Hechos 17:5 - Qheshwa Biblia DC

⁵ Chaymanta judiosqa chhoqonakorqanku. Chayrayku tantamorqanku qhellasmanta sajra runasta, paykunawan ch'ajwata ruwaspa, llajtantinta oqharichinankupaj. Jasompa wasinmantaj ch'ajwaspa rerqanku Pablota Silastawan mask'aspa, orqhomuspataj runasman entreganankupaj.

DIOSPA QHELQACHISQAN DEUTEROCANONICAL

⁵ Chaymanta wakin judiokunaqa Pablotawan, Silastawan envidiawan qhawarqanku ashkha runakuna paykunata qhatisqankurayku. Chayrayku qhella millay runakunata mink'amorqanku, paykunawan llajtantinpi ch'ajwata oqharichinankupaj. Jinapitaj paykuna Jasonpa wasinman ujllata yaykuykorqanku Pablota, Silastawan mask'aj, paykunata orqhomuspa, ch'ajwashaj runakunaman jaywaykunankupaj.

DIOSPA QHELQACHISQ

⁵ Chaymanta wakin judiokunaqa Pablotawan, Silastawan envidiawan qhawarqanku ashkha runakuna paykunata qhatisqankurayku. Chayrayku qhella millay runakunata mink'amorqanku, paykunawan llajtantinpi ch'ajwata oqharichinankupaj. Jinapitaj paykuna Jasonpa wasinman ujllata yaykuykorqanku Pablota, Silastawan mask'aj, paykunata orqhomuspa, ch'ajwashaj runakunaman jaywaykunankupaj.

Quechua South Bolivia: Dios Parlapawanchej

⁵ Jesucristopi mana jap'icoj israelcunarí paycunawan phiñacuspa chhokanacorkancu. Chayraycu runa tantacunasmanta sajra runasta tantaycorkancu. Chay ashqha runaswantaj llajtata ch'ajwacherkancu. Pablotawan Silastawan masc'aspa Jasonpa wasinman callpawan yaycuycorkancu. Ajinaspa llajtapi runaspa tantacuynincuman pusayta munarkancu juchachanancupaj.

Hechos 17:5 Referans Kwoze

Gálatas 5:26

Ama qhasimanta runaykachanachu purajmanta phiñanakuspa, nitaj chhoqonakuspa.

Hechos 17:13

Tesalonicapi kaj judiosqa yacharqanku Bereamampis Pablo chayaspa Diospa palabranta willasqanta. Chayrayku paykunaqa riytawan runaspa yuyayninta pejtuspa, ch'ajwata oqharillarqankutaj.

Romanos 16:21

Yanapawajniy Timoteo napaykamusunkichej, jinallataj yawar masiy Lucio, Jasón, Sosípater ima.

Hechos 17:7

Jasontaj paykunata wasimpi jap'ikushan. Kay tukuyninkutaj mana kasunkuchu Cesarpa kamachisqasninta. Paykunaqa ninku waj rey kasqanta Jesús sutiyoj.

Hechos 14:2

Mana creej judiostaj, gentilesta yachaykuchispa hermanospa contrampi oqharicherqanku.

Hechos 19:40

Chay ch'ajwaqaykichejwanqa mana allimpichu rikhurinkichej, yuyanqanku oqharikusqanchejta, manataj atisunmanchu kutichikuyta chaywan tumpasqa kaspaqa.

Hechos 18:12

Acaya jallp'api kamachej Galión kashajtintaj, judíos uj yuyaylla tantaykukuspa oqharikorqanku Pabloj contrampi, juzgadomantaj pusaykorqanku.

Hechos 14:19

Wakin judiostaj chayamorqanku Antioquiamanta, Iconiomantawan, paykunataj runasta yachaykuchispa ch'ajwata oqharicherqanku. Pablotataj rumiswan ch'anqaykuspa wañusqata jina, llajtamanta jawaman qhataterqanku.

Hechos 13:45

Judiostaj chay chhika runata rikuspa Pablowan chhoqonakorqanku; churanakuytataj qallarerqanku paypaj sajrata rimaspa.

San Mateo 27:18

Pay yacharqa runas chhoqonakuspalla Jesusta wisq'achisqankuta.

Jueces 9:4

Chay jawaqa Baal-berit nisqa yupaychana wasinmanta orqhomuspataj qanchis chunka qolqesta Abimelecman qorqanku. Chay qolqeswantaj Abimelecqa qhella walaychu runasta mink'akorqa paywan rinankupaj. Chay runasqa paywan rispa, Ofra llajtaman maypichus tatan Jerobaal tiyakorqa chayman, chaypi uj rumillapitaj ch'anqaspa chay qanchis chunkantin hermanosninta wañucherqa. Jerobaalpa sullk'a wawallan Jotam sutiyoj ayqekusqanrayku mana wañuchisqachu karqa.

Santiago 4:5

Yuyankichejchu Escritura qhasita nisqanta? Diosqa Espirituta qowanchej noqanchejpi kausanampaj, munakuywan qhawanawanchejpajtaj.

Hechos 7:9

Jacobpa wawasnin ñaupa tatakunaqa, wauqenku Joseta chejnispa, kamachita jina venderqanku Egipto llajtaman pusanankupaj. Diostaj Josewan karqa payta waqaychaspa.

Proverbios 14:30

Llamp'u sonqo kayqa runaj ukhumpa kausaynin; wajpa imasninta munapayayrí tullukama ismuchej onqoy jina.

Salmos 69:12

Punkupi tiyajkunaj rimakunanku kani, machasqaspaj takipayanantaj.

Salmos 35:15

Urmajtiyrí tukuy noqamanta asikunku. Mana rejsisqay waj runas jina, maqawarqankutaj mana samarispa.

Isaías 26:11

Señor, qanqa ñapis jasut'inaykipajña kashanki, paykunataj mana reparakunkuchu. Aylluykita munakusqaykita rikuspa p'enqaypi rikhurenqanku. K'ajaj phiñakuyniykej larwaynin enemigosniykita tukukuchichun.

Hechos 17:6

Paykunata mana tarispataj, Jasonta wakin hermanostawan pusarqanku llajta kamachejkunaman. Qhaparispataj nerqanku: Kaykunaqa tukuynejpi runasta ch'ajwachinku. Kunanqa kaymanñataj jamusqanku.

Hechos 17:9

Jasonmanta, wajkunamantawan fianzata jap'ispa kachariporqanku.

2 Corintios 11:26

Ñankunaspi ashkha kutista rikhurerqani suwas wañuchinawankupaj jina, mayuspi wañunaypaj jina. Ayllu masisniypis wañuchiyta munaspa wateqawanku. Jinallataj gentilespa chaupinkupi, llajta ukhupi ch'inkunaspi, qocha chaupipi, llullakuspa hermano kani nejkuna ukhupi ima, wañuy patapi karqani.

1 Tesalonicenses 1:6

Qankunataj noqaykumanta, Señormantapis yachakorqankichej ancha llakiypi. Santo Espíritoj kusikuyninwantaj Diospa palabranta jap'erqankichej.