Hechos 15:18 - Qheshwa Biblia DC

¹⁸ Ajinata nin Señorqa. Tukuy ruwasqasninta unaymantapachaña rejsicherqa.

DIOSPA QHELQACHISQAN DEUTEROCANONICAL

¹⁸ Ajinata Tukuyta Kamachej Dios nin, pichus kay imakunata ruwananta unaymantapachaña rejsicherqa, chay, nispa.

DIOSPA QHELQACHISQ

¹⁸ Ajinata Tukuyta Kamachej Dios nin, pichus kay imakunata ruwananta unaymantapachaña rejsicherqa, chay, nispa.

Quechua South Bolivia: Dios Parlapawanchej

¹⁸ Ajinata nin tucuyta ruwaj Dios. Payka cayta unaymantapacha runasta uyaricherka. Jacoboka nillarkapuni:

Hechos 15:18 Referans Kwoze

Efesios 3:9

Wiñaymantapacha Diospi pakasqa imasta, tukuyman sut'inchanaypaj atiyta qowarqa; chay tukuy imastataj pay ruwarqa.

Efesios 1:4

Dios ajllawarqanchej Cristonejta manaraj kay pacha ruwasqa kashajtin, llimphuchasqa mana ch'ichiyoj paypa ñaupaqempi kananchejpaj.

1 Pedro 1:20

Cristo chaypaj wakichisqa karqa, manaraj kay pacha ruwasqa kashajtin. Qhepantataj p'unchaykunapi rikhurimorqaña qankunata munakusqanrayku.

Efesios 1:11

Jinallataj Cristowan chayaqeta jap'erqanchej, tukuy imata ruwaj Diospa munayninman jina, wiñaymantapacha ajllawasqanchejrayku.

Hechos 17:26

Paytaj, uj runallamanta tukuy laya runata miracherqa, tukuy jallp'api paykuna kausanankupaj. Chayta wakicherqa, ima p'unchaykunapichus, may jallp'apichus kausanankuta, ajinamanta runakuna Diosta mask'anankupaj. Ichapis mask'aykachasqankupi llankharispa Diosta tarinkuman. Cheqamanta Diosqa mana karupichu kashan sapa ujninchejmanta.

Números 23:19

Diosqa mana wañojkuna jinachu, mana llullakunchu, nitaj imatachus nisqantapis q'ewichinchu. Imatachus nisqanta payqa junt'an. Imatachus nisqantapis payqa qompuni.

2 Tesalonicenses 2:13

Noqaykoqa qankunamanta Diosman graciasta qonaykupuni tiyan, Señorpi munasqa hermanosníy, imaraykuchus Diosqa qankunata qallariymantapacha ajllasorqachej salvaciompaj, Espíritoj llimphuchaynimpi, cheqa kaj fepitaj.

San Mateo 13:35

Profetaj nisqan junt'akunampaj ajinata nerqa: Rijch'anachinaswan simiyta kicharisaj, sut'inchasajtaj pakasqa imasta, kay mundo ruwasqa kasqanmantapacha.

Apocalipsis 17:8

Chay rikusqayki phiña animalqa karqa, manataj kanchu. Ukhu pachamanta wicharimonqa, chinkaymantaj renqa. Jallp'a patapi tiyakojkunataj, pikunaj sutisninkuchus kausay libropi mana escribisqachu kashanku kay mundoj qallariyninmantapacha, phiña animalta rikuspa t'ukonqanku. Chay animaltaj karqa, manataj kanchu, kanqataj.

Apocalipsis 13:8

Tukuy jallp'api tiyakojkunataj payta yupaycharqanku; manataj paykunaj sutinkoqa escribisqachu karqa Corderoj kausaynimpa librompeqa. Corderoqa wañuchisqa karqa kay mundoj qallariyninmantapacha.

San Mateo 25:34

Chaymantataj Reyqa, pañampi kajkunaman nenqa: Jamuychej Tataypa ajllasqasnin, jap'ikapuychej qankunapaj qallariymantapacha wakichisqa reinota.

Isaías 44:7

Pitaj noqa jina kanmanri? Parlachun rikuchichuntaj ñaupaqeypi. Pitaj jamoj imasmanta ñaupajta willarqa, jinallataj qhepaman imaschus pasananmantari?

Isaías 45:21

Qankuna allinta parlaychej, ruwasqasninkuta rikuchiychej, munankichej chayqa ujkuna ujkuna tapunakuychej: Pitaj qallariymantapacha kay imasta ruwarqari? Pitaj unaymantapacha kay imasta willanri? Manachu noqa Señor chay imastaqa willarqaykichej? Noqamanta astawan waj diosqa mana kanchu. Cheqan Diosqa, tukuy imata atipajqa, manapuni ujpis kanchu; noqalla kani.

Amós 9:12

Edommanta puchojkuna, tukuy llajtasmantawan puchojkuna noqajta karqa, chaypi Israelqa watejmanta llajtachakonqa. Señormin ajinataqa nin, chaytaj junt'akonqapuni.

Zacarías 14:7

Diospa uj k'ata p'unchaynin kanqa. Paypa rejsisqallan chay p'unchay kanqa. Manaña rejsikonqachu p'unchay nitaj tutapis. Ch'isimpis k'anchayllapuni kanqa.