Hechos 2:39 - Qheshwa Biblia DC

³⁹ Diosqa nerqa Santo Espirituta qankunaman qonanta, wawasniykichejman, tukuy karu llajtaspi kajkunamampis, pikunatachus Dios wajyan chaykunamanwan.

DIOSPA QHELQACHISQAN DEUTEROCANONICAL

³⁹ Ajinata Dios ruwanqa, imaraykuchus pay nisqaña Santo Espirituta qankunaman qonanta, wawaykichejkunaman, tukuy karu suyukunapi kajkunamanpis, pikunatachus Dios wajyan, chaykunaman, nispa.

DIOSPA QHELQACHISQ

³⁹ Ajinata Dios ruwanqa, imaraykuchus pay nisqaña Santo Espirituta qankunaman qonanta, wawaykichejkunaman, tukuy karu suyukunapi kajkunamanpis, pikunatachus Dios wajyan, chaykunaman, nispa.

Quechua South Bolivia: Dios Parlapawanchej

³⁹ Dioska palabranwan nerka: “Payta kancunaman cachamusaj”, nispa. Kancunapaj chay sumaj niskanka cashan, khepan allchhisniyquichejpajpis, carupi tiyacoj tucuy runaspajpis. Señor Diosninchej picunatachá munan wajyacuyta paypi jap'icunancupaj, tucuy chaycunapajpis sumaj niskan cashan, —nispa.

Hechos 2:39 Referans Kwoze

Romanos 8:30

Pikunatachus qallariypi ajllarqa chaykunatapis wajyallarqataj. Chay wajyasqastataj cheqan runaspaj rejserqa, ajinata rejsispataj paykunaman janaj pacha k'anchayta qorqa.

Isaías 44:3

Noqaqa ch'aki pampaspi yakuta phullchichisaj. Ch'aki jallp'aspipis yakuta puririchisaj. Mirayniykiman Espirituyta apachimusaj. Allin imastataj apachimusaj.

Joel 2:32

Señorpa sutinta qhaparikojkunaqa, tukuyninku wañuymanta salvakonqanku, imaraykuchus, Sión orqopi, Jerusalempi, salvación tarikonqa, Señorpa parlasqanman jina. Pikunatachá Pay ajllarqa, chaykuna kausanqanku.

Efesios 4:4

Tiyan uj cuerpolla, uj Espiritulla, imaynatachus uj suyayllaman wajyasorqachej, ajinata.

Hechos 15:8

Diostaj runaspa sonqonta rejsej jina, rikucherqa gentilestapis munakusqanta, Santo Espirituta qospa, imaynatachus noqanchejman qowarqanchej ajinata.

1 Pedro 5:10

Tukuy imata qoj Diostaj, pichus wajyasorqachej janaj pacha wiñay k'anchayninman Jesucristonejta, pisi p'unchaykunata ñak'arisqaykichejmanta, qhepaman sumajta allinyachisonqachej, thuruyachisonqachej, kallpachasonqachej, sayachisonqachejtaj.

Apocalipsis 19:9

Angeltaj niwarqa: Escribiy: Kusikuyniyojmin kanku Corderoj casamiento mikhuyninman wajyasqa kajkunaqa. Nillarqataj: Kaykunaqa Diospa cheqa palabrasnin kanku.

2 Pedro 1:3

Diosqa atiyninrayku, kausayninchejpaj chay tukuy imasta qowanchej, payta yupaychananchejpaj, payta rejsisqanchejrayku, pichus wajyawarqanchej jatun kayninwan, atiyninwantaj.

Hebreos 9:15

Ajinamanta, payqa mosoj tratomanta allinyachej, wañuyninta churasqanraykutaj, ñaupaj trato urapi juchas kajkunata pampachan; wajyasqastaj Dios qosaj nisqanta chayaqepaj wiñaypaj jap'inku.

Isaías 54:13

Tukuynin wawasniykiman Señorqa yachachipusonqa; chay wawasniykej kusiynintaj may jatun kanqa.

Apocalipsis 17:14

Kaykunaqa Corderoj contrampi maqanakonqanku. Corderotaj paykunata atipanqa. Payqa señorkunaj Señornin, reyespa Reynintaj. Paywan kajkunarí wajyasqas, ajllasqas, junt'ajkunataj kanku.

2 Pedro 1:10

Chayrayku hermanos, wajyasqas ajllasqastaj kasqaykichejpi sumajta sayaychej. Chaykunata ruwaspa mana jayk'ajpis urmankichejchu.

2 Timoteo 1:9

Pay salvawarqanchej, wajyawarqanchejtaj llimphu kausayman, mana allinta ruwasqanchejraykuchu; astawanqa paypa munakuyninrayku, khuyakuyninrayku ima. Diosqa wajyawarqanchej Cristo Jesuspi, manaraj kay pacha ruway qallarikushajtin.

