywan kay imasta ruwasqayta, noqa Israelpa Santo Diosnin kay imasta rikhurichisqayta.

Isaías 41:16

Chaymantaqa wayrachinki, wayrataj apakaponqa, muyoj wayrataj kayman jaqayman t'akaranqa. Qantaj Señorpi kusikunki. Israelpa Santo Diosninmantataj mayta kusisqa yuyarikunki.

Isaías 41:14

Ama manchachikuychu pisi kallpayoj Israel, Jacobpa ayllun. Noqa yanapajniyki kani. Noqa Israelpa Santo Diosnin, Salvadorniyki kani.

Isaías 37:23

Pipaj qanqa rimankiri, pimantataj alqochakunkiri? Pejpa contrantataj chhika jatunmanta qhaparinki, jatun jatunmanta qhawaykachaspari? Israelpa Santo Diosnimpa contranta ruwanki.

Isaías 30:15

Israelpa Santo Señor Diosnenqa ajinata nin: Kutirimuwaspa, tukuy sonqo samarikuspataj qankunaqa salvo kankichej. Ajinata ni imamanta llakiyniyoj, tukuy sonqo atienekuspa kallpayoj kankichej. Qankunataj chaytaqa mana munarqankichejchu.

Isaías 30:9

Kay runasqa mana kasukoj kanku llulla wawas jina. Diospa kamachisqanta mana uyariyta munajkuna wawas jina kanku.

Isaías 29:19

Llamp'u sonqo kajkunaqa mayta kusikonqanku Señorpi, aswan wajcha kajkunapis Israelpa Santo nisqa Diosnimpi maytapuni kusikonqanku.

Isaías 14:20

Qantaqa mana chay waj reyesta jinachu p'ampasonqanku; llajtaykita chinkachisqaykirayku, runasniykitapis wañuchisqaykirayku. Sajra runaspa mirayninkoqa mana jayk'ajpis yuyarisqachu kanqa.

Isaías 10:6

Asiriosta juchasapa runasman kachasaj, k'ajajta phiñachiwaj llajtaman pusasaj, imankuchus kajta, kapuyninkutapis qhechumunampaj, callespi t'uruta jina sarunampaj.

Isaías 3:8

Cheqamanta Jerusalenqa urmaykapun, Judapis thuñiykukun, imaraykuchus chaypeqa mana parlanasta parlanku, millay imasta Señorpa contranta ruwanku, Señorpa jatun kayninta qhesachaspa.

Isaías 1:23

Kamachisojkunataj contraypi sayaykuwanku, suwaspa kausaqesnin kanku. Tukuy rantichikunku qolqewan, mask'ankutaj t'inkata qonankuta. Wajcha wawapaj mana cheqantachu ruwanku, viudaj willakusqantapis mana uyarillankupischu.

Salmos 89:18

Señorqa jark'awajninchej, Israelpi ajllasqa reyninchej.

Salmos 78:40

Mashkha kutista Diospa contrampi sayaykorqanku. Ch'in pampapitaj payta phiñacherqanku.

Salmos 78:8

amataj ñaupa tatasninku jina kanankupaj: Wampus, Diospa contranta oqharikojkuna, sonqonkupitaj iskayta yuyajkuna, Diosta mana kasukoj runa mitas.

Salmos 58:3

Sajra runasqa mamankoj wijsanmantapacha sajrapuni kanku. Nacekusqankumantapacha runasqa llullata parlaspa, cheqan ñanmanta pantankuña.

Jueces 10:10

Chaypacha Señormanta mayta mañakorqanku: Diosniyku contraykipi juchalliyku, qanta saqerpariyku Baal lantista yupaychanaykurayku, nispa.

Deuteronomio 32:19

Chayta rikuspa Señorqa mayta phiñarikorqa, qhesacharqataj qhari wawasninta, warmi wawasninta ima.

Deuteronomio 31:16

Chaymanta Señorqa Moisesman nerqa: Qanqa wañupunkiña, kay israelita runastaj waj nacionespa dioskunasninkuwan juchallikonqanku kunan yaykonqanku chay jallp'api. Jinamanta paykunaqa qonqapuwanqanku, paykunawan ruwasqay tratotataj p'akenqanku.

Deuteronomio 29:25

Kutichenqankutaj: Paykunaqa qonqapunku ñaupa tatasninkoj Señor Diosninkuwan tratota ruwasqankuta, Pay paykunata Egiptomanta orqhomushajtin.

Números 32:14

Kunanqa qankunañataj, juchasapa tatasniykichej jina puriyta munashankichej, Señorta phiñachiyta munaspa israelitaspa contranta.

Apocalipsis 18:5

Juchasnenqa janaj pachakama chayanku, Diostaj sajra ruwasqasninkumanta yuyarikun.

Isaías 12:6

Siompi tiyakojkuna kusiywan takiychej, imaraykuchus Israelpa Santo Diosnenqa qankunaj chaupiykichejpi kashan, tukuy jatun kayninwan.

