Hechos 7:51 - Qheshwa Biblia DC

⁵¹ Estebanqa nillarqataj: Qankunaqa mana yuyayniyoj rumi sonqos, mana uyarikojtaj kankichej. Chayrayku Santo Espíritoj contrampi kankichej, ñaupa tatasniykichej jina, wapuchakunkichejtaj.

DIOSPA QHELQACHISQAN DEUTEROCANONICAL

⁵¹ Esteban nillarqataj: Qankunarí Diosta mana kasukoj rumi sonqo, mana uyarej kankichej. Chayrayku qankunapis ñawpa tatanchejkuna jina Santo Espirituta mana uyariyta munankichejchu.

DIOSPA QHELQACHISQ

⁵¹ Esteban nillarqataj: Qankunarí Diosta mana kasukoj rumi sonqo, mana uyarej kankichej. Chayrayku qankunapis ñawpa tatanchejkuna jina Santo Espirituta mana uyariyta munankichejchu.

Quechua South Bolivia: Dios Parlapawanchej

⁵¹ Esteban nillarkapuni: —Kancunaka c'ullu runas, rumi sonkos canquichej. Diosta mana uyarinquichejchu nitaj Santo Espiritutapis casunquichejchu. Unay tatasniyquichejjinapuni kancunapis canquichej.

Hechos 7:51 Referans Kwoze

Deuteronomio 10:16

Chayrayku kunanmantapacha Señor Diosniykichejpa nisqanta waqaychaychej, amaña rumi sonqoschu kaychej.

Levítico 26:41

Noqapis qankunaj contraykichejta ruwasaj, pusasqaykichejtaj enemigosniykichejpa llajtanman. Chaypitaj sajra yuyayniykichej k'umuykukonqa. Juchasniykichejmanta jasut'isqaytataj allimpaj qhawankichej.

Efesios 4:30

Diospa Santo Espiritunta ama llakichiychejchu. Paywan sellowan jina kankichej salvación p'unchaypaj.

Jeremías 4:4

Judamanta, Jerusalenmantapis runas circuncidakuychej, rejsiwankichejtaj Señorniykichejpaj jina. Tratomanta señalta sonqoykichejman churaychej, pajtataj millay ruwasqasniykichejrayku phiñakuyniy nina jina k'ajarinman, jap'iykukojtintaj ni pi thasnuyta atishanmanchu.

Isaías 63:10

Chaywampis paykunaqa mana kasukuspa, Santo Espiritunta phiñacherqanku; chayrayku paykunaj contranta phiñarikorqa, paykuna kikinwan maqanakuspa.

Éxodo 33:5

Imaraykuchus Señorqa Moisesman nerqa: Israelitasman niy: Qankunaqa ancha rumi sonqos kankichej. Uj chhikantachus qankunawan riyman chayqa, qankunata uj ratopi tukuchiykichejman. Kunitampacha qhechukuychej tukuy k'achanchakunaykichej sumaj imasta, chaymanta noqa yachasaj imastachus qankunawan ruwayta.

Éxodo 32:9

Señorqa Moisesman astawan nerqa: Noqa cheqamanta kay runasta rikuni, paykunaqa rumi sonqos kanku.

Filipenses 3:3

Noqanchejqa cheqamanta circuncisionmanta kanchej, imaraykuchus Diosta yupaychanchej Espirituman jina; kusikunchejtaj Cristo Jesuspi kasqanchejmanta, manataj chay circuncisionkunaspichu confianchej.

Éxodo 33:3

Qankunaqa riychej maypichus lechewan misk'iwan corrishan yaku jina chayman. Noqaqa mana qankunawanchu risaj; qankunawan riyman chayqa, ñampi tukuchiykichejman, imaraykuchus qankunaqa ancha rumi sonqo runas kankichej.

Hechos 6:10

Estebanta mana atipayta aterqankuchu. Payqa yachaywan Espirituwan parlasharqa.

Jeremías 6:10

Noqataj kuticherqani: Pitaj kutichiwanman kay parlasqayta willamojtiyri? Señor, paykunaqa joq'arasman tukunku, manataj uyariyta atinkuchu, palabrasniykimanta asiykukunku, mana paykunamanqa allinchu rijch'an.

Salmos 78:8

amataj ñaupa tatasninku jina kanankupaj: Wampus, Diospa contranta oqharikojkuna, sonqonkupitaj iskayta yuyajkuna, Diosta mana kasukoj runa mitas.

Colosenses 2:11

Jinallataj paypi circuncidasqas kankichej, mana makiwan ruwasqawanchu. Qankuna aychaj juchanta wijch'orqankichejña, Cristopi circuncidachikuspa.

Romanos 2:25

Leyta kasojtiyki, cheqamanta circuncisionqa yanapasunki. Mana leyta kasuspaqa, leyta p'akinki, circuncidasqa kasqaykitaj, manapis circuncidasqachu kawaj jina.

