Isaías 1:29 - Qheshwa Biblia DC

²⁹ Chantá qankunaqa p'enqachikunkichej, encina sach'asta chhikatapuni munakusqaykichejmanta, may huertapichus kusikusqaykichejmantawan.

DIOSPA QHELQACHISQAN DEUTEROCANONICAL

²⁹ Chantá qankunaqa encina sach'akunata chay jinatapuni yupaychasqaykichejmanta p'enqachikunkichej. Jinallataj mayqen huertatachus lantikunata yupaychanaykichejpaj ajllasqaykichejmantawan p'enqakullankichejtaj.

DIOSPA QHELQACHISQ

²⁹ Chantá qankunaqa encina sach'akunata chay jinatapuni yupaychasqaykichejmanta p'enqachikunkichej. Jinallataj mayqen huertatachus lantikunata yupaychanaykichejpaj ajllasqaykichejmantawan p'enqakullankichejtaj.

Isaías 1:29 Referans Kwoze

Isaías 66:17

Llimphuman tukojkunaqa, huertaspi llimphuchakojkuna, qhepampi qhepampi sayajkuna, pikunachus khuchi aychata mikhojkuna, katari aychasta, juk'uchastapis, chaykunaqa cantollamanta wañonqanku, nispa nin Señorqa.

Isaías 65:3

Chay runasqa sapa kuti phiñachillawankupuni, huertaspi uywa wañuchisqasta jaywaspa, ladrillo pataspi inciensota ruphachispa. Chantaqa sepulturaspi, pakaynejman tutasnin rispa, khuchi aychasta mikhuspa, mana mikhuna uywasta ima mankasninkupi chayachispa.

Isaías 57:5

Qankunaqa thansa sach'a uraspi lantisniykichejta yupaychankichej sajra imasta ruwaspa. Qankunaqa vallespi, qaqa jusk'uspi wawasniykichejta rikuchikuta qospa ruphachinkichej.

Oseas 4:13

Jatun orqo puntaspi juch'uy orqo puntaspipis inciensosta q'oshñichinku jaywankutaj rikuchikusta; jinallatataj roble sach'as uraspi, alamospapi encinaspa phatu llanthusnin uraspipis. Chayrayku warmi wawasniykichej qhenchachakunku, ñojch'asniykichejpis waj qhariswantaj qhenchachakullankutaj.

Ezequiel 16:63

Qantaj yuyarikuspa may chhikata p'enqakunki, k'umuykunkitaj, simiykitapis mana ujtawan kicharinkichu, maypachachus noqa tukuy ima ruwasqasniykimanta perdonasqayki chaypacha. Noqa Señor chaytaqa nini.

Romanos 6:21

Chantá, chay imaspi ima allintataj tarerqankichej, mayqenmantachus kunan p'enqakushankichej chaykunamanta? Chaykunaj tukukuynenqa wañuymin.

Oseas 14:8

Efraintaj nenqa: Ima dakuwanñataj chay lantikunamantari?, nispa. Noqamin uyarini, qhawanitaj aylluytaqa! Noqa kani uj pino jina q'omerllapuni, noqapitaj aylloyqa poqoyninta tarenqa.

Oseas 14:3

Asiriaqa manamin salvayta atiwasqaykuchu, nillataj caballospipis ayqesqaykuchu. Manaña kayqa Diosniyku nispa, noqaykoj kikiykoj ruwasqasnillaykutaqa sutichasqaykuchu; imaraykuchus qanllapimin Señor uj wajcha wawaqa khuyakuyta tarenqa.

Ezequiel 36:31

Chaypachataj, mana allin purisqaykichejmanta, sajra imasta ruwasqaykichejmantawan yuyarikunkichej. Qankuna kikiykichej sajra purisqaykichejmanta, mana allin imasta ruwasqasniykichejmantawan p'enqakunkichej.

Ezequiel 6:13

Maypachachus runa wañurasqasta rikunkichej lantisniykichej chaupipi, altarespa muyuynimpi, chantá alto lomas patapi, lomaspa kinraykunasnimpi, jinallataj q'omer sach'as urapi, encinas nisqa thansarara sach'as urapi, chantá maypichus tukuy lantisniykichejman inciensota jaywarqankichej chay tukuynejpitaj, chaypacharaj yachankichej noqa Señorqa kasqaytaqa.

Jeremías 3:6

Rey Josiaspa p'unchaykunasnimpi Señor niwarqa: Rikunkichu mana kasukoj Israel ayllu imatachus ruwasqanta? Rispa chay jatun orqos patapi, juch'uy orqos patapipis riytawan, qhenchachakuyman qokaporqa, jinallataj tukuy ch'ampa sach'as urapipis.

Jeremías 2:20

Unaymantaña qanqa contraypi oqharikorqanki, mana kasuwarqankichu, nerqankitaj: Mana uyariyta munanichu, nispa. Tukuy orqo puntasnimpi, thansa sach'asnimpa llanthusnimpi ima qhenchachakorqanki.

Isaías 45:16

Tukuyninku paykunaqa k'umuykachachisqas, p'enqachisqastaj kanqanku; jinallataj imaymana lantista ruwajkunapis may p'enqaypi rikhurenqanku.

Isaías 31:7

Chay p'unchaypi sapa ujninku qolqemanta ruwasqa lantisninkuta, qorimantawan ruwasqa lantisninkuta ima pampaman choqanqanku. Chaytaqa juchasapa makisniykichejwan ruwakorqankichej.

Isaías 30:22

Chaymantaqa qhesachanki qolqemanta lantisniykita, jinallataj qoriwan lluchhisqa lantisniykitapis. Qanqa chaymanta millayta jina qhawanki, uj q'opata jinataj, ninkitaj llojsiy jawaman, nispa.

Isaías 42:17

Pikunachus lantispi atienekojkunaqa p'enqaypi rikhurenqanku. Chay jich'asqa lantista, diosniyku kankichej nejkunaqa.

Oseas 4:19

Uj wayra lijrasnin patapi apakaponqa, p'enqasqastaj rikhurenqanku lanti yapaychaykunasninkuwan!