Hechos 5:9 - Qheshwa Biblia DC

⁹ Pedrotaj nerqa warmiman: Imaraykutaj qosaykiwan yachachinakorqankichej, Señorpa Espiritunman llullakunaykichej pajri? Kunitan kay punkuman chayamushanku qosaykita p'ampamojkuna, kikillantataj qantapis apasonqanku.

DIOSPA QHELQACHISQAN DEUTEROCANONICAL

⁹ Chantá Pedroqa Safirata nerqa: Imaraykutaj qosaykiwan yachachinakorqankichej Tukuyta Kamachej Jesuspa Espiritunman llullakunaykichejpajri? Kunitan kay punkuman chayamushanku qosaykita p'ampamojkuna, paykunataj qantapis p'ampaj apallasonqankutaj, nispa.

DIOSPA QHELQACHISQ

⁹ Chantá Pedroqa Safirata nerqa: Imaraykutaj qosaykiwan yachachinakorqankichej Tukuyta Kamachej Jesuspa Espiritunman llullakunaykichejpajri? Kunitan kay punkuman chayamushanku qosaykita p'ampamojkuna, paykunataj qantapis p'ampaj apallasonqankutaj, nispa.

Quechua South Bolivia: Dios Parlapawanchej

⁹ Chanta Pedro payta nerka: —Iscayniyquichej tucuy atiyniyoj Señor cachamuska, chay Espirituman llullacuspa unanchacorkanquichej yachanayquichejpaj yachanmanchus manachus, chayta. ¿Imaraycutataj ajinata ruwarkanquichejrí? Khaway, cutimushancuña kosayquita p'ampamojcunaka. Cunan kantapis p'ampaj apallasonkancutaj, —nispa.

Hechos 5:9 Referans Kwoze

1 Corintios 10:9

Amataj Señorta phiñachinachu, imaynatachus paykunamanta wakinkuna phiñacherqanku ajinata. Chayrayku wañorqanku katarispa wach'isqawan.

Salmos 78:56

Paykunataj patapi kaj Diosta pruebaman churaspa phiñacherqanku, kamachisqasnintapis mana kasorqankuchu.

Romanos 3:19

Yachanchej, leypa tukuy nisqanta, leypi kajkunapaj churasqa kasqanta; tukuy runa ch'inyanampaj, mundontintaj Diospa ñaupaqempi juchachasqa rikhurinampaj.

Hechos 15:10

Kunanrí, imaraykutaj Diosmanta iskayrayankichejri, creejkunaman llasa q'epita jina kamachiykunata qospa, mayqenkunatachus mana ñaupa tatasninchej, nitaj noqanchejpis junt'ayta aterqanchej chayta.

San Lucas 16:2

Chayrayku patronqa wajyaspa nerqa: Imastataj qanmanta uyariniri? Cuentata qoway mayordomo kasqaykimanta. Jina chayqa, manaña astawan mayordomoy kayta atinkichu.

San Mateo 4:7

Jesús nillarqataj: Escribisqallataj kashan: Señor Diosniykita ama tentankichu.

Miqueas 7:3

Juchata ruwanapajqa maestros kanku, chay kurajkunapis t'inkasta apamunankuta kamachinku, juezkunasri wajkunawan rantichikunku, atiyniyoj kajkunataj munasqankuman jina ruwaspa llajtata juchallichinku.

Proverbios 16:5

Señorqa runaykachajkunata millachikun; jasut'isqapuni kanqanku.

Proverbios 11:21

Cheqamanta sajra runaqa jasut'isqapuni kanqa; cheqanta ruwajkunarí mana jasut'isqachu kanqanku.

Salmos 50:18

Suwataqa ojllaykunaykipaj suyanki, khuchi runawantaj kausakunki.

2 Reyes 6:32

Eliseoqa wasimpi kurajkunaswan khuska tiyakusharqa. Reytaj payman kachamorqa uj kacha runata. Manaraj chay kacha runa chayamushajtintaj, Eliseoqa kurajkunasman nerqa: Rikunkichejchu imaynatachus chay runa wañuchej wawanqa, umayta qholuchinawampaj kachamushawasqanta? Kunanqa, chay kacha runa chayamojtinkama punkuta sumajta wisq'aykunkichej, amataj yaykumojta saqenkichejchu. Chayqa paypa qhepampi wiraqochimpa purisqan uyarikamunña, nispa.

Números 14:22

Egiptopi, kay ch'in pampaspipis ashkha milagro ruwasqasniytapis rikullankutaj. Kay ch'in pampaspi chunka kutitaña noqaj contrayta oqharikunku, kamachisqasniyta mana kasuwayta munankuchu.

Éxodo 17:7

Chaymantaqa chay cheqata suticharqa Meribata, chaypi israelitas Moisespaj rimasqankurayku. Chantaqa sutichallarqataj Masahta imaraykuchus kaypi Diosta probanku, nispa: Noqanchejwanchu Señorqa kashan manachu?

Éxodo 17:2

Israelitasqa phiñarikuspa Moisesman nerqanku: Yakuta qowayku ujyanaykupaj, nispa. Moisestaj paykunaman nerqa: Imaraykutaj phiñakuspa noqamanta yakuta mañakushawankichejri? Imaraykutaj Señorta pantachiyta munankichejri?

Romanos 10:15

Imaynatataj willanqanku mana kachasqas kaspari? Escribisqapi nishan: May k'achapuni sonqo tiyakuyta allin imastataj willajkunaj chakisninkoqa!

Hechos 5:6

Wayna runastaj, qayllaykuytawan Ananiaspa ayanta mayt'uykuspa jawaman orqhorqanku p'ampamunankupaj.

Génesis 20:13

Maypachachus Dios, tataypa wasinmanta orqhowarqa chaymantapacha tukuynejta puriyku. Chayrayku payman nerqani maymanchá chayasun chaypi qanqa niwanki noqa turayki kasqayta, nispa.