Hechos 24:14 - Qheshwa Biblia DC

¹⁴ Kaytarí, sut'inta willasqayki: Tatasniypa Diosninta yupaychani kay mosoj ñanta qhatispa, mayqentachus pantasqa kasqanta ninku. Astawampis creeni Moisespa leynimpi, profetaspa escribisqampi ima.

DIOSPA QHELQACHISQAN DEUTEROCANONICAL

¹⁴ Kaytarí sut'inta willasqayki: Noqaqa ñawpa tataykunaj Diosninta yupaychani Jesuspa cheqan ñanninta qhatispa, mayqentachus kaykuna pantasqa kasqanta ninku, chayta. Astawanpis noqa Moisespa kamachisqanpi qhelqasqata, Diosmanta sut'inchajkunaj qhelqasqankuta ima tukuy sonqo jap'ikuni.

DIOSPA QHELQACHISQ

¹⁴ Kaytarí sut'inta willasqayki: Noqaqa ñawpa tataykunaj Diosninta yupaychani Jesuspa cheqan ñanninta qhatispa, mayqentachus kaykuna pantasqa kasqanta ninku, chayta. Astawanpis noqa Moisespa kamachisqanpi qhelqasqata, Diosmanta sut'inchajkunaj qhelqasqankuta ima tukuy sonqo jap'ikuni.

Quechua South Bolivia: Dios Parlapawanchej

¹⁴ Sut'ita parlarisparí willaskayqui. Tatasniycoj Diosninta yupaychani paypa chekan ñanninpi purispa. Chaytataj paycuna nincu pantaska t'aka caskanta. Nokarí tucuy sonkowan yuyani Diospa tucuy palabran cunan cheka caskanta, cachun Moisespa camachiskasnin, cachun unay willajcuna kelkaskasnincupis.

Hechos 24:14 Referans Kwoze

Hechos 9:2

Paymantataj mañarqa ordenta, Damascopi kaj sinagogaspi rikuchimunampaj. Señorpa ñanninta qhatejkunata, qharista warmista ima, tarispataj jap'iytawan watasqasta Jerusalenman apanampaj.

Romanos 3:21

Kunanrí, leyta saqespa, Diosqa salvacionta rikuchin. Chay salvacionmanta leywan profetaswan willanku.

Hechos 28:23

Chaymanta parlanankupajtaj uj p'unchayta ajllarqanku. Aswan ashkhataj jamorqanku Pabloj chayakusqan wasiman. Paqarinmantapacha ch'isiyanankama, Pabloqa paykunaman yachacherqa Diospa reinonmanta. Atisqantataj Jesusmanta yachacherqa imaynatachus Moisespa leynimpi profetaspa escribisqampi ima Jesusmanta willasqankuta.

Hechos 3:13

Abrahampa Diosnin, Isaacpata, ñaupa tatasninchejpata ima, kamachin Jesusta jatunchaspa k'anchayninman oqharerqa. Qankunataj payta pusarqankichej Pilatojman, qhesacharqankichejtaj paypa ñaupaqempi. Pay kacharipuyta munashajtimpis mana munarqankichejchu.

Hechos 26:22

Diospa yanapayninwan kunankama kashani willaspa wajchakunaman, ajinallatataj atiyniyojkunamampis; mana yapaspa, nitaj qhechuspa profetaspa nisqanta; nillataj Moisespata, imachus kasqanta willasqankuta; imaynatachus Cristo ñak'arinanta, paytaj wañusqasmanta ñaupajta kausarimunanta; salvación k'anchay willakunampaj Judiosman, ajinallatataj karu llajtasmampis.

Hechos 24:5

Noqayku yachayku kay runaqa sajra kasqanta. Tukuy llajtaspitaj judiosta ch'ajwachin. Paytaj nazarenospa t'aqanta umachan.

