Hechos 2:40 - Qheshwa Biblia DC

⁴⁰ Ajinata Pedroqa sonqocharqa runakunata, waj ashkha palabraswan kallpachaspataj nerqa: Kay sajra runaj mirayninmanta ayqeychej, nispa.

DIOSPA QHELQACHISQAN DEUTEROCANONICAL

⁴⁰ Ajinata Pedroqa parlaspallapuni chay runakunata sumajmanta tukuy sonqo reparacherqa. Paykunata sonqochaspataj, nerqa: Qankuna kay mana kasukoj runakunaj mirayninmanta t'aqakuychej, nispa.

DIOSPA QHELQACHISQ

⁴⁰ Ajinata Pedroqa parlaspallapuni chay runakunata sumajmanta tukuy sonqo reparacherqa. Paykunata sonqochaspataj, nerqa: Qankuna kay mana kasukoj runakunaj mirayninmanta t'aqakuychej, nispa.

Quechua South Bolivia: Dios Parlapawanchej

⁴⁰ Ajinata Pedroka ashqhataraj parlaspa Jesusmanta paycunaman willarka. Mayta reparacherkataj: —Jesusta wañuchejcuna wiñaypaj sinch'i ñac'arichiskas cankancu. Kancunarí ama payta khesachaychejchu paycunajinaka. Ajinapi mana ñac'arichiskaschu canquichej, —nispa.

Hechos 2:40 Referans Kwoze

Deuteronomio 32:5

Machu machu sajra runas, Diosta phiñachejkuna, qankunaqa mana wawasnin ninapaj jinachu kankichej.

1 Timoteo 4:16

Qan kikiykita qhawakuy, yachachisqaykitapis. Chaypi allinta sayay. Kayta ruwaspa qan kikiykita salvakunki, jinallataj uyarisojkunatapis.

Efesios 4:17

Kayta ari niykichej, anchatapuni mañakuykichej Señorpa sutimpi; amaña wakin gentiles jina purinaykichejta. Paykunaqa qhasita yuyayninkuman jina purinku.

2 Corintios 6:17

Chayrayku llojsiychej paykunaj chaupinkumanta, t'aqakuychejtaj, nin Señorqa. Ama llankhaychejchu ch'ichi imasta, noqataj jap'ikapusqaykichej.

San Mateo 17:17

Jesustaj kutichispa, nerqa: Mana feniyoj sajra runaj miraynin! Mayk'ajkamataj qankunawan kasajri? Mayk'ajkamataj qankunawan pacienciakusajri? Pusamuychej kayman.

San Mateo 16:4

Kay sajra, qhenchachakoj runaj miraynenqa, mañan uj señalta. Manataj ima señalpis qosqachu kanqa, Jonaspa señalninmanta astawanqa. Paykunata pachanman saqerpayaspataj riporqa.

Gálatas 5:3

Ujtawan nini tukuy circuncidasqa kayta munajkunaman, Moisespa leynimpa kamachisqanta ruwananku kasqanta.

Hechos 28:23

Chaymanta parlanankupajtaj uj p'unchayta ajllarqanku. Aswan ashkhataj jamorqanku Pabloj chayakusqan wasiman. Paqarinmantapacha ch'isiyanankama, Pabloqa paykunaman yachacherqa Diospa reinonmanta. Atisqantataj Jesusmanta yachacherqa imaynatachus Moisespa leynimpi profetaspa escribisqampi ima Jesusmanta willasqankuta.

San Mateo 23:33

Sierpes, katarikunaj miraynin! Imaynatataj infiernopaj juchachasqa kanaykichejmanta ayqenkichejri?

1 Pedro 5:12

Kay pisita escribispa Silvanowan apachimuykichej, pay cheqa hermano kasqanta rejsispa. Chay cartapitaj sonqochaykichej, willaykichejtaj, kaymin Diospa cheqa khuyakuynin kasqanta, mayqempichus sayashankichej chay.

1 Tesalonicenses 2:11

Yachallankichejtaj, imaynatachus uj tata wawasninta k'amin, ajinata k'amej, sonqochajtaj kayku sapa ujniykichejta.

2 Corintios 5:20

Ajina chayqa, Cristoj sutimpi willajkuna kachamusqas kayku, Diospis noqaykunejta nishasunkichejman jina. Chayrayku, mañakuyku qankunata Cristoj sutimpi; Dioswan allinyakuychej, nispa.

Hechos 20:24

Chaykunataqa mana manchachikunichu, nitaj wañuytapis; astawanqa kausayniyta tukuchiyta munani Señor Jesucristo kamachiwasqanta junt'aspa, willaspataj Diospa evangelionmanta, yanapayninmantawan.

San Lucas 21:36

Qhawarikuychej ari, Diosmanta mañarikuspa tukuy tiempopi, kay tukuy ima jamojmanta ayqenaykichejpaj; allimpi rikhurinaykichejpajtaj Runaj Churimpa ñaupaqempi.

Marcos 8:38

Pillapis kunan tiempo qhenchachakoj juchasapa runa, noqamanta, palabrasniymantawan p'enqakunman chayqa, paymantapis Runaj Churenqa p'enqakullanqataj, Dios tatampa jatun k'anchaynimpi, ajllasqa angelesninwan jamojtin.

Hechos 20:21

Ajinallatataj judiosman, griegosmampis sut'inta willarqani Diosman kutirinankuta, Señorninchej Jesucristopitaj creenankuta.

San Juan 21:25

Jesuspa ruwasqasnintaj aswan ashkharaj tiyan. Chaykunachus ujmanta uj escribikunman chayqa, yuyani mundontimpipis mana campo kanmanchu, chay escribisqa librosta churanapaj. Amén.

Hechos 20:11

Ujtawan wicharispataj Pabloqa t'antata partispa mikhorqa. Chantá astawan yachacherqa sut'iyanankama, chaymantataj riporqa.

Hechos 20:9

Eutico sutiyoj waynataj ventanapi tiyasharqa. Pablo unaytapuni parlajtintaj, Euticoqa puñuywan atipachikuspa sinch'ita puñurparerqa. Chay kinsa kaj alto wasimantataj urmaykamorqa pampaman. Wañusqatataj oqharerqanku.

Hechos 20:2

Llajtamanta llajta rispataj, hermanosta watukorqa sonqochaspa Diospa palabranwan Greciaman chayanankama.

Hechos 15:32

Judaswan, Silaswantaj profetasllataj karqanku. Hermanostataj sonqocharqanku, astawan sinch'ita sayanankupaj.

Hechos 10:42

Paytaj kamachiwarqayku runakunaman willanaykuta, rejsichinaykuta ima; kay kikin Jesusta Dios churarqa, kausajkunata, wañusqastapis juzganampaj.

San Mateo 12:34

Katarikunaj miraynin! Imaynatataj allinta parlawajchej sajras kashaspari? Sonqopi imachus junt'a kashan, chaymanta simeqa parlan.

Proverbios 9:6

Saqeychej sonserasniykichejta, kausankichejtaj; sumaj yuyayniyoj runas jina puriychej.

Jeremías 51:45

Aylluymanta kajkuna Babiloniamanta llojsimpuychej, sapa ujtaj kausayninta salvachun, chay sinch'i phiñakuyninmanta.

San Lucas 16:28

Jaqaypi phishqa wauqesniyman willarimpuwachun, amaña paykuna kayman ñak'arej jamunankupaj.

Hechos 4:36

Paykuna ukhupitaj José sutiyoj runa, Chipre churumanta karqa Leví ayllumanta. Apostolestaj payta suticharqanku Bernabé nispa; chayqa niyta munan sonqochaj.