Hechos 13:39 - Qheshwa Biblia DC

³⁹ Chay tukuy imasmanta Moisespa leynimpi, cheqan runapaj mana rejsisqas kayta aterqankichejchu; kunanqa chaykunamanta Jesuspi creejqa salvasqa kashan.

DIOSPA QHELQACHISQAN DEUTEROCANONICAL

³⁹ Moisespa kamachisqankuna mana pitapis juchanmanta kacharichiyta aterqachu, cheqan runapaj qhawasqa kananpaj. Kunantajrí Jesuspi tukuy atinikojkunaqa paynejta cheqan runapaj qhawasqa kayta atinkichej.

DIOSPA QHELQACHISQ

³⁹ Moisespa kamachisqankuna mana pitapis juchanmanta kacharichiyta aterqachu, cheqan runapaj qhawasqa kananpaj. Kunantajrí Jesuspi tukuy atinikojkunaqa paynejta cheqan runapaj qhawasqa kayta atinkichej.

Quechua South Bolivia: Dios Parlapawanchej

³⁹ Moisespa camachiskasninta casuspallaka runa mana atinchu juchasninmanta llimphuchaska cayta. Jesuspi tucuy jap'icojllata, juchasninmanta llimphuchaska caskanraycu chekan runapaj Dioska khawan.

Hechos 13:39 Referans Kwoze

Gálatas 2:16

Yachaspa runaqa mana leypa ruwanasninraykuchu mana juchayojpaj rejsisqa kasqanta, manachayqa Jesucristopi creesqanraykulla. Noqaykupis Cristopi creerqayku, paypi fenejta mana juchayojpaj rejsisqa kanaykupaj, manataj leypa ruwanasninraykuchu. Mana pipis leypa ruwanasninraykuchu, mana juchayojpaj rejsisqa kanqa.

Romanos 10:4

Leypa tukukuynenqa Cristomin, tukuy paypi creejkuna Diospaj cheqan runas kanankupaj.

Romanos 8:3

Diosqa ruwarqa imatachus Moisespa leynin mana ruwayta atisqanta, aycha pisi kallpayoj kasqanrayku. Chayrayku Diosqa Churinta kachamorqa juchallikoj runaman rijch'akojta, jucha jawa; chay juchata aychapi chinkachinampaj; leypa cheqan kasqanqa noqanchejpi junt'akunampaj. Noqanchejqa mana aychaj munayninman jinachu purishanchej, astawanqa Espirituman jina.

Hebreos 7:19

Leyqa, mana imatapis allinta tukuycharqachu; astawanqa, allin suyakuyllaman pusaykuwarqanchej. Chaynejtataj Diosman qayllaykunchej.

Romanos 10:10

Runaqa sonqowan creen Dioswan cheqa kajpi kanapaj, simiwantajrí willakunchej salvaciompaj.

Romanos 8:1

Kunanqa mana ima juchachaypis kanchu, Cristo Jesuspi kajkunapaj; [pikunachus mana purinkuchu aychaman jina, astawanqa Espirituman jina.]

Romanos 4:15

Moisespa leynenqa phiñakuyta apamun; maypichus mana ley kanchu chayqa, manallataj ley p'akiypis kanchu.

Romanos 3:19

Yachanchej, leypa tukuy nisqanta, leypi kajkunapaj churasqa kasqanta; tukuy runa ch'inyanampaj, mundontintaj Diospa ñaupaqempi juchachasqa rikhurinampaj.

Romanos 5:20

Leyqa churasqa karqa, astawan jucha yapakunampaj. Juchastawan yapakojtinrí, Diospa khuyakuynimpis astawanraj yapakorqa.

Romanos 5:9

Kunanqa astawanraj qowasun, yawarninrayku Dioswan allinyasqaña kajtinchej, paynejtataj k'ajaj phiñakuymanta salvasqas kasunchej.

San Juan 1:17

Moisesnejta leyqa qosqa karqa; Diospa khuyakuynin cheqawan, Jesucristonejta chayamuwanchej.

Hebreos 10:11

Ajinamanta tukuy sacerdotesqa sapa p'unchay jaywanku imatachus ruwanankuta. Sapa kutitaj chay kikin uywa wañuchisqallatapuni qospa, manataj chaykunaqa jayk'ajpis juchasta qhechuyta atinkuchu.

