Hechos 9:36 - Qheshwa Biblia DC

³⁶ Chaypacha Jopepi tiyakorqa uj creej warmi, Tabita sutiyoj. Griegopi niyta munan Dorcas. Paytaj sumaj ruwanasta ruwaspapuni kaj, wajchastapis yanapaspa.

DIOSPA QHELQACHISQAN DEUTEROCANONICAL

³⁶ Chaypacha Jopepi tiyakorqa Jesusta qhatikoj uj warmi, Tabitá sutiyoj, griego rimaypitaj sutin Dorcas karqa. Paytaj allin imakunata ruwaj, wajchakunatapis yanapajpuni.

DIOSPA QHELQACHISQ

³⁶ Chaypacha Jopepi tiyakorqa Jesusta qhatikoj uj warmi, Tabitá sutiyoj, griego rimaypitaj sutin Dorcas karqa. Paytaj allin imakunata ruwaj, wajchakunatapis yanapajpuni.

Quechua South Bolivia: Dios Parlapawanchej

³⁶ Jope llajtapi carka Cristopi uj jap'icoj warmi, Tabita sutiyoj. Griego parlaypitaj sutin Dorcas taruca ninayan. Payka allin cajtapuni ruwaj pisichicojcunatapis yanapajpuni.

Hechos 9:36 Referans Kwoze

Tito 3:8

Palabraqa cheqamin. Munanitaj ashkha kutita willanaykita Diospi creejkunaqa allin kajta ruwanankuta. Kay imasqa sumaj, allinmin ruwanankupaj.

Tito 2:7

Qan kikiyki allin kausayniykita rikuchiy tukuy imapi, yachanankupaj jina allin ruwayniykimanta; chay yachachiyniykipi rikuchispa tukuy ima respetowan, tukuy sonqowantaj.

2 Crónicas 2:16

Chaykamataj noqaykoqa Libanopi munasqayki chhika k'aspista k'utushasqayku, mar qochanejtataj apachimusqayku balsaspi Jope llajtakama. Chaymantataj qanllaña Jerusalenman apachinki.

Santiago 1:27

Diosta llimphu yupaychayqa mana ch'ichiyoj kanan tiyan Dios Tatanchejpa ñaupaqempi, kay jinamanta watukuspa wajchasta, viudasta ima llakiyninkupi. Amataj ch'ichichakuspa kay mundoj sajra imasninmanta waqaychakuychej.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

Efesios 2:10

Diospa ruwasqanmin kanchej. Chaytaqa Cristo Jesuspi ruwawarqanchej allinkunata ruwananchejpaj. Chaykunataqa Dios wakicherqa ñaupajmantaña, chaykunapi purinanchejpaj.

Hechos 10:31

Paytaj niwarqa: Cornelio, Dios uyarimusunki mañakusqaykita, yuyarikullantaj wajchakunata yanapasqaykimantapis.

Esdras 3:7

Chanta ruwanankupaj qolqeta qorqanku, wasita ruwanampaj rumi ch'eqojkunaman, carpinterosman ima. Chanta, Tiromanta kajkunaman, Sidonmanta kajkunamampis, mikhunasta, ujyanasta, aceitetawan qollarqankutaj, cedro k'aspita qochanejta apamunankupaj Libanomanta Jopekama, Persiapi kaj rey Ciroj munayninman jina.

1 Timoteo 5:10

Allin ruwanaspi rejsisqa kachun, wawasninta allinta uywaj, wajyarikuyta yachaj, creejkunaj chakisninta mayllaj, llakisqasta khuyaj, tukuy allin ruwanata junt'aj ima.

1 Tesalonicenses 4:10

Cheqamanta qankunaqa, ajinata ruwashankichej tukuy Macedoniapi kajkuna hermanoswan. Chaywampis, hermanos, mañakuyku astawan astawan wiñanaykichejta.

Filipenses 1:11

Cheqan ruwanaswan sumaj poqoyniyoj jina junt'asqa kaychej, Jesucristonejta, Dios jatunchasqa, yupaychasqataj kanampaj.

San Juan 15:8

Qankuna ashkha poqoyta apajtiykichej, Tatayqa jatunchasqa kanqa; ajinamanta yachachisqasniy kankichej.

San Juan 15:5

Noqa uva sach'a kani, qankunataj ramas kankichej; pillapis noqapi kakojqa, noqataj paypi, chaymá ashkha poqoytaqa apan. Mana noqawanqa, mana imatapis ruwayta atinkichejchu.

Jonás 1:3

Jonastaj kasunantaqa, Señorpa ñaupaqenmanta ayqeyta munarqa, jinataj Jonasqa mar qocha cantopi Jopeman ayqerqa. Chaypitaj uj buqueta Tarsisman puririshajtaña taripasqa. Usqhayta pasajeta rantikuspataj wichariytawan riporqa.

Proverbios 5:19

Payqa kachun k'acha taruka jina, gacela nisqa jinataj. Munakuynin tukuy kausayniykipi kusichisuchun. Chay munakuynimpipuni qanqa kusikuy.

Colosenses 1:10

Mañakuyku Señorpa munayninman jina purinaykichejpaj, tukuy imapi Diosta kusichispa, allin poqoyta apaspa, tukuy ima allin ruwaypi, ajinamanta wiñaspataj, Diosta rejsinaykichejpaj.

TAKIYKUNA 8:14

Usqhayta correy ari, munasqáy; taruka jina phinkiriy, chayri uña taruka jina k'achituta q'aparishaj lomasninta.

TAKIYKUNA 3:5

Jerusalempi kaj sipaskuna, noqa mañarikuykichej, campopi tarukasrayku, uña tarukasrayku ima: Munasqayta ama rijch'arichipuwaychejchu. Saqepuwaychej puñukojta, rijch'arinankama.

TAKIYKUNA 2:9

Munakusqayqa uj taruka jina, juch'uy tarukita jina. Kay perqa wasapiña kashan, ventanaman qayllaykuspaña qhawamushan; chay wasamantaña wateqamushan.

Hechos 9:38

Jope llajtaqa mana karupichu karqa Lidamanta. Lidapi Pedro kasqanta yachaspataj, creejkuna kacharqanku iskay qharista, kayta nichispa: Ama jinachu kay, kunampacha jamuriwayku.

Hechos 9:42

Chay kausarichisqantaj tukuy Jope llajtapi yachakorqa, ashkha runastaj Señor Jesucristopi creerqanku.

Hechos 10:8

Paykunaman tukuy imata willaspa, Jope llajtaman kacharqa.

Hechos 10:23

Pedrotaj kachasta wasi ukhuman pusaykorqa, chaypitaj chay tuta puñorqanku. Q'ayantintaj sayariytawan, paykunawan rerqa. Jopepi tiyakoj wakin hermanospis paykunawan rillarqankutaj.

Hechos 11:5

Jope llajtapi kashaspa, Diosmanta mañakushajtiy, uj mosqoy jina jap'iwarqa. Chay mosqoypitaj rikorqani janaj pachamanta uraykamushajta uj t'impita, jatun llijllaman rijch'akojta. Tawantin cantosninmanta watasqata. Chay t'impitaj ñaupaqeyman uraykamorqa.

Hechos 11:13

Paytaj willawarqayku imaynatachus uj angelta sayashajta rikusqanta, pichus payman nisqa: Jopeman kachay wajyamojta Simón Pedro nisqata.

San Mateo 25:17

Jinallatataj iskay talentosta jap'ejpis, iskaytawan miracherqa.