Hechos 7:39

Tatasninchejtaj Moisesta mana kasuyta munarqankuchu, qhesacharqankutaj sonqosninkupi Egiptoman kutiripuyta munaspa.

Hechos 7:27

Runa masinta maqajtaj, Moisesta tanqarparispa nerqa: Pitaj qanta churasunki kamachejniyku, juezniykutaj kanaykipaj?

Hechos 7:9

Jacobpa wawasnin ñaupa tatakunaqa, wauqenku Joseta chejnispa, kamachita jina venderqanku Egipto llajtaman pusanankupaj. Diostaj Josewan karqa payta waqaychaspa.

Ezequiel 44:9

Señorqa kay jinata nin: Mayqen waj llajtayoj runa sonqompi, aychampipis mana circuncidasqa runaqa wasiyman mana yaykonqachu, nillataj Israel ayllu ukhupi kashanku chay waj llajtayoj runaspis.

Ezequiel 44:7

Qankuna Diosta yupaychana wasiyta ch'ichichankichej, sonqompi, aychampipis mana circuncidasqa waj llajtayoj runasta wasiyman pusaykuspa paykuna chaypi kanankupaj, t'antayta, wirasta yawartawan jaywanawankupaj. Tukuy chay millay imasta ruwaspa tratoyta pampachankichej.

Nehemías 9:30

Ashkha watasta qanqa paykunawan pacienciakorqanki, Espirituykinejta, profetasniykinejtataj paykunaman willachej kanki, chaytapis manallataj kasojchu kanku. Chayraykutaj waj nacionespa kamachiynin uraman churarqanki.

Deuteronomio 31:27

Noqa yachaykichej qankunaqa mana kasukoj rumi sonqo runas kasqaykichejta. Noqa qankunawan kashajtiyraj Señorpa contranman tukuykichej. Q'aya minchha wañupojteyqa, imaynachus kankichejpis ari?

Ezequiel 2:4

Wawasninkupis mana q'ewiy atina jina, rumi sonqostaj kanku. Paykunaman parlamunaykipaj qanta kachasqayki, kay jinata paykunaman niy: Señorqa kayta nin.

Jeremías 17:23

Paykunataj mana uyariwarqankuchu, manachayqa k'ullukorqanku, manataj kasuwayta munarqankuchu, nitaj wanaytapis.

Isaías 48:4

Chayqa karqa k'ullu kasqaykirayku, much'uykeqa fierro jina, frenteykipis bronce jina.

Salmos 75:5

Ama qhasillataqa atiyniykichejta rikuchiychejchu. Amataj wapu wapu parlaspaqa kaychejchu.

Nehemías 9:16

Paykuna jinataj ñaupa tatasniyku imaqa may machu machus rumi sonqostaj karqanku, manataj kamachiykunasniykita kasorqankuchu.

2 Crónicas 30:8

Chayrayku ama ñaupa tatasniykichej jinaqa sonqosniykichejta rumiyachiychejchu, Señorta kasuychej, jamuychejtaj llimphu nisqa wasinman, Señor wiñaypaj llimphuchanan chayman, Señor Diosniykichejta sirviychej, paytaj qankunapaj phiñasqa kayta saqenqa.

Deuteronomio 30:6

Señor Diosniykichejqa llimphuchanqa sonqoykichejta, mirayniykichejpa sonqosninkutapis, payta munakunaykichejpaj tukuy sonqoykichejwan, tukuy almaykichejwampis, ajinamanta kausanaykichejpaj.

Deuteronomio 9:13

Señorqa nillawarqataj: Ña noqaqa rikuniña kay runasqa ancha rumi sonqos kasqankuta.

Deuteronomio 9:6

Yachaychejpuni kayta: Manamin qankuna allin kasqaykichejraykuchu chay sumaj jallp'asta Señor Diosniykichejqa qosunkichej. Qankunaqa rumi sonqos kankichej.

Hechos 7:35

Kaymin chay Moisesqa pitachus israelitakuna qhesachaspa nerqanku: Pitaj qanta churasorqa, kamachejniyku, juezniykutaj kanaykipajri? Paytataj Dios kacharqa, paykunaj kamachejnin kanampaj, kacharichejnintaj; chay larwashaj zarzapi ángel rikhurejnejta.

Números 27:14

Qankunaqa iskayniykichej sutiyta mana jatuncharqankichejchu kamachisqasniyta mana kasuwaspa israelitaspa ñaupaqempi, Zin ch'in pampapi yakuta mañakuspa contrayta rimashajtinku. Kay yakoqa Meriba nisqa cheqapi karqa Zin ch'in pampapi.

2 Reyes 17:14

Paykunarí astawampis mana kasorqankuchu, sonqosninkuta rumiyacherqanku, tatasninku jina, paykunaqa Señor Diosninkupi mana creerqankuchu.