Hechos 21:13 - Qheshwa Biblia DC

¹³ Chaymantataj Pablo niwarqayku: Imaraykutaj chay jinatapuni waqaspa sonqoyta nanachishawankichejri? Noqaqa wakichisqa kani, mana watachikunallaypajchu, astawanqa, Jerusalempi wañunaypaj Señor Jesuspa sutinrayku.

DIOSPA QHELQACHISQAN DEUTEROCANONICAL

¹³ Pablotajrí niwarqayku: Imaraykutaj chay jinatapuni waqaspa sonqoyta wawayachiwankichejri? Noqaqa wakichisqaña kani, mana watachikunallaypajchu, aswanpis Jerusalenpi wañuchisqa kanaypaj Tukuyta Kamachej Jesusrayku, nispa.

DIOSPA QHELQACHISQ

¹³ Pablotajrí niwarqayku: Imaraykutaj chay jinatapuni waqaspa sonqoyta wawayachiwankichejri? Noqaqa wakichisqaña kani, mana watachikunallaypajchu, aswanpis Jerusalenpi wañuchisqa kanaypaj Tukuyta Kamachej Jesusrayku, nispa.

Quechua South Bolivia: Dios Parlapawanchej

¹³ Chanta Pabloka cutichispa niwarkaycu: —¿Imaraycutaj wakaspa sonkoyta nanachishawanquichejrí? Nokaka mana wataycuska canallaypajchu waquichiska cani. Manachayrí Jerusalenpi Señor Jesusraycu wañunaypajpis waquichiska cani, —nispa.

Hechos 21:13 Referans Kwoze

Hechos 20:24

Chaykunataqa mana manchachikunichu, nitaj wañuytapis; astawanqa kausayniyta tukuchiyta munani Señor Jesucristo kamachiwasqanta junt'aspa, willaspataj Diospa evangelionmanta, yanapayninmantawan.

Filipenses 2:17

Yawarniy jich'asqa kanman chayqa ofrendasniykichej pataman, feniykichejpa patanmampis chayqa, chaymanta kusikuni jatun kusiywan tukuyniykichejwan khuska.

2 Timoteo 4:6

Noqaqa rikuchiku jina Diosman jaywasqa kanay tiyan. Wañuyniy qayllapiña kashan.

Apocalipsis 12:11

Paykunaqa atiparqanku Corderoj yawarninrayku, Diospa palabranta willasqankurayku, pisipitaj kausayninkuta jap'isqankurayku wañunankukama.

Colosenses 1:24

Kunanqa kusisqa kani, qankunarayku ñak'ariypi rikukuspa. Kay jinamanta aychaypi junt'ashani imachus pisisqanta Cristoj ñak'ariyninman cuerponrayku, chaytaj iglesia.

2 Pedro 1:14

Yachakuniña pisi p'unchaymantawan kay aycha cuerpoyta saqepunayta. Señorninchej Jesucristopuni jinata sut'inchawan.

Hechos 20:37

Tukuyninkutaj mayta waqarqanku, Pablota ojllaykuspataj much'aykorqanku.

Hechos 5:41

Apostolestaj juntamanta llojsispa, may kusisqas riporqanku, paykunata Jesuspa sutinrayku ñak'arichisqankumanta.

Apocalipsis 3:10

Qanqa nisqayman jina pacienciakorqanki, noqapis qanta waqaychasqayki tentación horapi, chaytaj tukuy mundoman jamonqa, mundopi tiyakojkuna rejsisqas kanankupaj.

2 Timoteo 1:4

Munani rikusuyta waqayniykimanta yuyarikuspa, kusiywan sonqo junt'asqa kanaypaj.

1 Corintios 15:31

Niykichej hermanos, sapa p'unchay wañuy patapi kasqayta, Señorninchej Jesucristopi qankunamanta kusikusqayrayku.

Hechos 9:16

Noqa payman rikuchisaj may chhikatachus sutiyrayku ñak'arinanta.

Filipenses 2:26

Payqa maytapuni munarqa tukuyniykichejta rikuyta; llakikorqataj yachaspa qankuna uyarisqaykichejta pay onqosqa kasqanta.

Jonás 1:6

Buquepi kamachejtaj jamuytawan Jonasman qayllaykuspa nerqa: Imanayasunkitaj puñuysiki? Sayariy, Diosniykiman qhaparikuy, ichapis pay khuyakuwasunman ama wañunanchejpaj.

Isaías 3:15

Ima nispataj qankunaqa aylluyta munasqaykichejta ruwankichejrí, ima nispataj wajchastapis uyankupi sarunkichejri?, nispa nin Tukuy Atiyniyoj Señorqa.

1 Samuel 15:14

Samueltaj nerqa: Chanta ima niytataj munan chay ovejaspa jinataj torospa ch'ajwamusqasninkuri?, nispa.

1 Samuel 1:8

Qosan Elcanataj nerqa: Ana, imaraykutaj waqankiri? Imaraykutaj llakisqalla kashanki manataj mikhunkichuri? Manachu noqaqa chunka wawasmantapis aswan allinraj kani?

Jeremías 40:1

Señorqa Jeremiasman parlallarqataj chay soldados ukhumanta kamachej Nabuzaradán, Ramá llajtapi Jeremiasta preso kayninmanta kacharichisqanmanta qhepaman. Nabuzaradanqa cadenawan ch'ipasqata tariparqa Jerusalén llajtapi, jinataj Judapipis pischus Babiloniaman wijch'usqas karqanku chaykuna ukhupi.

1 Crónicas 11:18

Chaypacha chay kinsantin wapu soldadosqa filisteospa jarankuman yaykuspa, Belenman yaykuna punkumanta uj ladopi kasharqa chay pozomanta yakuta orqhomuspa Davidman aparqanku. Davidtaj mana ujyarqachu, manachayqa Señorpaj nispa pampaman jich'arqa.