2 Timoteo 1:3

Diosman graciasta qoni, pitachus kasuni ñaupa tatasniymantapacha, ch'uwa concienciawan; maypachachus mana sayk'uspa tuta p'unchay, Diosmanta mañakusqaypi qanmanta yuyarikunipuni.

Hechos 26:27

Rey Agripa, creenkichu profetaspa nisqankuta? Noqa yachani creesqaykita.

Apocalipsis 19:10

Noqataj chakisninman urmarqani payta yupaychanaypaj. Paytaj niwarqa: Qhawakuy, ama chayta ruwaychu. Noqa kamachi masiyki kani, hermanosniykejtapis, pikunachus Jesuspa willayninta jap'inku, chaykunajta. Diosta yupaychay. Jesuspa willaynenqa Diosmanta sut'inchanaj espiritunmin.

1 Pedro 1:11

Chantá allinta qhawarqanku pichus, mayk'ajtajchus kananta. Paykunapi kaj, Cristoj Espirituntaj, ñaupajmantapacha willarqa Cristoj ñak'arinasninmanta, jatuchaj yupaychanas qhepankuta jamunanmanta ima.

Tito 3:10

Sichus mayqempis iglesiata t'aqashanman chayqa, ujta chayrí, iskay kutikama k'amiy. Mana kasukojtintaj qharqopuy.

1 Corintios 11:19

Cheqamanta, kanampuni tiyan t'aqanakus qankuna ukhupi, yachakunampaj mayqenkunachus cheqan sonqoyoj kasqaykichejta.

Hechos 26:6

Kunanqa juchachasqa kani, ñaupa tatasninchejman, Dios imatachus qosqaykichej nisqampi suyasqayrayku.

Hechos 24:22

Kamachej Félix sumajta rejserqa chay Mosoj Ñanmantaqa; chayrayku paykunataqa kachaporqa, nispa: Kay imasmantaqa astawan tapusaj comandante Lisias uraykamojtin.

Hechos 22:14

Ananiastaj niwarqa: Tatasninchejpa Diosnin, ñaupajmantapacha qanta ajllasorqa, paypa munayninta yachanaykipaj, cheqan kajta rikuspa simimpa nisqanta uyarinaykipaj.

Hechos 19:9

Wakinkuna sonqosninkuta rumiyacherqanku, mana creeyta munaspataj tukuypa ñaupaqempi Mosoj Ñampa contranta rimarqanku. Chayrayku Pabloqa paykunamanta t'aqakuspa, Tirano nisqaj escuelanman yachachisqasta pusarqa. Chaypitaj sapa p'unchay yachachej.

Hechos 13:15

Moisespa leyninta profetaspa escribisqanta ima leespaña, sinagogapi kamachejkuna nicherqanku iskaynin apostolesman: Hermanos, sichus ima palabrallapis kapusunkichej kay runasta yanapanaykichejpaj chayqa, kunan parlayta atinkichej.

Hechos 10:43

Tukuy sut'inchajkunapis Jesusmanta willarqanku tukuy paypi creejkunaqa sutinnejta juchasninkumanta pampachasqa kanankupaj.

Hechos 5:30

Ñaupa tatasninchejpa Diosnenqa, Jesusta wañusqamanta kausarichimorqa. Payta qankunaqa cruzpi warkhuspa wañucherqankichej.

San Juan 1:45

Felipetaj, Natanaelta taripaspa nerqa: Josejpa churin Jesús nazarenota tariyku. Paymantaqa, Moisés escriberqa leypi, ajinallatataj profetaspis.

San Lucas 24:44

Chaymantataj nerqa: Kayta nerqaykichejña qankunallawanraj kashaspa, junt'akunampuni kasqanta chay tukuy, noqamanta escribisqa kajkuna Moisespa leynimpi, profetaspapi, salmospi ima.

San Lucas 24:27

Chaypitaj sut'inchayta qallarerqa, paymanta chay tukuy imata Diospa palabran nisqanta; Moisesmantapacha qallarispa, tukuy profetaspa escribisqankumantawan.