Efesios 1:18

Yuyayniykichejpa ñawisninta k'anchaspa, yachanaykichejpaj ima suyaymanchus wajyasqas kasqaykichejta; mayqentajchus janaj pachapi qhapaj kaynimpa chayaqen ajllasqaspaj kasqanta.

Romanos 11:29

Diospa qosqasnenqa, wajyaynimpis mana qhechukuyniyojchu.

Hebreos 3:1

Ajllasqa hermanos, janaj pacha wajyaymanta chayaqeyojkuna, qhawaychej apostolta, feninchejmanta jatun sacerdoteta, Jesusta.

1 Corintios 7:14

Qosaqa, mana creejqa, warminnejta llimphuchasqa. Ajinallataj mana creej warmipis, qosannejta llimphuchasqa. Mana jina kanman chayqa, wawasninkupis mana allin qhawasqachu kankuman. Kunanqa wawasninkupis llimphuchasqas kanku.

Joel 2:28

Kay imas qhepata, Espirituyta jich'arimusaj tukuy runasman. Qhari wawasniykichej, jinataj warmi wawasniykichejpis, Noqaj sutiypi parlanqanku. Unay watasniyoj runas mosqokonqanku. Wayna runaspis mosqokullanqankutaj.

2 Tesalonicenses 1:11

Chayrayku, mañakuykupuni Diosninchej allimpaj jap'isunaykichejta, wajyayninman jina; junt'anantataj tukuy k'acha munayninta, creespa ruwasqaykichejtapis paypa atiyninwan.

Romanos 9:24

Chaykunata wajyallarqataj, niyta munani: Noqanchejta, chantá mana judiosllamantachu, manachayqa gentilesmantapis wajyallarqataj.

Romanos 9:4

Paykuna kanku israelitas, pikunatachus Dios wawasnimpaj jina rejsikaporqa; paykunamantaj jatun kayta qorqa, tratotataj paykunawan ruwarqa; chantá qorqa leyta, templopi Diosta yupaychayta, qosqaykichej nerqa chaykunatawan.

Hechos 15:3

Antioquía iglesiataj paykunata kacharpayarqa. Paykunataj rerqanku Fenicianejta, Samarianejta ima, creejkunaman willaspa, imaynatachus gentilespis Diosman kutirikusqankuta. Tukuy hermanostaj maytapuni kusikorqanku chayta uyarispa.

Hechos 14:27

Antioquiaman chayaspataj, iglesiata tantaykuspa willarqanku, imaynatachus Dios tukuy imapi paykunata yanapasqanta, jinallatataj gentilespajpis punkuta kicharisqanta, Jesuspi creenankupaj.

Hechos 10:45

Creejkuna judiostaj, Jopemanta Pedrowan jamojkuna, t'ukushaj qhepakorqanku, mana judíos kajkunamampis Diosqa Santo Espirituta qosqanmanta.

Ezequiel 37:25

Kamachiy Jacobman qorqani chay jallp'api tiyakonqanku, ñaupa tatasninku tiyakorqanku chaypi. Chay jallp'api paykuna wiñaypaj tiyakonqanku, wawasninku, paykunaj mirayninku ima. Kamachiy Davidtaj paykunaj kuraj kamachejninku kanqa wiñaypaj wiñaynintinkama.

Isaías 59:19

Inti chinkaykuymantapacha naciones Señorpa sutinta manchachikonqanku, jinallataj inti llojsimuymantapacha k'anchayninta manchachikonqanku. Enemigosqa yaku mayu jina manchayta jamonqanku, Señorpa Espirituntaj bandera jina ñaupaqenkupi contrankupi sayaykonqa.

Isaías 57:19

Señorqa nin: Noqa paykunata asirichisaj; karupi kajkunapaj, qayllapi kajkunapajpis sonqo kausay kanqa. Ima nanayninmantapis noqa thañichisaj.

Isaías 59:20

Uj Salvador Sión llajtaman jamonqa, Jacobpa ayllunmanta Señorman kutirikojkunapaj, nispa nin Señorqa.

Isaías 65:23

Paykunaqa mana qhasichu llank'anqanku, wawasninkutapis mana juchachasqas kanankupajchu nacechenqanku. Paykuna, chantá wawasninku imaqa Señorpa ajllasqasnin kanku.

Efesios 2:12

Chayrayku mana Cristoyojchu karqankichej, Israel llajtayoj kaymanta karunchasqas, Diospa qosqayki nisqan tratotapis mana rejsispa; mana suyayniyoj, mana Diosniyojtaj kay pachapi karqankichej.