Hechos 15:23 - Qheshwa Biblia DC

²³ Paykunawantaj apacherqanku kay cartata: Noqayku apóstoles, ancianoswan, hermanosniykichej ima, napaykamuykichej hermanos gentilesmanta, jamojkuna, pikunachus tiyakunkichej Antioquiapi, Siriapi, Ciliciapi ima.

DIOSPA QHELQACHISQAN DEUTEROCANONICAL

²³ Cartata kay jinata ruwaspataj, paykunawan apacherqanku: Noqayku Jesuspa kuraj kachankuna, iglesiapi kurajkunawan ima wawqeykichej jina napaykamuyku qankuna mana judío kaj wawqe panakunata, pikunachus Antioquiapi, Siriapi, Ciliciapi ima tiyakojkunata.

DIOSPA QHELQACHISQ

²³ Cartata kay jinata ruwaspataj, paykunawan apacherqanku: Noqayku Jesuspa kuraj kachankuna, iglesiapi kurajkunawan ima wawqeykichej jina napaykamuyku qankuna mana judío kaj wawqe panakunata, pikunachus Antioquiapi, Siriapi, Ciliciapi ima tiyakojkunata.

Quechua South Bolivia: Dios Parlapawanchej

²³ Paycunawan apacherkancu uj cartata nispa: “Nokaycu Jesuspa cachasnin, curajcunawan, Cristopi hermanospiwan napaycamuycu tucuy kancuna waj llajtayoj hermanosman. Kancuna Antioquiapi, Siria, Cilicia jallp'aspi tiyacojcunamanwan napaycamuycu.

Hechos 15:23 Referans Kwoze

Santiago 1:1

Noqa Santiago, Diospa kamachin, Señor Jesucristojtawan, Israelpa chunka iskayniyoj ayllusnin ch'eqerasqasman napaykamuykichej.

Gálatas 1:21

Chaymantataj rerqani Siria jallp'asman, Cilicia jallp'asman ima.

Hechos 15:22

Chaymantataj apóstoles ancianoswan, tukuy iglesiantin ajllarqanku wakin qharista, Pablowan Bernabewan khuska, Antioquiaman rinankupaj. Ajllarqankutaj Judas Barsabás nisqata, Silastawan. Kay iskayqa sumaj qhawasqas karqanku chay hermanos ukhupi.

3 Juan 1:14

Chayrayku suyashani usqhayta rikusuyta. Chaypacha uyapura parlarikusun.

2 Juan 1:13

Ajllasqa ñañaykej wawasnin napaykamusunku.

2 Juan 1:10

Pillapis qankunaman jamuspa, mana chay yachachiyta apamojtenqa, ama wasiykichejpi jap'ikuychejchu, nitaj napaykuychejchu.

2 Juan 1:3

Qankunawan kachun yanapay, khuyakuy, sonqo tiyakuy, Dios Tatamanta, Tataj Churin Jesucristomantawan, cheqapi, munakuypi ima.

Hechos 15:41

Sirianta, Ciliciantawan rispataj, iglesiasta kallpacharqa.

Hechos 15:4

Paykuna Jerusalenman chayajtinkutaj, iglesiapi kajkuna apóstoles, ancianos ima may kusiywan jap'erqanku. Paykunamantaj willarqanku imaynatachus Dios tukuy imata ruwasqanta paykunawan.

Hechos 15:1

Chaypacha Judeamanta jamojkuna, Antioquiapi hermanosman yachachiyta qallarerqanku: Sichus Moisespa leyninman jina, mana circuncidakunkichejchu chayqa, mana salvasqas kayta atinkichejchu.

Hechos 14:27

Antioquiaman chayaspataj, iglesiata tantaykuspa willarqanku, imaynatachus Dios tukuy imapi paykunata yanapasqanta, jinallatataj gentilespajpis punkuta kicharisqanta, Jesuspi creenankupaj.

Hechos 21:25

Gentilesmanta creejkunaman, ñapis cartata apacherqaykuña, willachispa, lantikunaman jaywasqa aychata ama mikhunankuta, nitaj yawarta, nillataj jeq'eqasqa uywastapis, amataj qhenchachakunankuta.

Hechos 21:3

Rishaspataj Chipre churuta rikorqayku, lloq'e ladoman saqespataj Siriakama rerqayku. Tiro llajtaman chayaspataj uraykorqayku, imaraykuchus barcomanta cargata uraykuchinanku karqa.

Hechos 18:18

Pabloqa unaytaraj Corintopi qhepakorqa. Chaymantataj hermanosta saqespa, botepi riporqa Siriaman, Priscilawan Aquilawan khuska. Cencrea llajtapitaj, manaraj boteman wicharishaspa Pabloqa chujchanta k'utuchikorqa, ruwasaj nisqanta junt'anampaj.

Hechos 11:18

Chayta uyarispataj hermanosqa ch'inyakaporqanku. Diostataj yupaycharqanku, nispa: Kayman jina, gentilespis juchata saqejtinkoqa Dios wiñay kausayta qollanqantaj.

San Mateo 4:24

Chantá tukuy Siria jallp'apitaj Jesús atiyniyoj kasqanta uyarerqanku, pusamorqankutaj tukuy laya onqoykunawan, ñak'ariykunawan, nanaykunawan ima llakejkunata; supayniyojkunata, t'uku onqoyniyojkunata, suchusta ima. Paykunatataj Jesús thañicherqa.

Hechos 6:9

Chaymantataj Kacharisqas nisqaspa sinagogankumanta wakin oqharikorqanku. Paykuna ukhupi karqanku israelitas Cirenemanta, Alejandriamanta, Ciliciamanta, Asia jallp'amantawan. Paykunataj Estebanwan churanakuyta qallarerqanku.

Hechos 11:20

Wakin creejkunataj, Chipremanta, Cirenemantawan karqanku. Antioquiaman chayaspataj griegosmampis willarqanku Señor Jesucristomanta.

Hechos 15:2

Kay jawataj paykunaqa Pablowan Bernabewan sinch'ita churanakorqanku. Chayrayku ajllarqanku Pablota, Bernabeta, wakin paykunamanta hermanostawan, Jerusalenman rinankupaj; chaypitaj kay imasmanta allinta parlamunankupaj apostoleswan, ancianoswan ima.