Hechos 7:25 - Qheshwa Biblia DC

²⁵ Moisesqa yuyarqa israelita wauqesnin umachakunankuta, Dios paynejta chay ñak'ariykunamanta orqhonanta. Paykunataj chaytaqa mana unancharqankuchu.

DIOSPA QHELQACHISQAN DEUTEROCANONICAL

²⁵ Chayta ruwaspa, Moisés yuyarqa israelita masinkuna reparanankuta, Dios paynejta paykunata chay ñak'ariymanta kacharichinanta. Paykunatajrí chayta mana repararqankuchu.

DIOSPA QHELQACHISQ

²⁵ Chayta ruwaspa, Moisés yuyarqa israelita masinkuna reparanankuta, Dios paynejta paykunata chay ñak'ariymanta kacharichinanta. Paykunatajrí chayta mana repararqankuchu.

Quechua South Bolivia: Dios Parlapawanchej

²⁵ Moisés yuyarka ayllu-masisnin entiendenancuta paynejta Dios paycunata cacharinanta chay ñac'arichej runasmanta. Paycunarí mana repararkancuchu.

Hechos 7:25 Referans Kwoze

Colosenses 1:29

Chayrayku noqapis llank'ani, maqanakuspa Señorpa atiyninman jina. Chay atiytaj noqapi maytapuni ruwashan.

2 Corintios 6:1

Arí ajina, qankunata yanapajkuna kayku Diospa ruwaynimpi. Mañakuykutaj qankunaqa ama qhasipajchu jap'inaykiychejta Diospa khuyakuyninta.

1 Corintios 15:10

Chaywampis, Diospa khuyakuyninrayku imachus kani chay kani. Khuyakuynintaj noqapajqa mana qhasipajchu karqa. Chantá tukuyninkumanta astawan llank'arqani; mana noqallachu, astawanqa Diospa khuyakuynin noqapi kasqanrayku.

Romanos 15:18

Noqaqa mana parlaymanchu Cristo noqanejta mana ruwasqanmanta palabraywan, ruwasqaywantaj gentiles Diosta kasunankupaj.

Hechos 21:19

Napaykuspataj, paykunaman ujmanta uj willarqa, imastachus Dios ruwasqanta paynejta gentiles ukhupi.

Hechos 15:7

Anchataña churanakojtinkutaj, Pedro sayaykuspa nerqa: Hermanos, yachankichej jina, imaynatachus unay qankuna ukhumanta Dios ajllawasqanta gentilesman evangeliota apanaypaj, paykunapis uyarispa Jesuspi creenankupaj.

Hechos 15:4

Paykuna Jerusalenman chayajtinkutaj, iglesiapi kajkuna apóstoles, ancianos ima may kusiywan jap'erqanku. Paykunamantaj willarqanku imaynatachus Dios tukuy imata ruwasqanta paykunawan.

Hechos 14:27

Antioquiaman chayaspataj, iglesiata tantaykuspa willarqanku, imaynatachus Dios tukuy imapi paykunata yanapasqanta, jinallatataj gentilespajpis punkuta kicharisqanta, Jesuspi creenankupaj.

San Lucas 18:34

Manataj paykunaqa tumpallatapis entienderqankuchu chay nisqanmanta; nitaj yacharqankuchu imamantachus parlasqanta.

San Lucas 9:45

Paykunataj mana entienderqankuchu kay nisqantaqa, imaraykuchus paykunapajqa mana sut'ichu karqa, manchachikorqankutaj tapukuytapis.

Marcos 9:32

Paykunataj mana entienderqankuchu kay nisqanta; manchachikorqankutaj tapuyta.

Salmos 106:7

Tatasniykoqa Egiptopi, jatuchaj ruwasqasniykimanta mana unancharqankuchu. Ashkha munakuyniykimanta qonqaporqanku, astawanqa puka mar qocha qayllapi contraykipi oqharikorqanku.

2 Reyes 5:1

Siriamanta reypa, soldadosnimpa kurajnin Naamán sutiyoj karqa; wiraqochimpa ñaupaqempi ancha munasqa karqa, mantasqataj, imaraykuchus paynejta Señorqa Siriaman atiyta qorqa. Chay runaqa may wapupuni karqa. Chaywampis llijti lepra onqoyniyoj karqa.

1 Samuel 19:5

Payqa wañuyta mana manchachikuspa filisteosta wañucherqa, jinamanta Señorqa paynejta tukuy israelitasman jatun atipayta qorqa, chaytaqa rikorqanki kusikorqankitaj. Imaraykutaj qan uj mana juchayoj runata wañuchiyta munankiri, Davidta mana imallamanta wañuchiyta munaspari?

1 Samuel 14:45

Israel ayllutaj Saulman kuticherqa: Imaraykutaj Jonatán wañunmanri, payqa israelitasman qorqa uj jatun atipachiyta! Mana chayqa jinachu kanqa. Señornejta jurayku mana uj chujchallampis pampaman uraykonqachu! Kunan ruwasqasqa Diospa yanapayninwan karqa. Chay jinamanta Israel aylloqa Jonatanta qhechorqa wañunan kashajtin.

1 Corintios 3:9

Paykunapis noqaykupis Diospaj llank'ayku, qankunataj Diospa chajran kankichej, chayri Diospa ruwasqan wasi jina kankichej.

Éxodo 2:12

Paytaj tukuynejta qhawarispa ni pi kajtintataj, chay maqaj runata jap'ispa wañurparicherqa, jinaspataj t'iyuman p'ampaykorqa.

Hechos 7:24

Chayaspataj rikorqa uj Egipto llajtayoj runa israelitata maqashajta. Moisestaj israelitaman kutikuspa, chay egipciota wañurparicherqa.

Hechos 7:26

Q'ayantintaj Moisés rikorqa israelitas maqanakushajta. Allinyachiyta munaspataj paykunaman nerqa: Qhari masis, qankunaqa wauqes kankichej, imaraykutaj qankunapura maqanakushankichejri?

Jueces 15:12

Chantá paykunaqa nerqanku: Noqaykoqa qanta jap'ej jamuyku filisteospa makisninman jaywasunaykupaj. Sansontaj paykunaman kuticherqa: Jurawaychej mana wañuchinawaykichejta.