Hechos 13:34 - Qheshwa Biblia DC

³⁴ Wañusqasmanta kausarichimuspa, manaña jayk'ajpis ismuyman kutiykunampaj, Diosqa kay jinata nerqa: Qankunaman qosqaykichej, jaqay ajllasqa cheqa kaj khuyakuyta, mayqentachus Davidman qosaj nerqani, chayta.

DIOSPA QHELQACHISQAN DEUTEROCANONICAL

³⁴ Dios nillasqataj Jesusta wañusqamanta kawsarichimunanta ukhun ama asnananpaj. Pay nerqa: Imaynatachus Davidta nerqani payta may sumajta saminchanaytapuni, ajinallatataj chay tukuyta qankunaman qosqaykichej, nispa.

DIOSPA QHELQACHISQ

³⁴ Dios nillasqataj Jesusta wañusqamanta kawsarichimunanta ukhun ama asnananpaj. Pay nerqa: Imaynatachus Davidta nerqani payta may sumajta saminchanaytapuni, ajinallatataj chay tukuyta qankunaman qosqaykichej, nispa.

Quechua South Bolivia: Dios Parlapawanchej

³⁴ Ajinata Dios nerka Jesusta causarichimunanta, cuerpon ni jayc'aj ismunanpaj. Chayraycu nillarka: “Kancunata yanapaskayquichej Davidman sumaj niskaymanjina”, nispa.

Hechos 13:34 Referans Kwoze

Isaías 55:3

Ningriykichejwan sumajta uyariwaychej, noqamantaj qayllamuwaychej. Uyariwaychej ari kausanaykichejpaj. Qankunawan wiñaypaj uj tratota ruwasaj, imatachus munakuyniywan Davidman nerqani, chayta junt'aspa.

Romanos 6:9

Yachanchej Cristoqa wañusqamanta kausarimuspa, manaña wañunanta. Wañoyqa manaña payta taripanqachu.

Hechos 13:37

Diospa kausarichimusqan Jesustaj mana ismorqachu.

Zacarías 12:8

Noqa Señor waqaychasaj Jerusalempi tiyakojkunata. Aswan kallpayoj kajkunamanta rey David jina kallpasapasman tukonqanku, Davidpa ayllunmanta kajkunataj Dios jina karenqanku, Señorpa angelnin jinataj paykunaj ñaupaqenkuta renqanku.

Amós 9:11

Uj p'unchay jamushan Davidpa ayllunta urmasqamanta sayarichinaypaj. Davidpa yupaychana wasinta sayarichisaj, lajrasninta llup'aykusaj, pampachasqa kasqanmanta oqharisaj, watejmanta sayarichisaj, imaynachus ñaupajta karqa kikinta.

Jeremías 33:26

Mana jayk'ajpis qhesachasajchu Jacobpa mirayninta, nitaj kamachiy Davidpa miraynintapis, nitaj saqesajchu kamachejkunata sayarichiyta, Abrahampa mirayninmanta, Isaacpamanta, Jacobpamantapis; imaraykuchus wijch'usqa kajkunata kutichimusaj, khuyakusajtaj.

2 Samuel 23:5

Chayrayku mirayneyqa Diospi sinch'i sayasqa kashan. Payqa noqawan uj wiñay tratota ruwarqa, sumaj cheqan ruwasqa sumaj segurasqataj. Pay tukuynin atipayta qowan, tukuy munasqasniy imastataj junt'achimpuni.

Oseas 3:5

Chay qhepantaqa, israelitas kutimuspa Señor Diosninkuta mask'anqanku, jinataj reyninku Davidtapis. Qhepa p'unchaykunapeqa, tukuy sonqowan yupaychaypi Señorman qayllaykonqanku, Paypa tukuy khuyakoj imasninmantaj.

Jeremías 30:9

Paykuna noqa Señor Diosninkuta kasuwanqanku, rey kanampaj churasaj chay Davidtapis kasonqanku.

Hechos 2:24

Diostaj, Jesusta wañusqamanta kausarichimorqa, wañuypa nanachiyninmanta kacharichispa; imaraykuchus wañoyqa, atiynimpi mana paytaqa jap'ikapuyta aterqachu. Rey Davidpis, Jesusmanta parlaspa nerqa: Señortaqa ñaupaqeypi rikullanipuni. Payqa pañaypi kashan, amaña kuyurichinawampaj.

Hechos 13:30

Diostaj Jesusta wañusqakunamanta kausarichimorqa.

Hechos 13:33

Israelitakunamanta kasqaykichejrayku, Diosqa palabranta junt'an Jesusta kausarichimuspa, imaynachus iskay kaj salmopipis escribisqa kashan: Qan Churiy kanki; noqa kunan qanta yumayki.