Nehemías 1:7

Imatachus may sinch'i millaytapuni ñaupaqeykipi puriyku. Imatachus mana kamachiykunasniykita, nitaj leykunasniykita kamachiyki Moisesnejta imatachus niwasqasniykuta ima mana junt'aykuchu.

Salmos 71:22

Noqataj qanta yupaychaspa takisaj cheqan kasqaykimanta, arpaj waqayninwan, salterioj waqaynimpiwan: Diosníy, Israelpa Santon.

Isaías 1:28

Chaywampis phirita ruwasaj contraypi sayajkunata, juchasapastawan. Jinallataj Señorta saqejkunapis tukuchisqas kanqanku.

Isaías 9:17

Chayrayku Señorqa mana khuyanchu waynasta, nitaj wajcha wawasta, nitaj viudastapis. Tukuyninku sajras kanku, juchasapastaj; tukuyninkutaj parlanku sajra palabrasllata. Chay tukuywampis, Señorpa k'ajaj phiñakuynenqa manarajpuni thasnukunchu, payqa jasut'inampaj makin oqharisqallarajpuni kashan.

Isaías 31:2

Chaywampis, Señorqa aswan yachayniyoj, ashkha llakiykunasta apamonqa, imatachus nisqantataj junt'anqapuni. Payqa sajra runaspa contranta maqanakonqa, chay sajra runasta yanapajkunawampis.

Isaías 57:17

Pay sajrata munapayasqanrayku noqaqa phiñakuni, chayrayku paykunata jasut'ini, uyayta pakakuni. Chayta ruwani pay mana kasuspa sajra sonqompa munasqanta ruwaspa purisqanrayku.

Isaías 58:2

Sapa p'unchay mask'awanku. Paykuna ñanniyta rejsiyta munanku, cheqanta ruwaj naciompis kanman jina, Diosninkoj kamachisqasninta manapis saqenkumanchu karqa jina. Paykuna cheqan kamachiykunata mañawanku, Diosman qayllaykamuytataj munanku.

Isaías 65:11

Qankuna Señorta qonqajkunari, ajllakusqay orqota qonqapunkichej, suertesta choqanaykichejpaj mesasta churankichej, mana rejsisqa diosman vinowan ch'allankichej.

Jeremías 15:6

Qan saqerpariwarqanki, wasanchakuwarqankitaj, nispa Señorqa nin. Chayrayku noqaqa pacienciay tukukojtin, makiyta oqharerqani jasut'inasuypaj, tukuchisunaypajtaj.

Ezequiel 16:45

Mamaykeqa qosanta wawasnintawan chejnikorqa. Qantaj paypa wawan kanki. Ñañasniykipis jinallataj, qosasninkuta, wawasninkutawan chejnikorqanku. Mamaykeqa hititamanta karqa.

Daniel (hebreo) 9:11

Israelita runakunaqa, yachachisqasniykita tukuyninku mana kasorqankuchu. Kamachiyniykita kasunankuta qonqakaporqanku. Chayrayku kunanqa, kamachiyki Moisespa leynimpi juramentowan qelqasqa kashan chay maldicionqa pataykuman urmamuwayku, imaraykuchus contraykipi juchalliyku.

Sofonías 1:6

T'unaykullasajtaj noqamanta karunchakojkunata, sutiytataj mana mask'ajkunata, nitaj jamuriwaspa tapurikuwankuchu chaykunata.

Éxodo 32:7

Señortaj Moisesman nerqa: Kunanqa riy, uraykuy, imaraykuchus Egiptomanta orqhomusqayki runasqa millayta juchallikunku.

Deuteronomio 32:5

Machu machu sajra runas, Diosta phiñachejkuna, qankunaqa mana wawasnin ninapaj jinachu kankichej.

2 Reyes 21:22

Ñaupa tatasnimpa Señor Diosninta saqerparispa, mana Señorpa ñankunasnimpichu purerqa.

2 Crónicas 12:1

Roboamqa reinonta allinta sayachispaña, sumaj kallpachasqa kasqanta yuyakuspa Señorpa leykunasninta saqeporqa. Jinallataj tukuy israelitaspis kikinta ruwarqanku.

2 Crónicas 27:2

Jotampa ruwasqasnenqa Señorpa rikuynimpi cheqan karqa, imaynatachus tatan Uzías ruwarqa ajina. Chaywampis mana yaykorqachu Señorta yupaychana wasimanqa. Jinapis runasqa millay ruwanasnillankupipuni kasharqanku.

Salmos 78:41

Watejmanta Diosta pruebaman churallarqankutaj. Israelpa santonta llakicherqanku.

Salmos 78:57

Tatasninku kikillantaj Diosmanta karunchakunku, manataj payta qhaterqankuchu, wijch'uykakapunku uj mana allin arco jina.

Isaías 30:1

Señorqa ajinata nin: Ay, mana kasukoj wawasniymanta. Paykunaqa imatapis wakichikunku mana tapuwaspalla. Paykunaqa tratota ruwakunku mana noqaj yuyaychasqallay. Chay jinamanta juchamanta jucha yapakunku.