Isaías 1:16 - Qheshwa Biblia DC

¹⁶ Llimphuchakuychej, mayllakuychejtaj. Ñawisniymanta chinkarichiychej sajra ruwayniykichejta. Saqeychej sajra ruwayta.

DIOSPA QHELQACHISQAN DEUTEROCANONICAL

¹⁶ Mayllakuychej, llimphuchasqataj kaychej. Ñawpaqeymanta mana allin ruwasqaykichejta wijch'uychej. Amaña mana allin kajta ruwaychejchu.

DIOSPA QHELQACHISQ

¹⁶ Mayllakuychej, llimphuchasqataj kaychej. Ñawpaqeymanta mana allin ruwasqaykichejta wijch'uychej. Amaña mana allin kajta ruwaychejchu.

Isaías 1:16 Referans Kwoze

1 Pedro 3:11

Sajra kajmanta t'aqakuchun, allin kajtataj ruwachun. Sonqo tiyasqa kayta mask'achun. Chaytataj qhatichun.

1 Pedro 2:1

Chayrayku tukuy laya sajra yuyayta saqeychej, tukuy laya ch'aukiyayta, puraj uya kayta, qhawanakuyta, tukuy sajra rimaykunatawan.

2 Corintios 7:1

Munakusqasníy, imatachus Dios qosqaykichej nisqanqa tiyapuwanchej; chayrayku cuerponchejta, espiritunchejtapis llimphuchakuna tukuy ch'ichi kajmanta. Diosta manchachikuspa juchamanta t'aqakuna tukuy atisqanchejta.

Santiago 4:8

Diosman qayllakuychej. Paypis qayllamusonqachej. Juchasapas, makisniykichejta llimphuchakuychej. Qankuna iskay yuyayniyojkunaqa, sonqosniykichejta llimphuchaychej.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa jatun llakiymanta jamojkuna kanku. P'achasninkuta t'ajsarqanku, Corderoj yawarnimpitaj yurajyacherqanku.

Jeremías 4:14

Jerusalén, sonqoykimanta sajra imasta llimphuchakuy, jinamanta salvasqa kanaykipaj. Mayk'ajkamataj umaykita muyuchikunki chay sajra yuyaykunawanri?

San Mateo 3:8

Allinta kausaychej ari, Diosman kutirikusqaykichejmanta poqoyta rikuchispa.

Isaías 52:11

T'aqakuychej, llojsimuychej Babiloniamanta, ama ch'ichi imastaqa llankhaychejchu. Paykunaj chaupinkumanta llojsimuychej; llimphuchakuychej Diospa imasninta apajkuna.

Salmos 26:6

Señor, altarniykiman qayllaykuyta munani, makisniypis tukuy juchamanta mayllasqa.

Romanos 12:9

Munakuspaqa, ama munakojllamanchu rijch'akuychej. Sajra kajta chejniychej, allin kajtataj ruwaychej.

Hechos 22:16

Kunanqa, imatataj suyanki? Jatirispa bautizachikuy, juchasniykimanta llimphuchakuy Jesuspa sutinta oqharispa.

Amós 5:15

Sajra kajta chejniychej, allin kajtataj munakuychej. Cheqan ruwayta sayachiychej juzgana cheqapi; ichapis jinamanta Tukuy Atiyniyoj Señor Dios khuyasonqachej Israelmanta puchoj runasta.

Jeremías 25:5

Paykuna nisorqachej: Saqeychej chay sajra puriyniykichejta, millay ruwasqasniykichejtapis; jinamanta tiyarikunaykichejpaj Señor qankunaman, jinataj ñaupa tatasniykichejman wiñaypaj qosorqachej chay jallp'api.

Salmos 37:27

Sajra kajmanta karunchakuy, allin kajtataj ruway, wiñaypajtaj uj cheqapi tiyakunki.

Salmos 34:14

Karunchakuy tukuy ima sajramanta, allin kajtataj ruway. Sonqo tiyasqa kayta mask'ay, chaytataj qhatiy.

Salmos 51:2

Sajra kayniyta mayllaway. Juchasniymanta llimphuchaway.

Proverbios 4:27

Ñanniykimantaqa ama pantaykunkichu, ni pañaman, nitaj lloq'eman. Mana allinkunapi purinamanta t'aqakuy.

Proverbios 21:3

Cheqanta puriyta, cheqan kajtawanqa ruwaypuni, Señorqa chayta astawan munan uywa ñak'asqasta jaywanamanta nisqaqa.

Jeremías 18:11

Niy ari Judá aylloj runasninman, jinataj Jerusalempi tiyakojkunaman, noqa Señor paykunaman nishasqayta: Noqa wakichikushasqayta qankunaj contraykichejpi ruwaykunata. Jasut'iyta munashaykichej. Saqellaychejña ari chay sajra ñanta; puriyniykichejta, ruwasqasniykichejtapis astawan allinyachiychej.

Jeremías 26:3

Ichapis kasusunkuman, chay sajra ruwaykunasninkutataj saqenkuman, jinamanta noqapis manaña chay sajra ruwasqasninkumanta jasut'iymanñachu, imaynatachus yuyasharqani jinataqa.

Jeremías 35:15

Kamacherqaykichej qhepampi qhepampi, tukuy kamachisniy profetasta ninasuykichejpaj: Jucha ruwaykunasta, millay ruwaykunastapis saqeychej. Ama waj dioskunaj qhepanta ripuychejchu, nillataj yupaychaychejchu, jinamanta qankunaman, jinataj ñaupa tatasniykichejmampis qosqay jallp'api tiyakullankichejpuni. Jinapis qankunaqa mana kasuwarqankichejchu, nitaj nisqasniyta junt'arqankichejchu.

Jonás 3:8

Manachayqa llakiy p'achasta churakuychej, jinallataj uywastapis qhataychej, tukuyniykichej sinch'ita Diosmanta mañakuychej; sapa ujtaj saqeychej sajra kausayniykichejta, suwakuyta makisniykichejwan ruwasharqankichej chayta.

Zacarías 7:7

Manachu kaykunataqa Señor parlarqa ñaupa profetasnejta chayllatataj, maypachachus Jerusalén runa junt'ayoj, nitaj ni ima ch'ajwapis kashajtin, jinallataj qayllampi kaj llajtaspis, aylluspis Neguev jinataj Sefalapis?

Zacarías 13:1

Jaqay tiempopeqa, yaku juturi kicharisqa kanqa, Davidpa ayllusnin jinataj Jerusalempi tiyakojkunajpa millay juchasninku pichasqa kanampaj.

2 Reyes 17:13

Señortaj Israeltawan Judatawan k'amerqa, tukuynin profetasninnejta, Diospa kachasninnejtawan: Sajra purisqasniykichejmanta kutirimuychej, kamachisqasniyta leyesniytawan waqaychaychej, mayqenkunatachus tatasniykichejman kachamorqaykichej chay profetasniynejta.