Hechos 16:16 - Qheshwa Biblia DC

¹⁶ Uj p'unchaytaj Diosmanta mañakoj rishajtiyku, uj kamachi sipas taripamuwarqayku. Payqa sajra layqa espirituyoj kaspa adivinaj. Ashkha qolqeta qoj patronesninman, runaspa suertenta qhawaspa.

DIOSPA QHELQACHISQAN DEUTEROCANONICAL

¹⁶ Uj p'unchay noqayku Diosmanta mañakoj rishajtiyku, uj kamachi sipas taripamuwarqayku. Pay supayniyoj kasqanrayku watuyta yachaj, chaynejtataj chay sipaspa patronninkuna ashkha qolqeta jap'ej kanku.

DIOSPA QHELQACHISQ

¹⁶ Uj p'unchay noqayku Diosmanta mañakoj rishajtiyku, uj kamachi sipas taripamuwarqayku. Pay supayniyoj kasqanrayku watuyta yachaj, chaynejtataj chay sipaspa patronninkuna ashkha qolqeta jap'ej kanku.

Quechua South Bolivia: Dios Parlapawanchej

¹⁶ Diosmanta mañacoj rincupuni, uj cuti chayman risharkaycu. Ajinallapi uj camachi sipaswan mana yuyaymanta tincucorkaycu. Chay sipaska supaywan apaycachaska carka. Chayraycu runasman mana yachaska imasta willaj. Ajinaspataj patronninpaj ashqha kolketa ganaj carka.

Hechos 16:16 Referans Kwoze

Levítico 19:31

Ama wañusqasta tapojkunamanqa qayllaychejchu, nitaj layqasmampis. Ama chaykunaman tapukuspataj ch'ichichakuychejchu. Noqa Señor Diosniykichejqa kani.

Isaías 8:19

Sichus chay runas nisonqachej: Tapuriychej wañusqaspa almasninta, chhichinakuspa parlaj layqasta ima, nispa chayqa, niychej: Manachu runasqa Diosnillankuta tapurikunkuman? Wañusqastarajchu kausajkunamanta tapurikunkuman?, nispa.

1 Crónicas 10:13

Ajinatamin Saulqa wañorqa juchasninrayku. Payqa juchallerqa Señorpa kamachisqasninta mana kasuspa, uj yatiri warmita tapukamusqanraykutaj.

1 Samuel 28:7

Chayrayku chay yanapajkunasninta nerqa: Mask'aychej ari wañusqaswan parlaj warmista, payman rispa tapurikamunaypaj, nispa. Yanapajkunasnintaj nerqanku: Endorpi uj warmi tiyan, payqa wañusqaswan parlan, nispa.

1 Timoteo 6:10

Tukuy sajra kajpa saphenqa qolqeta munakuy. Chayta munapayaspa wakenqa Diosmanta t'aqakorqanku, ashkha imaymana llakiykunapitaj rikukorqanku.

2 Timoteo 3:8

Imaynatachus Janeswan, Jambreswan, Moisesta mana kasuyta munarqankuchu, ajinallatataj kaykunapis cheqa kajta mana kasuyta munankuchu. Sajra yuyayniyoj runas mana feniyojtaj kanku.

Hechos 16:18

Ajinallatapuni ashkha p'unchaykunata qhaparisharqa. Pablotaj chaymanta phiñakorqa, kutirikuspataj sipaspi kashaj sajra espirituta nerqa: Jesucristoj sutimpi kamachiyki paymanta llojsinaykita. Chay kikimpachataj espiritoqa sipasmanta llojserqa.

Hechos 16:13

Samakuna p'unchaytaj, llajtamanta llojsispa mayu cantoman rerqayku, Diosmanta mañakuna kaj chayman. Tiyaykukuspataj evangeliomanta willarqayku chay tantasqa warmisman.

1 Samuel 28:3

Chaypajwanqa Samuelqa wañupusqaña, tukuy israelitastaj wañupusqanmanta waqasqanku. Chaymantataj Ramá llajtapi p'ampamusqanku, chayqa paypa llajtampuni karqa. Chaypaj Saulqa chay yatirista wijch'usqaña, wañusqasman qhaparikoj kanku chaykunata.

2 Pedro 2:3

Qolqeta munapayaspataj qankunamanta qhatuta ruwanku, llullata parlaspa; paykunapajtaj jasut'eqa unaymantaña mana qonqasqachu kashan, chinkayninkupis mana puñushanchu.

Hechos 19:24

Demetrio sutiyoj runa platero karqa, qolqepi ruwaj Dianaj juch'uy templitosninta. Paywan llank'ajkunatataj ashkha qolqeta ganachej.

Levítico 20:6

Sichus pipis wañusqasta tapojkunaman, layqasmanwan rinman, chayta qhatispataj ch'ichichakunman chayqa, noqa sayarisaj paypa contranta, chinkachisajtaj ayllun chaupimanta.

Levítico 20:27

Sichus uj qhari, chayri uj warmi wañusqasta tapunman, chayri layqakunman chayqa, rumiswan ch'anqasqa wañonqa. Chay wañunampajtaj paylla juchayoj kanqa.

2 Reyes 21:6

Wawantapis ninapi ruphachispa jaywaykorqa, sajra espiritusta wajyayman churakorqa, suerte qhawayman, wañusqasta tapuyman layqeriosman ima. Ajinapi ashkha sajra imastapuni ruwaspa Señorta phiñaricherqa.

Hechos 16:19

Sipaspa patronesnin manaña qolqeta jap'inanta yachaspa, Pablota Silastawan jap'iykorqanku, pusarqankutaj plazapi kamachejkunaman.