Isaías 1:10 - Qheshwa Biblia DC

¹⁰ Sodomata kamachejkuna, uyariychej Señorpa palabranta. Gomorra llajta, allinta uyariy Diosninchejpa yachachisusqanta.

DIOSPA QHELQACHISQAN DEUTEROCANONICAL

¹⁰ Sodomata kamachejkuna, Tata Diospa nisqanta uyariychej. Gomorra llajtayojkuna, Diosninchejpa yachachisqanta allinta uyariychej.

DIOSPA QHELQACHISQ

¹⁰ Sodomata kamachejkuna, Tata Diospa nisqanta uyariychej. Gomorra llajtayojkuna, Diosninchejpa yachachisqanta allinta uyariychej.

Isaías 1:10 Referans Kwoze

Apocalipsis 11:8

Ayasninkutaj jatun llajtaj plazampi wijch'usqas kanqanku, maypichus Señorninku chakatasqa karqa. Chay llajtaj sutenqa Sodoma, Egipto ima.

Ezequiel 16:49

Sodoma ñañaykej juchanqa kay jina karqa: Payqa, jinataj ranchosnimpis jatunchakorqanku, wapuykacharqankutaj ashkha mikhunayoj kaspa, allin imaswan junt'asqa kausakusqankurayku, manataj wajchasman, ni pisichikojkunatapis yanaparqankuchu.

Amós 9:7

Ajinata nin Señorqa: Noqapajqa israelitas etiopeswan ujlla kankichej. Imaynatachus Egiptomanta pusamorqaykichej, ajinallatataj filisteostapis Cretamanta pusamorqani, arameostapis Kirmanta pusamorqani.

Ezequiel 16:46

Samaria nisqa llajta kuraj ñañaykeqa wichaynejpi kasharqa, ranchosnimpiwan ima. Sodoma nisqa llajta sullk'a ñañaykitaj uranejpi kasharqa, ranchosnimpiwan ima.

Jeremías 23:14

Jerusalenmanta profetasta rikullanitaj manchay millay imasta ruwashajta. Qhenchachakunku, ch'aukiyankutaj, astawantaj umachakunku chay juchasapasta. Chayrayku paykunaqa mana juchamanta t'aqakunkuchu. Paykuna, chantá llajtapi tiyakojkuna noqapaj Sodoma llajta jina, Gomorra llajta jinataj kanku.

Isaías 3:9

Paykunaj uyallankutaj willashan imaynachus kasqankuta. Sodoma runas jina, mana pakarispa juchasninkutaqa tukuyman willanku. Imachus paykunamantaqa kanqapis, paykunallataj jasut'ita wakichikunku.

Deuteronomio 32:32

Uvasninkoqa Sodomamanta, Gomorramantawan uvas jina. Chaykunaqa jaya k'allku wañuchikoj uvas.

Romanos 9:29

Isaiaspis ñaupajta nerqa: Ejercitospa Señorninchus mana mirayta saqewasunman karqa chayqa, Sodoma, Gomorra llajtas jina kasunman karqa.

Amós 3:8

Pitaj mana manchachikuspa kharkanmanchu león qhaparejtinri? Sichus Señor kamachin chayqa, pitaj mana parlanmanchu Señorpa sutimpiri?

Amós 3:1

Uyariychej, israelitas, Señorpa nisqanta: Pi ayllustachus Señorqa Egiptomanta orqhomorqa chaykunaman nin: Tukuy kay jallp'a patapi kaj chhika ayllusmanta qankunallata ajllaykichej, chayrayku tukuy juchata ruwasqasniykichejmanta cuentata mañasqaykichej.

Jeremías 9:26

Kay ayllusta: Egiptota, Judata, Edomta, Amonta, Moabwan, jinallataj tukuy ch'in pampapi tiyakojkunata, umasninkuta ruthuchikunku chaykunatawan. Imaraykuchus chay ayllusqa, jinataj tukuy Israel ayllupis, cheqamanta sonqonkupi qhesachawanku.

Isaías 28:14

Chayrayku, uyariychej Señorpa palabranta, machu runas, Jerusalenta kamachejkuna.

Isaías 8:20

Chayrayku kutiriychej leyman, imatachus yachachisqaymanwan. Sichus mana chayman jinachu nenqanku chayqa, paykunapi mana cheqa kaj kanchu.

Isaías 30:9

Kay runasqa mana kasukoj kanku llulla wawas jina. Diospa kamachisqanta mana uyariyta munajkuna wawas jina kanku.

Isaías 33:22

Señorqa cheqanchawajninchej, Señorqa kamachiwajninchej, Señorqa reyninchej. Pay kikinmin salvawasunchej.

Miqueas 3:1

Kunan uyariychej Israelpa kamachejkunasnin jinataj kurajkunasnin: Manachu qankuna yachanaykichej kashan imachus cheqan kaj chayta?

Ezequiel 16:35

Chayrayku, qhencha warmi, palabrayta uyariy: Noqa Señor qanta niyki: Qanta mana p'enqakuspa ukhuykita q'alakunki munapayasojkunawan kanaykipaj, jinataj millay lantisniykiwan ima. Wawasniykej yawarnintataj jich'arqanki, paykunaman rikuchikuta jina jaywanaykipaj.