Hechos 5:17 - Qheshwa Biblia DC

¹⁷ Chaymantataj jatun sacerdote, paywan kajkuna ima, saduceos t'aqamanta apostoleswan jap'inakuspa, maytapuni phiñakorqanku.

DIOSPA QHELQACHISQAN DEUTEROCANONICAL

¹⁷ Chantá kuraj kaj sacerdote, payman sayasqa saduceokuna ima Jesuspa kuraj kachankunawan maytapuni chhoqonakorqanku.

DIOSPA QHELQACHISQ

¹⁷ Chantá kuraj kaj sacerdote, payman sayasqa saduceokuna ima Jesuspa kuraj kachankunawan maytapuni chhoqonakorqanku.

Quechua South Bolivia: Dios Parlapawanchej

¹⁷ Yupaychana-wasimanta curajka, saduceo partemanta, tucuy yanapajcunawan mayta phiñacorkancu Jesuspa cachasninpaj.

Hechos 5:17 Referans Kwoze

Hechos 13:45

Judiostaj chay chhika runata rikuspa Pablowan chhoqonakorqanku; churanakuytataj qallarerqanku paypaj sajrata rimaspa.

Hechos 17:5

Chaymanta judiosqa chhoqonakorqanku. Chayrayku tantamorqanku qhellasmanta sajra runasta, paykunawan ch'ajwata ruwaspa, llajtantinta oqharichinankupaj. Jasompa wasinmantaj ch'ajwaspa rerqanku Pablota Silastawan mask'aspa, orqhomuspataj runasman entreganankupaj.

Hechos 7:9

Jacobpa wawasnin ñaupa tatakunaqa, wauqenku Joseta chejnispa, kamachita jina venderqanku Egipto llajtaman pusanankupaj. Diostaj Josewan karqa payta waqaychaspa.

1 Pedro 2:1

Chayrayku tukuy laya sajra yuyayta saqeychej, tukuy laya ch'aukiyayta, puraj uya kayta, qhawanakuyta, tukuy sajra rimaykunatawan.

San Juan 12:10

Chantá kuraj sacerdotes, Lazarotapis wañuchinankupaj yachachinakorqanku, imaraykuchus paynejta t'aqanakuspa ashkha judíos Jesuspi creerqanku.

San Mateo 27:18

Pay yacharqa runas chhoqonakuspalla Jesusta wisq'achisqankuta.

Eclesiastés 4:4

Chanta reparallanitaj, tukuy ima ruwaykuna, sumajta imastapis ruwasqasqa runasta munapayayman pusan, ajinamanta runa masisninkuta chejnikunampaj. Chaypis qhasi mana kajllataj wayra jap'ikuy jinalla.

Proverbios 27:4

K'ajaj phiñakoyqa ñak'arichin, phiñakuytaj imatapis thuñin. Chaywampis, pitaj munapayayta atipanqari?

Proverbios 14:30

Llamp'u sonqo kayqa runaj ukhumpa kausaynin; wajpa imasninta munapayayrí tullukama ismuchej onqoy jina.

Job 5:2

Cheqamanta wampusta sinch'i phiñakoyqa wañuchin, pichus payllapaj imatapis munajtaqa chhoqonakuy wañuchin.

Santiago 4:5

Yuyankichejchu Escritura qhasita nisqanta? Diosqa Espirituta qowanchej noqanchejpi kausanampaj, munakuywan qhawanawanchejpajtaj.

Hechos 15:5

Fariseosmanta wakin creejkunataj, sayarispa nerqanku: Gentilesmanta creejkunaqa, circuncidasqas kananku tiyan, Moisespa leyninman jina.

Hechos 4:26

Kay pachapi reyes oqharikorqanku, kamachejkunapis oqharikuspa ujllapi tantakorqanku Señorpa contrampi, Cristompa contrampi ima.

Hechos 4:6

Chayman tantakamullarqankutaj jatun sacerdote Anaswan, Caifaswan, Juanwan, Alejandrowan, tukuy jatun sacerdotespa ayllusninkuwan ima.

San Juan 12:19

Fariseostaj ninakorqanku: Qhawariychej, manaña imatapis ruwayta atinchejchu, tukuy runa paywan ripushan, nispa.

San Mateo 3:7

Juanqa ashkha fariseosta, saduceostawan bautismoman jamojta rikuspa, nerqa: Katarikunaj miraynin! Pitaj yachachisorqachej Diospa jamoj k'ajaj phiñakuyninmanta ayqeytari?

Hechos 5:16

Jerusalenmantaj jamorqanku chay qayllapi juch'uy llajtasmanta, onqosqasninkuta apamuspa, millay supaykunaj ñak'arichisqan runastawan. Tukuyninkutaj thañisqas karqanku.