Hechos 13:43 - Qheshwa Biblia DC

⁴³ Sinagogapi tantakojkuna ripojtinkutaj, Pablota Bernabetawan qhatikorqanku ashkha judíos, chantá judiospa yachachiyninta qhatejkuna ima. Apostolestaj paykunata yuyaycharqanku, ama sayk'uspa Diospa khuyakuynimpi kakunankupaj.

DIOSPA QHELQACHISQAN DEUTEROCANONICAL

⁴³ Chay tantakuna wasimanta puririshajtinkutaj, ashkha judiokuna, chantá Diosta yupaychaj mana judiokuna ima Pablota, Bernabetawan qhaterqanku. Jinapitaj Pablowan, Bernabewan paykunata yuyaycharqanku Diospa qhasilla k'acha yanapayninpi mana sayk'uspa kakunankuta.

DIOSPA QHELQACHISQ

⁴³ Chay tantakuna wasimanta puririshajtinkutaj, ashkha judiokuna, chantá Diosta yupaychaj mana judiokuna ima Pablota, Bernabetawan qhaterqanku. Jinapitaj Pablowan, Bernabewan paykunata yuyaycharqanku Diospa qhasilla k'acha yanapayninpi mana sayk'uspa kakunankuta.

Quechua South Bolivia: Dios Parlapawanchej

⁴³ Tantacuy tucucojtintaj ashqha israel runas paycunata khaterkancu, israelpa Diosninta yupaychajcunaman tucojcunapis. Pablo Bernabewantaj tucuy paycunata yuyaycharkancu c'acha Diospa yanapaynillanwanpuni causacunancuta.

Hechos 13:43 Referans Kwoze

Hechos 11:23

Paytaj jaqayman chayaspa rikorqa Dios bendicionninwan yanapasqanta. Chayrayku kusikorqa, paykunatataj umacharqa Señor Jesucristowan tukuy sonqo kakunankuta.

Hechos 14:22

Chay llajtaspitaj creejkunata sonqocharqanku, creesqankupi sinch'ita sayanankupaj, nerqankutaj: Noqanchejqa tukuy imasta ñak'arinanchejpuni tiyan, Diospa reinonman yaykunanchejpaj.

2 Juan 1:9

Cristoj yachachiyninmanta llojsipojqa, manataj yachachiynimpi sayajqa, mana Diosniyojchu. Cristoj yachachiynimpi sayajrí, Dios Tatayoj, Churiyojtaj.

Hebreos 13:9

Ama apaykachachikuychejchu imaymana waj yachachiykunawan; aswan allinmin Diospa yanapayninwan sonqo kallpachasqa kananqa; mikhuykunawan kallpachasqa kananmanta, imaraykuchus chaykuna mana yanapankuchu chay jinaman kausajkunata.

Hebreos 12:15

Allinta qhawakuychej, pajtá pipis Diospa yanapayninmanta karunchakunman; pajtá ima jaya saphipis p'utumuspa onqochisunkichejman, chaynejtataj ashkhas onqoyta chimpachikunkuman.

Colosenses 1:28

Kayta Cristomanta noqayku willayku tukuy runaman sonqochaspa, tukuy ima yachaypitaj yachachispa, sapa ujqa Cristopi allinchasqa kanampaj.

Colosenses 1:23

Cheqamanta saphinchasqas sinch'ita sayaychej, fepi mana kuyuspa, evangelioj yuyayninta uyarisqaykichejpi. Kay evangeliomanta tukuy kay pachapi kajkunaman willakun. Noqa Pablopis chay evangeliomanta willanaypaj churasqa kani.

Filipenses 4:1

Chayrayku munasqa hermanosníy, qankunata mayta munashani rikuyta; imaraykuchus qankuna kusikuyniy pilluytaj kankichej. Kunanqa munakusqasníy, sinch'ita sayaychej Señorpi.

Filipenses 3:16

Kayman chayamuspataj uj yuyaylla, uj kamachiyllapitaj kausanachej.

Efesios 2:8

Diospa khuyakuyninnejta ferayku salvasqas kankichej. Kaytaj mana qankunamantachu jamun, manachayqa Diospa regalon.

Gálatas 5:1

Cristo juchamanta orqhospa salvawarqanchej. Chayrayku chay salvaciompi sumajta sayaychej, amataj ujtawanqa kamachi yugoman watakuychejchu.

2 Corintios 6:1

Arí ajina, qankunata yanapajkuna kayku Diospa ruwaynimpi. Mañakuykutaj qankunaqa ama qhasipajchu jap'inaykiychejta Diospa khuyakuyninta.

2 Corintios 5:11

Chayrayku noqayku Señorta rejsiyku manchachikuna kasqanta, runasmantaj Willayku unanchachiyta munaspa. Chaywampis, Dios yachan pichus kasqaykuta. Jinallataj suyani qankunapis yachanaykichejta concienciaykichejman jina.

Romanos 11:6

Sichus Diospa khuyakuyninrayku ajllasqas kanchej chayqa, manaña ruwasqasninchejraykuchu. Mana jina kanman chayqa, Diospa khuyakuynenqa, manaña khuyakuychu kanman. [Sichus ruwanasraykutaj kanman chayqa, mana khuyakuychu kanman. Uj jinamantaqa ruwaypis manaña ruwaychu kanman.]

