Hechos 26:16 - Qheshwa Biblia DC

¹⁶ Kunantaj jatarikuspa sayaykuy, imaraykuchus chaypaj qanman rikhuriyki, kamachiy kanaykipaj. Kunan p'unchay imatachus rikusqaykita wajkunaman willamunaykipaj. Imastawanchus qhepaman rikuchisqayki chaykunatawan.

DIOSPA QHELQACHISQAN DEUTEROCANONICAL

¹⁶ Kunantaj sayariy, imaraykuchus qanman rikhuriyki kunanmantapacha kamachiy jina munasqayta ruwanaykipaj. Ajinaqa kunan p'unchay imatachus rikusqaykimanta testigo jina wajkunaman willamunki, qhepanejman imatawanchus rikuchisqayki, chaymantawan.

DIOSPA QHELQACHISQ

¹⁶ Kunantaj sayariy, imaraykuchus qanman rikhuriyki kunanmantapacha kamachiy jina munasqayta ruwanaykipaj. Ajinaqa kunan p'unchay imatachus rikusqaykimanta testigo jina wajkunaman willamunki, qhepanejman imatawanchus rikuchisqayki, chaymantawan.

Quechua South Bolivia: Dios Parlapawanchej

¹⁶ Kantaj jataricuspa sayaycuy. Nokallapaj llanc'anayquipaj ajllaskay caskayquiraycu riqhurerkayqui, cay ricuskayquimanta willajniy canayquipajtaj. Khepatapis ashqha imastaraj ricuchiskayqui nokamanta runasman willanayquipaj.

Hechos 26:16 Referans Kwoze

Daniel (hebreo) 10:11

Chanta niwarqa: Daniel, Diospa may munasqa runan, uyariway allinta imatachus nisqayki chayta: Sayarikuy, noqaqa qanman kachamusqa kani. Chay palabrasta parlayta tukuchisqantawan, mancharisqa kharkatitispa sayarikorqani.

Ezequiel 2:1

Niwarqataj: Qan, runaj wawan sayariy, parlasqayki, nispa.

1 Timoteo 1:12

Cristo Jesús Señorninchejman graciasta qoni kallpachawasqanmanta, imaraykuchus allimpaj noqata qhawawarqa; evangeliomanta willanaypajtaj churawarqa.

Gálatas 1:12

Noqaqa evangeliota mana jap'erqanichu nitaj yachakorqanichu pi runamanta, manachayqa Jesucristo sut'inchawasqanrayku yachakorqani.

Romanos 15:16

Jesucristoj kamachin kaspa, Diospa evangelionta gentilesman willanaypaj, paykuna sumaj rikuchiku jina, llimphuchasqas Santo Espiritunejta kanankupaj.

Colosenses 1:25

Noqa iglesiata yanapanaypaj churasqa kani. Dios churawarqa qankunarayku, mana qhellakuspa Diospa palabranta willanaypaj.

Colosenses 1:23

Cheqamanta saphinchasqas sinch'ita sayaychej, fepi mana kuyuspa, evangelioj yuyayninta uyarisqaykichejpi. Kay evangeliomanta tukuy kay pachapi kajkunaman willakun. Noqa Pablopis chay evangeliomanta willanaypaj churasqa kani.

Gálatas 2:2

Chayman rerqani Dios sut'ita kamachiwasqanrayku. Kurajkunamantaj willarqani evangeliota, chay willasqayqa ama qhasi kanampaj gentilespa chaupimpi.

Hechos 23:11

Q'ayantin ch'isitaj Señor rikhurerqa Pabloman, nerqataj: Sonqochakuy, Pablo. Imaynatachus kay Jerusalempi noqamanta willarqanki, kikillantataj Romapipis willanki.

2 Timoteo 4:5

Qantaj maychus kajta kausakuy tukuy imapi, llakiykunata apay evangeliota willaraspa. Llank'ayniykita allinta junt'ay.

1 Timoteo 4:6

Kaytachus hermanosman yachachinki chayqa, jap'ispa fe palabrasta, cheqa yachachiytataj imatachus jap'ikorqankiña chayta, Jesucristoj sumaj kamachin kanki.

1 Tesalonicenses 3:2

Hermanoyku Timoteotataj kachamorqayku. Payqa Diospa kamachin, ruwaysiwajniykutaj Cristoj evangeliompi. Payta kachamorqayku qankunata sinch'ita sayachinampaj, creesqaykichejpitaj astawan yanapanampaj, ama pipis kay ñak'ariykunarayku iskayrayanampaj; imaraykuchus yachankichej jina, chaykunapaj churasqas kayku.

Colosenses 1:7

Kayta yachachisorqachej munasqa hermanonchej Epafras. Pay llank'aj masiyku, Jesuspa sumaj kamachin qankunapaj.

2 Corintios 5:18

Kay tukuy ima Diosmanta jamun, payllataj allinyachawarqayku Cristonejta; kamachiwarqaykutaj runasta paywan allinyachinaykuta.

2 Corintios 4:1

Chayrayku kay llank'aypi churasqa kaspa, Diospa khuyakuyninta jap'isqaykurayku mana sayk'uyta llank'ayku.

Romanos 1:5

Jesucristonejta jap'inchej khuyakuyta, kamachin kayta, tukuy llajtaspi, paypi creenankupaj kasunankupajtaj.

Hechos 22:10

Chaymantataj noqa nerqani: Imatataj ruwasajri? Señortaj niwarqa: Jatarispa Damascoman yaykuy, chaypitaj nisonqanku imatachus ruwanaykita.

Hechos 21:19

Napaykuspataj, paykunaman ujmanta uj willarqa, imastachus Dios ruwasqanta paynejta gentiles ukhupi.

Hechos 20:24

Chaykunataqa mana manchachikunichu, nitaj wañuytapis; astawanqa kausayniyta tukuchiyta munani Señor Jesucristo kamachiwasqanta junt'aspa, willaspataj Diospa evangelionmanta, yanapayninmantawan.

Hechos 6:4

Ajinamanta noqaykoqa Diosmanta mañakuspa palabrata willaspataj kasqaykupuni.

Hechos 1:17

Judasqa noqaykuwan yupasqa karqa, imaraykuchus paypis ajllasqallataj karqa kay ruwaypi kanampaj.

Hechos 26:15

Noqataj nerqani: Pitaj kanki, wiraqochi? Paytaj kutichiwarqa: Noqa Jesús kani, pitachus qhatiykachashanki chay.

Efesios 3:3

Dios pakasqa kaj imasninmanta sut'inchawarqa, yachachiwarqataj, imaynatachus ñaupajta pisita escribimorqaykichejña.