Hebreos 10:4

Torospa, chivospa yawarninkoqa, mana juchasta qhechuyta atinchu.

Romanos 5:1

Fenejta salvasqas kaspa, Dioswan allinyachisqas kanchej, Señorninchej Jesucristonejta.

Romanos 4:24

Noqanchejpajpis escribisqallataj karqa feninchej yupasqa kanampaj. Noqanchej creenchej Diospi, pichus Señorninchej Jesusta wañusqakunamanta kausarichimorqa, chaypi.

Hechos 10:43

Tukuy sut'inchajkunapis Jesusmanta willarqanku tukuy paypi creejkunaqa sutinnejta juchasninkumanta pampachasqa kanankupaj.

Salmos 143:2

Ama juicioman wajyaychu kamachiykitaqa, ñaupaqeykipeqa mana pipis mana juchayojqa kanchu.

Job 25:4

Runaqa atinmanchu mana juchayoj, llimphu ch'uyataj kayta Diospa ñaupaqempi? Imaynatataj uj warmimanta nacejqa llimphu kayta atinmanri?

Job 9:20

Sichus noqa niyman cheqampi kasqayta chayqa, simillaytaj juchachaykuwanman. Sichus niyman manapuni juchayoj kasqayta chayqa, astawan niwanman sajra juchayoj kasqayta.

Gálatas 5:3

Ujtawan nini tukuy circuncidasqa kayta munajkunaman, Moisespa leynimpa kamachisqanta ruwananku kasqanta.

Gálatas 3:8

Escriturapis ñaupajmanta yachaspa, Dios gentilesta fenejta runasnimpaj qhawasqanta, kay sumaj willayta Abrahammanña qorqa, nispa: Qampi tukuy runas bendicisqas kanqanku.

Gálatas 2:19

Noqaqa leynejta leypaj wañusqa kani, Diospaj kausanaypaj.

1 Corintios 6:11

Ajina karqankichej qankunamanta wakin; kunanrí mayllasqasña kankichej, juchamanta llimphuchasqasña, allinyasqastaj Señor Jesuspa sutinrayku, Diosninchejpa Espiritunnejta ima.

Romanos 9:31

Israelitas, cheqan leypa qhepanta rishaspapis, mana cheqan kajta tarerqankuchu.

San Juan 5:24

Cheqamanta, cheqamanta niykichej: Pichá parlasqayta allinta uyarin, kachamuwaj Tataytapis creen chayqa, wiñay kausayniyoj; manataj juicio p'unchaypi juchachasqachu kanqa, astawanqa wañuymanta kausayman yaykun.

San Lucas 18:14

Kunanqa niykichej, kay impuestero wasinman kutiporqa juchasninmanta pampachasqa, fariseotaj mana. Jatunchakojqa p'enqaypi rikhurenqa; k'umuykukojtajrí jatunchasqa kanqa.

San Lucas 10:28

Jesustaj nerqa: Allinta kutichinki, ajinata ruway, kausankitaj, nispa.

San Lucas 10:25

Chantá uj runa leymanta yachachej, Jesusman qayllaykuspa pantachiyta munaspataj, taporqa: Maestro, imata ruwaspataj wiñay kausayniyoj kasajri?, nispa.

Habacuc 2:4

Kay jinatamin qelqanayki kashan: Sajrata ruwajkunaqa mayta runaykachanku. Chaywampis cheqan runasqa Diospi creesqankurayku kausanqanku.

Jeremías 31:32

Kay mosoj tratoqa mana chay ñaupa tatasninkuwan ruwarqani jinachu kanqa, mayk'ajchus Egiptomanta makinkumanta jap'ispa orqhomorqani chaypacha, imaraykuchus paykunawan trato ruwasqayta mana junt'arqankuchu noqa dueñonku kashajtiy. Noqa Señor chayta nini.

Isaías 53:11

Chay jina llakiyta jap'ispa kusiy poqoyta rikonqa, may kusisqataj qhepakonqa. Chay yachayninwan cheqan kamacheyqa ashkhasta salvanqa, paykunaj juchasninkutataj apanqa.

Romanos 3:20

Leypa kamachisqasninta ruwasqanrayku, mana pipis Diospa ñaupaqempi salvasqachu kanqa; leynejta juchaqa rejsichikun.