Hechos 4:29 - Qheshwa Biblia DC

^29-30 Kunanqa Señor, qhawariy imaynatachus phiñakuspa, manchachiwasqaykuta. Kunanqa kamachisniykita kallpachay ari, ama manchachikuspa palabraykita willanankupaj, makiykitataj aysarejtiyki onqosqas thañikunankupaj. Milagros jatun t'ukuna rikuchinas ima ruwakuchunku, ajllasqa kamachiykej Jesuspa sutinnejta.

DIOSPA QHELQACHISQAN DEUTEROCANONICAL

²⁹ Kunanqa Tukuyta Kamachej Dios, qhawariy imaynatachus paykuna phiñakuspa, manchachiwasqaykuta. Chantá kay kamachiykikunata kallpachawayku ari, mana manchachikuspa Simi nisqaykita willanaykupaj,

DIOSPA QHELQACHISQ

²⁹ Kunanqa Tukuyta Kamachej Dios, qhawariy imaynatachus paykuna phiñakuspa, manchachiwasqaykuta. Chantá kay kamachiykikunata kallpachawayku ari, mana manchachikuspa Simi nisqaykita willanaykupaj,

Quechua South Bolivia: Dios Parlapawanchej

²⁹ Cunanka tucuy atiyniyoj Señor Diosniycu, “ñac'arichiskayquichej” niskancuta khaway, ari. Nokaycu camachisniyqui caycu. Yanapawaycu niskasniyquita tucuy sonkowan willaranaycupaj mana manchachicuspa.

Hechos 4:29 Referans Kwoze

Hechos 4:13

Paykunaqa mayta t'ukuspa, qhawarqanku Pedrota Juantawan mana manchachikuspa parlajta, astawanqa yachaspa mana yachakuyniyoj runaslla kasqankuta. Rejserqankutaj kay runasqa Jesuswan khuska purisqankuta.

Hechos 14:3

Chaywampis apostolesqa unayta chaypi karqanku. Mana manchachikuspa Señormanta parlarqanku, paypi sonqonkuta churaspa. Señortaj parlasqankuta yanaparqa, señalesta, milagrostawan paykunanejta ruwachispa.

Filipenses 1:14

Preso kasqayta yachaspataj yaqha tukuy hermanos, Señorpi sonqochakuspa sayarerqanku astawan parlanankupaj, Diospa palabranmanta mana manchachikuspa.

Hechos 4:31

Diosmanta mañakuyta tukusqankutawantaj, maypichus kasharqanku chay cheqa kuyurerqa. Tukuyninkutaj Santo Espirituwan junt'asqas karqanku, Diospa palabrantataj mana manchachikuspa willayta qallarerqanku.

2 Timoteo 4:17

Chaywampis, Señor noqawan karqa, kallpachawarqataj evangeliota allinta willanaypaj, tukuy mana judiostaj uyarinankupaj. Ajinamanta Señorqa leompa siminmanta kacharichiwarqa.

Hechos 28:31

Paytaj mana manchachikuspa, Diospa reinonmanta yachacherqa, Señor Jesucristomantawan, nitaj pipis paytaqa jark'arqachu.

Hechos 19:8

Pablotaj sinagogasman yaykuspa, mana manchachikuspa kinsa killa junt'ata yachacherqa, churanakuspa, Diospa reinonmanta unanchachiyta munaspa.

Hechos 13:46

Pablowan Bernabewan mana manchachikuspa, paykunaman nerqanku: Diospa palabranta qankunamanraj willanayku karqa. Qankunataj qhesachankichej, nitaj wiñay kausaytapis jap'iyta munankichejchu. Chayrayku kunanqa waj llajtayoj runasman ripusqayku.

Hechos 9:27

Chaymantataj Bernabé sutiyoj, Saulota pusarqa apostolesman rejsichinampaj. Paykunamantaj willarqa Sauloqa Señor Jesusta ñampi rikusqanta, imaynatachus payman Jesús parlasqanta, Damascopipis mana manchachikuspa Jesuspa sutimpi willasqanta.

1 Tesalonicenses 2:2

Astawanqa yachankichej, Filipospi ñaupajta ñak'arerqayku, k'amisqastaj karqayku; chaywampis Diosniyku kallpachawarqayku, paypa evangelionta qankunaman willanaykupaj, manchay churanaku chaupipi.

Hechos 4:21

Ajinamanta kuraj kamachejkunaqa, maytapuni manchachispa Pedrota Juantawan kachariporqanku. Jasut'iytapis mana aterqankuchu runarayku, imaraykuchus tukuy runas Diosta yupaychasharqanku milagrota rikusqankumanta.

Daniel (hebreo) 9:18

Diosniyku, uyarillawayku ari. Qhawariy kay jina mana imayoj rikhurisqaykuta, jinallataj sutiykita yupaychana llajtatapis. Mana kausayniykupi cheqanta ruwasqaykuta creekuspachu qanmanta majakushayku, mana chayqa qampa jatun khuyakuyniykipi creespa.

Ezequiel 2:6

Qanqa runa, paykunamanta ama manchachikuychu imata nisojtinkupis, khishkas chaupipi jina tarikuspapis; chayri atoj atoj chaupipi jina kashaspapis. Amapuni paykunaj parlasqankumanta manchachikuychu, amataj kharkaychu paykunaj ñaupaqenkupi, imaraykuchus contraypi oqharikoj ayllumin.

Hechos 26:26

Kay tukuy imasmanta rey Agripaqa yachan. Chayrayku paypa ñaupaqempi parlashani tukuy sonqo; imaraykuchus mana yuyanichu kay tukuy imas pakaypi ruwakusqanta.

Miqueas 3:8

Noqatatajri Diospa espíritun atiywan junt'achiwan, justiciawan, kallpawantaj, uyanchanaypaj Israelpa mana kasukoj, juchayojtaj kasqanta.

Lamentaciones 5:1

Kay jina mana allin imas qhatiriwasqaykumanta, Señor, yuyarikuwayku ari. Qhaway Señor, imaynatachus k'umuykachachiwasqaykuta.

Isaías 63:15

Qanqa janaj pachamanta qhawarimuy, k'acha tiyakunaykimanta allinta qhawariy. Qanllata munakusunankuta munasqaykeqa maytaj kunanri? Chay atiyniyki, sonqoykipis manañachu t'impurin, khuyakuykunasniykipis manañachu noqapaj tiyan? Manañachu sonqoykimanta khuyakoyqa llojsimuyta atin?

Isaías 58:1

Ama samarispa atisqaykita qhapariy, pututu jina qhapariy, Jacobpa miraynin aylluyta juchasninmanta k'amiy.

Hechos 9:28

Ajinamanta Sauloqa creejkunawan Jerusalempi qhepakorqa. Paykunawan khuskataj llojserqa yaykorqataj, tukuy sonqotaj Jesusmanta willarqa.

2 Corintios 3:12

Chayrayku chay suyayniyoj kaspa, sut'inta parlayku.

1 Corintios 14:13

Chayrayku mana rejsisqa parlaypi parlajqa, Diosmanta mañakuchun sut'inchayta atinampaj.