San Lucas 16:29

Abrahamtaj kuticherqa: Chaypaj kashanku Moiseswan profetaswan. Paykunata uyarichunku.

San Lucas 16:16

Leywan profetaswanqa Juan Bautistakama karqanku. Chaymantapacha willakun Diospa reinonmanta; tukuytaj chayman kallpakuspa yaykuyta munanku.

San Mateo 22:40

Kay iskay kamachiykunapi tukuy ley junt'akun, profetaspa nisqankupis.

San Mateo 10:32

Pichus runaspa ñaupaqempi noqata rejsiwasqanta nenqa chayqa, noqapis payta rejsini nillasajtaj, janaj pachapi kashaj Tataypa ñaupaqempi.

San Mateo 7:12

Chayrayku, imatachus mañankichej runas qankunapaj ruwanankuta chayqa; ajinallatataj qankunapis paykunapaj ruwaychej; imaraykuchus kayta leyqa kamachin, profetaspis.

Miqueas 4:2

May chhika llajtastaj jamonqanku nispa: Jamuychej, Señorpa orqonman wicharinachej, Jacobpa Diosnimpa chay yupaychana wasinman, Pay ñankunasninta rikuchinawanchejpaj, purinanchejpajtaj chay ñankunasninta, imaraykuchus Sionmanta llojsimonqa Señorpa yachachiykunasnenqa, kamachiykunasnintaj Jerusalenmanta.

Amós 8:14

Samariaj lantisninrayku jurajkuna nenqanku: Oh Dan, diosniykej kausayninmanta; qampis Beerseba dioskunasniykichej kausayninmanta, nejkunapis urmanqanku manaña ujtawan sayarimunankupaj.

Salmos 119:46

Kamachisqasniykimanta reyespa ñaupaqempi, mana p'enqakuspa parlasaj.

1 Crónicas 29:18

Qanqa ñaupa tatasniykoj Señor Diosnin kanki, Abrahampata, Isaacpata, Israelpatawan. Kay aylluykej sonqonman churaypuni ari, wiñaypaj chay jina k'uchi sonqoyoj kayta, qanmantaj astawan sonqonkuta wajyay.

Éxodo 3:15

Chantapis Diosqa nillarqataj Moisesman: Ajinata ninki israelitasman: Señor, ñaupa tatasniykichejpa Diosnin, Abrahampata, Isaacpata, Jacobpata ima qankunaman kachamuwan. Kay suteyqa wiñaypajmin kanqa; kay suteyqa wiñaypa wiñaynintimpaj mirayniykichejnejta yuyarisqa kanqa, nispa.

Hechos 19:23

Chay p'unchaykunapi Efesopi jatun ch'ajwa oqharikorqa Mosoj Ñanrayku.

Hechos 15:5

Fariseosmanta wakin creejkunataj, sayarispa nerqanku: Gentilesmanta creejkunaqa, circuncidasqas kananku tiyan, Moisespa leyninman jina.

Hechos 25:8

Pablotaj kutichikuspa nerqa: Mana noqaqa ima juchatapis ruwanichu judiospa leynimpa contrampa, nitaj templojpipis, nillataj Cesarpa contrantapis.

Hechos 26:4

Tukuy judíos yachanku imaynatachus juch'uy kasqaymantapacha kausasqayta llajta masisniywan, jinallatataj Jerusalempipis.

Hechos 28:22

Chaywampis, qampa simiykimanta uyariyta munayku imatachus yuyasqaykita, imaraykuchus tukuynejpi parlasqaykita uyariyku, chay mosoj t'aqaj contranta tukuynejpi oqharikusqankuta.

Romanos 1:9

Dioslla yachan pitachus kasusqayta, Espiritupi Churinmanta evangeliota willaspa. Diosmanta mañakuyniypi mana sayk'uspa qankunamanta yuyarikunipuni.