Hechos 15:25 - Qheshwa Biblia DC

²⁵ Chayrayku tukuyniyku uj yuyaylla tantakorqayku, noqayku ukhumanta ajllasqa hermanosta chayman kachamunaykupaj. Paykunaqa jamonqanku may munasqas Bernabewan Pablowan ima.

DIOSPA QHELQACHISQAN DEUTEROCANONICAL

²⁵ Chayrayku tukuyniyku uj yuyaylla tantakuspa, noqayku ukhumanta wakin wawqekunata ajllarqayku. Chantá paykunatawan munasqa wawqenchej Bernabetawan, Pablotawan qankunaman kachamushayku.

DIOSPA QHELQACHISQ

²⁵ Chayrayku tukuyniyku uj yuyaylla tantakuspa, noqayku ukhumanta wakin wawqekunata ajllarqayku. Chantá paykunatawan munasqa wawqenchej Bernabetawan, Pablotawan qankunaman kachamushayku.

Quechua South Bolivia: Dios Parlapawanchej

²⁵ Chayraycu yuyaycu ajllaska hermanosta cachamunaycoka allin caskanta sumaj sut'i cananpaj. Tucuyniycu uj yuyayman chayaspa paycunata cachamuycu. Paycuna jamushancu munaska hermanosninchej Pablowan Bernabewan.

Hechos 15:25 Referans Kwoze

2 Pedro 3:15

Chantá yachaychej, Señorpa paciencianqa salvanapaj kasqanta, imaynatachus munasqa hermanonchej Pablopis escribimusorqachej, Dios payman yachayta qosqanman jina.

Hechos 15:22

Chaymantataj apóstoles ancianoswan, tukuy iglesiantin ajllarqanku wakin qharista, Pablowan Bernabewan khuska, Antioquiaman rinankupaj. Ajllarqankutaj Judas Barsabás nisqata, Silastawan. Kay iskayqa sumaj qhawasqas karqanku chay hermanos ukhupi.

Hechos 15:2

Kay jawataj paykunaqa Pablowan Bernabewan sinch'ita churanakorqanku. Chayrayku ajllarqanku Pablota, Bernabeta, wakin paykunamanta hermanostawan, Jerusalenman rinankupaj; chaypitaj kay imasmanta allinta parlamunankupaj apostoleswan, ancianoswan ima.

Hechos 1:14

Tukuyninkutaj uj sonqolla tantakorqanku, Dios Tatamanta mañakuspallapuni kanankupaj, Jesuspa maman Mariawan, wauqesninwan, wakin warmiswan ima.

San Lucas 1:3

Noqamampis rijch'awarqa, kay tukuy imasta allinta entiendespa escribisunayqa, imaschus qallariymantapacha kasqanta, may respetasqa Teófilo; aswan allinta yachanaykipaj, imastachus yachachisorqanku chay cheqa kajta.

Colosenses 4:9

Munasqa sumaj hermanonchej Onesimopis paywan jamushan; payqa qankunamanta ujniykichej. Paykuna willasonqachej imachus kaypi kasqanta.

Colosenses 4:7

Munasqa hermano Tíquico noqaykumanta allinta willasonqachej. Payqa allin yanapakoj, Señorpitaj kamachi masiy.

Efesios 6:21

Jinallataj qankuna yachanaykichejpaj, Tíquico may munasqa hermano, Señorpa llank'aynimpi allinta yanapakoj; willasonqachej, imatachus ruwashani chay tukuymanta.

Gálatas 2:9

Chayrayku kurajkuna, Santiago, Pedro, Juan ima, noqaman Bernabemanwan willana qosqa kasqanta yachaspa, paña makinkuta jaywawarqayku uj yuyaylla kanaykupaj, noqayku gentilesman evangeliota willaj rinaykupaj, paykunataj judiosman.

1 Corintios 1:10

Hermanos, mañakuykichej Señorninchej Jesucristoj sutimpi, tukuyniykichej uj kajllata parlanaykichejta; amataj qankuna ukhupi t'aqanaku kachunchu, astawanqa allin ujchasqapuni kaychej, uj sonqolla, uj yuyayllataj.

Romanos 16:12

Trifenata, Trifosatawan napaykuychej. Paykunaqa Señorpaj llank'anku. Chantá munasqa Persidata napaykuychej. Payqa ashkhata Señorpaj llank'arqa.

Hechos 15:35

Pablowan Bernabewantaj Antioquiapi qhepakorqanku, ashkha hermanoswan Señorpa palabranta yachachispa, evangeliomantataj willaspa.

Hechos 15:6

Apostolestaj ancianoswan tantakuspa parlarqanku kay imasmanta yachanankupaj.

Hechos 2:46

Templopitaj tukuyninku uj sonqolla, sapa p'unchay tantakojpuni kanku. Wasisninkupipis t'antata partispa, khuska mikhoj kanku, may kusiywan, llamp'u sonqowantaj.

Hechos 2:1

Pentecostés nisqa p'unchay chayamojtintaj, tukuy tantasqas uj cheqapi kasharqanku.

San Mateo 11:26

Arí, Tatáy, ajinata munarqanki.