Romanos 5:21

Chayqa karqa imaynatachus jucha atiyniyoj karqa wañuy kanampaj, ajinallatataj Diospa khuyakuynimpis atiyniyoj kanqa, cheqan kajnejta wiñay kausaypaj Señorninchej Jesucristonejta.

Romanos 5:2

Paynejta yaykuyta atinchej chay salvacionman creesqanchejrayku, chaypitaj sinch'ita sayanchej, kusikunchejtaj, Diospa janaj pacha k'anchayninta suyaspa.

Romanos 3:24

Diospa khuyakuyninrayku, qhasimanta cheqan runaspaj qhawasqas kanku, Cristo Jesusnejta salvación kasqanrayku.

Hechos 17:34

Wakin runas Pabloj nisqanta creerqanku. Paykuna ukhupi karqa Dionisio, Areópago juntamanta; kallarqataj Dámaris sutiyoj warmi, wajkuna ima.

Hechos 17:4

Paykunamanta wakinkunataj creerqanku, tantakorqankutaj Pablowan Silaswan. Ajinata ashkha griegos Diosta yupaychajkuna, ashkha atiyniyoj warmis ima, creellarqankutaj.

Hechos 16:14

Ujnin warmitaj Lidia sutiyoj karqa, Tiatira llajtamanta. Payqa qhatoj may sumaj puka kulli generosta, Diostataj yupaychaj. Señortaj Lidiaj sonqonta kicharerqa, Pabloj nisqanta uyarinampaj.

Hechos 14:3

Chaywampis apostolesqa unayta chaypi karqanku. Mana manchachikuspa Señormanta parlarqanku, paypi sonqonkuta churaspa. Señortaj parlasqankuta yanaparqa, señalesta, milagrostawan paykunanejta ruwachispa.

2 Pedro 3:14

Chayrayku munasqa hermanosníy, chay imasta suyaspaqa, k'uchi k'uchilla mask'aychej Diospa ñaupaqempi tarisqa kayta mana juchayoj, sonqo tiyakuyniyojtaj.

1 Pedro 5:12

Kay pisita escribispa Silvanowan apachimuykichej, pay cheqa hermano kasqanta rejsispa. Chay cartapitaj sonqochaykichej, willaykichejtaj, kaymin Diospa cheqa khuyakuynin kasqanta, mayqempichus sayashankichej chay.

Gálatas 5:4

Leypi cheqan kasqaykichejta yuyakuspaqa, Cristomanta karunchakunkichej, Diospa khuyakuyninmantataj karunchakunkichej.

Hechos 28:23

Chaymanta parlanankupajtaj uj p'unchayta ajllarqanku. Aswan ashkhataj jamorqanku Pabloj chayakusqan wasiman. Paqarinmantapacha ch'isiyanankama, Pabloqa paykunaman yachacherqa Diospa reinonmanta. Atisqantataj Jesusmanta yachacherqa imaynatachus Moisespa leynimpi profetaspa escribisqampi ima Jesusmanta willasqankuta.

Hechos 17:17

Chayrayku judioswan sinagogapi churanakoj, Diosta yupaychaj runaswan ima. Kikillantataj sapa p'unchay churanakoj plazaman tantakamojkunawampis.

Hechos 13:50

Judiostaj ch'ajwata oqharerqanku Diosta yupaychaj warmiswan parlaspa, llajtapi kamachej runaswan ima. Paykunataj qallarerqanku Pablota, Bernabetawan ñak'arichiyta, jallp'ankumantataj qharqorqanku.

Hechos 6:5

Chay nisqankutaj tukuyninkuman allin rijch'arqa. Chaymantataj Estebanta ajllarqanku. Payqa sinch'i feniyoj karqa, Santo Espirituwantaj junt'asqa. Chaymantá ajllallarqankutaj Felipeta, Procorota, Timonta, Parmenasta, Nicolasta ima. Nicolasqa Antioquiamanta karqa, israelitaspa yachachiyninta qhatej.

San Mateo 23:15

Ay qankunamanta leymanta yachachejkuna, fariseos puraj uyas! Qankunaqa mar qochanta, tukuy jallp'asnejta ima purinkichej, uj runallatapis t'aqaykichejman pusaykunaykichejpaj; payta jap'ispataj, infiernoj wawanman tukuchinkichej qankunamanta astawan, iskay kutikama.

1 Juan 2:28

Kunanqa, wawitasníy, Cristowan ujlla kakuychej; qhepa kaj jamuynimpi pay rikhurimojtintaj, mana manchachikuspa, nitaj p'enqakuspa, ñaupaqenman qayllaykunaykichejpaj.

Tito 2:11

Dios rikuchiwanchej khuyakuyninta, tukuy runas salvasqas kanankupaj.

Hechos 18:7

Ajinata nispataj, Ticio Justo sutiyojpa wasinman riporqa. Payqa Diosta yupaychaj, wasintaj sinagoga qayllapi karqa.