Hechos 6:3 - Qheshwa Biblia DC

³ Chayrayku hermanos, ajllaychej ari qankuna ukhumanta qanchis qharista, allin kausayniyojta, Santo Espirituwan junt'asqasta, yachayniyojkunatataj mikhunata rak'inankupaj.

DIOSPA QHELQACHISQAN DEUTEROCANONICAL

³ Chayrayku wawqe panakuna, qankuna ukhumanta qanchis qharikunata ajllaychej ari, mikhunata rak'inankupaj. Paykuna kachunku allin kawsayniyoj, Santo Espíritoj kamachiyninpi purejkuna, chantá yachayniyoj, yuyayniyoj ima.

DIOSPA QHELQACHISQ

³ Chayrayku wawqe panakuna, qankuna ukhumanta qanchis qharikunata ajllaychej ari, mikhunata rak'inankupaj. Paykuna kachunku allin kawsayniyoj, Santo Espíritoj kamachiyninpi purejkuna, chantá yachayniyoj, yuyayniyoj ima.

Quechua South Bolivia: Dios Parlapawanchej

³ Hermanosníy, chayraycu kancunamanta ajllaychej kanchis runasta cay ruwanapi yanapanancupaj. Cachuncu sumajpaj khawaskas, Dios Espirituwan junt'a, sumaj yuyayniyoj runas. Paycunata churasunchej cay ruwaypi khawanancupaj.

Hechos 6:3 Referans Kwoze

Deuteronomio 1:13

Chayrayku, kunanqa sapa ayllumanta ajllakuychej yachayniyoj runasta, umayojkunata, k'amachiyta yachajkunata ima qankunaj kamachejniykichejta jina noqa churanaypaj, nispa.

1 Timoteo 5:10

Allin ruwanaspi rejsisqa kachun, wawasninta allinta uywaj, wajyarikuyta yachaj, creejkunaj chakisninta mayllaj, llakisqasta khuyaj, tukuy allin ruwanata junt'aj ima.

3 Juan 1:12

Demetriomanta tukuy allinta parlanku. Cheqa kajpis kikillantataj. Noqaykupis kikinta niyku; yachanki jina, willasqaykoqa cheqamin.

Santiago 1:17

Tukuy ima allin t'inka, imatapis ruwayta yachaytaj patamanta jamun, k'anchay Tatamanta. Payqa kikillampuni, manataj paypi ima llanthullapis kuyurej kanchu.

Efesios 5:18

Ama vinowan machaykuychejchu. Chaypi sajra kausay tiyan. Astawanqa Espirituwan junt'a kaychej.

1 Corintios 16:3

Noqataj chayamuspa, chay pikunatachus ajllankichej cartasta qospa, chaykunawan Jerusalenman apachisaj qolqe qosqaykichejta, jaqaypi hermanosman jaywamunankupaj.

Hechos 22:12

Uj runa Ananías sutiyoj karqa, paytaj Diosta yupaychaj leyman jina. Damascopi kaj judiostaj, allin runapaj payta qhawarqanku.

Hechos 10:22

Paykunataj kuticherqanku: Capitán Cornelio kachamuwayku. Payqa cheqan runa, Diospa manchaynimpitaj kakun. Judiostaj jatumpi jap'inku. Diospa angelnintaj Cornelioman nerqa wasinman wajyachisunanta, qampa parlasqaykita uyarinampaj.

Hechos 6:6

Chay ajllasqastataj apostolespaman pusamorqanku. Paykunaqa Diosmanta mañakuspa makisninkuta paykunaman churaykorqanku.

Hechos 2:4

Tukuyninkutaj Santo Espirituwan junt'asqas karqanku. Waj parlaykunapitaj parlayta qallarerqanku, Santo Espíritu atiyta qosqanman jina.

Hechos 1:21

Walej kanman uj runata ajllana, Jesucristoj kausarimpusqanta willanampaj, noqaykuwan khuska. Chay runaqa kanan tiyan Señor Jesús noqanchej ukhupi kashajtin, noqaykuwampuni purejkunamanta.

San Mateo 23:8

Qankunarí, ama maestro nichikunkichejchu, imaraykuchus ujlla Maestroykichejqa, chayqa Cristo. Qankunaqa, tukuyniykichej hermanos kankichej.

Isaías 28:26

Diosmin chayta yachachin imaynatachus ruwananta.

Isaías 28:6

Jinallataj cheqanchajkunata yuyaychanqa, llajtata jark'aj soldadostapis kallpachanqa.

1 Corintios 12:8

Wakinmanqa Espiritunejta yachay palabras qosqa, parlayta atinampaj; wakinmantaj kikin Espiritullataj qon yachaysapa yachaykunata.

Hechos 16:2

Listrapi Iconiopi tiyakoj hermanosqa, allinta parlaj kanku Timoteomanta.

Hechos 15:23

Paykunawantaj apacherqanku kay cartata: Noqayku apóstoles, ancianoswan, hermanosniykichej ima, napaykamuykichej hermanos gentilesmanta, jamojkuna, pikunachus tiyakunkichej Antioquiapi, Siriapi, Ciliciapi ima.

Hechos 9:30

Chayta yachaspataj hermanosqa Saulota pusarqanku Cesarea llajtaman. Chaymantataj Tarsoman kachaporqanku.

Éxodo 18:21

Chantapis qan ajllay israelitas ukhumanta allin yuyayniyoj qharista, Diosta manchachikojkunata, imastapis cheqanta ruwajkunata, qolqellamanta mana wañojkunata. Paykunata churaray sapa t'aqapi kurajkunas kanankupaj; paykunataj kamachichunku wakenqa waranqa runasta, wakintaj pachaj runasta, wakintaj phishqa chunka runasta, wakintataj chunka runasta kamachinankupaj.

San Juan 21:23

Chay nisqata hermanos ukhupi willakorqa jaqay yachachisqa mana wañunan kasqanta. Jesustaj mana imatapis nerqachu, mana wañonqachu nispa. Astawanqa nerqa: Sichus kutimunaykama pay qhepakunanta munani chayqa, imá dakusunki qanmanri?

Hechos 1:15

Chay p'unchaykunallapitaj creejkuna tantakorqanku tukuyninkupi, pachaj iskay chunkayoj jina. Sayaykuspataj Pedro paykunaman nerqa: Hermanosníy, escribisqapi nisqan junt'akunampuni karqa, imatachus Santo Espíritu Davidpa siminnejta Judasmanta nerqa. Chay Judasqa runasta pusarqa Jesusta jap'inankupaj.

Hechos 6:2

Ajinamanta chunka iskayniyoj apostolesqa, tukuynin creejkunata wajyarqanku, nerqankutaj: Mana allinchu kanman noqaykupajqa, Diospa palabranta saqerparispa mikhunataraj runakunaman rak'inaykoqa.

Hechos 6:5

Chay nisqankutaj tukuyninkuman allin rijch'arqa. Chaymantataj Estebanta ajllarqanku. Payqa sinch'i feniyoj karqa, Santo Espirituwantaj junt'asqa. Chaymantá ajllallarqankutaj Felipeta, Procorota, Timonta, Parmenasta, Nicolasta ima. Nicolasqa Antioquiamanta karqa, israelitaspa yachachiyninta qhatej.

Hechos 28:14

Chaypitaj tarerqayku hermanosta. Paykunataj mañawarqayku qanchis diata paykunawan kanaykuta. Chay qhepatataj Romaman rerqayku.