Hechos 20:21 - Qheshwa Biblia DC

²¹ Ajinallatataj judiosman, griegosmampis sut'inta willarqani Diosman kutirinankuta, Señorninchej Jesucristopitaj creenankuta.

DIOSPA QHELQACHISQAN DEUTEROCANONICAL

²¹ Ajinallatataj noqa judiokunaman, mana judío kajkunamanpis sut'ita yachacherqani Diosman kutirikunamanta, Tukuyta Kamachej Jesucristopi atinikunamanta ima.

DIOSPA QHELQACHISQ

²¹ Ajinallatataj noqa judiokunaman, mana judío kajkunamanpis sut'ita yachacherqani Diosman kutirikunamanta, Tukuyta Kamachej Jesucristopi atinikunamanta ima.

Quechua South Bolivia: Dios Parlapawanchej

²¹ Israelcunamanpis waj runasmanpis sut'ita willarkani. Ajinata sinch'ita nerkani paycuna juchancuta sakespa Diosman cutiricunancuta, Señorninchej Jesucristopi jap'icunancutapis.

Hechos 20:21 Referans Kwoze

Hechos 2:38

Pedrotaj paykunaman nerqa: Diosman kutiriychej sapa ujniykichej; bautizachikuychejtaj Jesuspa sutimpi, juchasniykichej pampachasqas kanampaj. Diostaj Santo Espirituta qhasilla qosonqachej.

Hechos 11:18

Chayta uyarispataj hermanosqa ch'inyakaporqanku. Diostataj yupaycharqanku, nispa: Kayman jina, gentilespis juchata saqejtinkoqa Dios wiñay kausayta qollanqantaj.

Hechos 20:24

Chaykunataqa mana manchachikunichu, nitaj wañuytapis; astawanqa kausayniyta tukuchiyta munani Señor Jesucristo kamachiwasqanta junt'aspa, willaspataj Diospa evangelionmanta, yanapayninmantawan.

San Lucas 13:3

Niykichej mana jinachu kasqanta; manachus qankuna Diosman kutirinkichej chayqa, qankunapis tukukullankichejtaj.

2 Corintios 7:10

Diospa munasqanman jina llakikoyqa, juchamanta Diosman kutirispa salvakunapaj. Chaymantaqa, mana llakikunachu, astawanqa kay mundoj llakiynin wañuyta apamun.

Romanos 10:9

Sichus simiykiwan niwaj Jesusqa Señor kasqanta, creewajtaj sonqoykipi Dios wañusqakunamanta kausarichimusqanta chayqa, salvasqa kanki.

San Lucas 24:47

Sutimpitaj willakunan tiyan Diosman kutirinamanta; juchas pampachasqas kanankuta tukuynejpi, Jerusalenmanta qallarispa.

1 Juan 5:5

Pitaj kay pachata atipan, manachu Jesusqa Diospa Churin kasqanta creejlla?

Hechos 26:20

Damascopiraj willayta qallarerqani, chaymantá Jerusalempi, qhepantataj tukuy Judeapi; chaymantarí gentiles ukhupi ima, paykuna sajra kausayta saqespa Diosman kutirikunankuta; sumaj ruwanasta ruwaspa rikuchinankupaj Diosman kutirisqankuta.

1 Juan 5:1

Pillapis Jesusqa Cristo kasqanta creen chayqa, Diospa wawan. Pillapis tatanta munakojqa, wawantapis munakullantaj.

Filemón 1:5

Uyarerqanipuni qanmanta, munakuyniyki, feniyki ima Señor Jesuspi kasqanta; jinallatataj Diospi creejkunatapis munakusqaykita.

Efesios 1:15

Chayrayku, noqapis Señor Jesuspi creesqaykichejta, ajllasqa kajkunata munakusqaykichejmanta ima uyarispa, qankunarayku mana saqenichu Diosman graciasta qoyta. Paymanta mañakushaspataj qankunamanta yuyarikunipuni.

Gálatas 2:20

Cristowan khuska chakatasqa karqani, manataj noqañachu kausani, manachayqa Cristo kausan noqapi. Kunan aychapi kausashaspapis, Diospa Churimpi creesqayrayku kausashani. Pay munakuwarqa, pay kikintaj wañorqa noqarayku.

Romanos 5:1

Fenejta salvasqas kaspa, Dioswan allinyachisqas kanchej, Señorninchej Jesucristonejta.

Romanos 4:24

Noqanchejpajpis escribisqallataj karqa feninchej yupasqa kanampaj. Noqanchej creenchej Diospi, pichus Señorninchej Jesusta wañusqakunamanta kausarichimorqa, chaypi.

Romanos 1:16

Mana p'enqakunichu evangeliomanta, imaraykuchus evangelioqa Diospa atiynin tukuy creejkunata salvanampaj; ñaupajta judiosta, chaymantataj griegosta.

Hechos 17:30

Ñaupajta runakuna mana Diosta rejsiyta atisqankuta, Diosqa qonqayman churarqa. Kunantajrí, Dios tukuynejpi runakunata wajyan payman kutirinankuta.

