Hechos 7:23 - Qheshwa Biblia DC

²³ Moisestaj tawa chunka watayojña kashaspa, sonqonta nanachikorqa israelita ayllu masisninmanta. Chayrayku munarqa watukuyta.

DIOSPA QHELQACHISQAN DEUTEROCANONICAL

²³ Moisés tawa chunka watayojña kashajtin, sonqon aysarerqa israelita masinkunata waturikamunanpaj.

DIOSPA QHELQACHISQ

²³ Moisés tawa chunka watayojña kashajtin, sonqon aysarerqa israelita masinkunata waturikamunanpaj.

Quechua South Bolivia: Dios Parlapawanchej

²³ ‘Tawa chunca watayoj cashaspataj Moisés yuyarka watucuyta israel ayllusninta yachananpaj imaynachus cashaskancuta.

Hechos 7:23 Referans Kwoze

Proverbios 21:1

Reypa yuyaynenqa Señorpa makimpipuni kashan, chayqa larq'a yaku jina purin, Señor imaynatachus munasqanman jina.

Apocalipsis 17:17

Diosqa sonqonkupi churarqa paypa munayninta ruwanankupaj, uj sonqolla kanankupaj, suyutataj phiña animalman qonankupaj, Diospa nisqan junt'akunankama.

Santiago 1:17

Tukuy ima allin t'inka, imatapis ruwayta yachaytaj patamanta jamun, k'anchay Tatamanta. Payqa kikillampuni, manataj paypi ima llanthullapis kuyurej kanchu.

Esdras 7:27

Chaypacha Esdrasqa Diosta yupaycharqa kay jinata: Tatasniykojpata Diosnenqa Señornintaj yupaychasqa kachun, Pay churarqa reypa sonqompi Jerusalempi kaj Señorpa templonta jatunchanampaj.

Hechos 15:36

Pisi p'unchaykunamantataj, Pabloqa Bernabeman nerqa: Kunan kutirina hermanosta watukoj tukuy llajtaspi maypichus Señorpa palabranta willarqanchej. Ajinapi yachasunchej imaynachus kasqankuta.

Esdras 1:5

Chaypacha Judá ayllumanta, Benjamín ayllumantawan kuraj runas wakichikorqanku Jerusalenman rinankupaj, Señorpa wasinta ruwamunankupaj. Jinallatataj wakichikorqanku sacerdotes, levitas, chantapis pikunatachá Dios umacharqa chaykuna ima.

Esdras 1:1

Persiamanta kaj rey Ciro uj watataña kamachishajtin, Señorpa parlasqan, Jeremiaspa siminnejta junt'anampaj, Señorqa rey Ciroman umallicherqa. Tukuynin reinompi kajkunaman willaracherqa, parlaypi, qelqasqapiwan kay kamachisqata:

2 Crónicas 30:12

Jinallatataj Judamanta kaj runaspis Diosqa sonqosninkuta kuyucherqa, reypa jinataj kamachejkunaspa nisqankuman jina junt'anankupaj, Señor imaynatachus kamachisqanman jina.

Éxodo 35:29

Ajinata tukuy qharis warmis ofrendasninkuta israelitasqa apamorqanku maskhatachus tukuy sonqowan, kusiywantaj qosqankuta, imaynatachus Moisesman Señorqa kamachisqanman jina imastachus ruwanankupaj.

Éxodo 35:21

Chaymantataj ofrendasta apamorqanku mashkhatachus tukuy sonqowan qoyta munarqanku chayta, astawanqa apamorqanku Dioswan tinkukuna toldo nisqa ruwakunampaj, imaswanchus kanan karqa chaykunata, imasninchus kanan karqa chaykunapaj; sacerdote p'achasta ima.

Éxodo 4:18

Moisesqa chaymanta riytawan Jetro suegrompaman kuterqa, nerqataj: Kunanqa kutinay tiyan Egiptoman, ayllusniyta, wauqesniyta ima waturikoj, kausakushankurajchus manachus chayta. Jetrotaj nerqa: Jina kajtenqa, riy ari, allillantaj risuchun.

2 Corintios 8:16

Diosman graciasta qoni, noqaman jinallataj Titomampis sonqonman churasqanmanta, qankunamanta yuyanampaj.

Éxodo 7:7

Chaypacha Moisesqa karqa pusaj chunka watasniyoj; Aarontaj karqa pusaj chunka kinsayoj watasniyoj, faraonwan parlasharqanku chaypacha.

Hechos 7:24

Chayaspataj rikorqa uj Egipto llajtayoj runa israelitata maqashajta. Moisestaj israelitaman kutikuspa, chay egipciota wañurparicherqa.