Marcos 6:12

Chaymantataj rerqanku runasman willaraspa: Sajra kausayniykichejta saqespa, Diosman kutirikuychej, nispa.

San Mateo 4:17

Chaymantapacha, Jesús qallarerqa predicayta: Diosman kutirikuychej, imaraykuchus janaj pacha reinoqa qayllaykamunña.

Gálatas 3:22

Astawanqa Escritura nishan tukuy ima juchaj atiynimpi kasqanta, Diospa qosqayki nisqan fenejta Jesucristopi creejkunaman qosqa kanampaj.

Gálatas 2:16

Yachaspa runaqa mana leypa ruwanasninraykuchu mana juchayojpaj rejsisqa kasqanta, manachayqa Jesucristopi creesqanraykulla. Noqaykupis Cristopi creerqayku, paypi fenejta mana juchayojpaj rejsisqa kanaykupaj, manataj leypa ruwanasninraykuchu. Mana pipis leypa ruwanasninraykuchu, mana juchayojpaj rejsisqa kanqa.

1 Corintios 1:22

Judiosqa mañanku señalesta, griegostaj mask'anku astawan yachayta.

Romanos 2:4

Chayrí, Diospa qhapaj khuyakuynintachu qhesachanki, paciencianta, jatun munakuyninta ima? Mana yachashajtillayki munakuynenqa qanta pusasunki Diosman kutirinaykipaj.

Romanos 1:14

Noqa evangeliota willanaymanta manu jina kani, griegosman, mana griegosmampis; yachayniyojkunaman, jinallataj mana yachayniyojkunamampis.

Hechos 28:23

Chaymanta parlanankupajtaj uj p'unchayta ajllarqanku. Aswan ashkhataj jamorqanku Pabloj chayakusqan wasiman. Paqarinmantapacha ch'isiyanankama, Pabloqa paykunaman yachacherqa Diospa reinonmanta. Atisqantataj Jesusmanta yachacherqa imaynatachus Moisespa leynimpi profetaspa escribisqampi ima Jesusmanta willasqankuta.

Hechos 16:31

Paykunataj kuticherqanku: Señor Jesuspi creey, qantaj salvasqa kanki familiaykiwan ima.

Hechos 10:43

Tukuy sut'inchajkunapis Jesusmanta willarqanku tukuy paypi creejkunaqa sutinnejta juchasninkumanta pampachasqa kanankupaj.

Hechos 8:25

Pedrowan, Juanwan Señorpa palabranta willasqankumanta, Jerusalenman kutiporqanku. Ñanta rej jinataj, Samariaj ranchosnimpi evangeliomanta willarqanku.

Hechos 3:19

Chayrayku sajra kausayta saqespa Diosman kutiriychej, juchasniykichej pampachasqas kanankupaj, Diosmantapacha samakuy p'unchaykuna jamunankupaj; Cristota kachamunampaj, pimantachus qankunaman willasqaña karqa.

Hechos 2:40

Ajinata Pedroqa sonqocharqa runakunata, waj ashkha palabraswan kallpachaspataj nerqa: Kay sajra runaj mirayninmanta ayqeychej, nispa.

San Juan 20:31

Kay imastaj escribisqas karqanku creenaykichejpaj Jesusqa Cristo Diospa Churin kasqanta; paypitaj creespa kausayniyoj kanaykichejpaj.

San Juan 3:36

Churipi creejqa wiñay kausayniyoj, Churipi mana creejtajrí, kausaytaqa mana rikonqachu; astawanqa Diospa phiñakuynin paypa patampi kashan.

San Lucas 15:10

Ajina kusiy kasqanta niykichej, Diospa angelesnimpa ñaupaqempi, uj juchasapa runa Diosman kutirikojtin.

San Lucas 15:7

Kayta niykichej yachanaykichejpaj; ajinallataj aswan kusiy kanqa janaj pachapi uj juchasapa runa Diosman kutiripojtin, chay isq'on chunka isq'onniyoj mana juchayojkunamanta nisqaqa. Paykunaqa Diosman mana kutirinankuñachu tiyan.

San Lucas 13:5

Nillaykichejtaj mana jinachu kasqanta; manachus Diosman kutirinkichej chayqa, ajinallatataj qankunapis tukukunkichej.

San Mateo 3:2

Nerqataj: Diosman kutirikuychej, imaraykuchus janaj pacha reinoqa qayllapiña kashan.

Hechos 24:24

Pisi p'unchaykunamanta, Félix jamorqa Drusila warminwan. Drusilaqa judía karqa. Felixtaj wajyacherqa Pablota, uyariyta munaspa Jesucristopi creenamanta.

Hechos 19:17

Efeso llajtapi tukuy judiostaj, griegospis, chayta yachaspa manchachikorqanku, Señor Jesuspa sutintataj jatuncharqanku.

San Lucas 16:28

Jaqaypi phishqa wauqesniyman willarimpuwachun, amaña paykuna kayman ñak'arej jamunankupaj.

Hechos 20:23

Kayllata yachani: Sapa llajtapi Santo Espíritu willawan carcelman yaykunayta, ñak'arinaytataj.