Hechos 13:23 - Qheshwa Biblia DC

²³ Davidpa mirayninmanta nisqanman jina Dios jataricherqa Jesusta, Israelpa Salvajnin kanampaj.

DIOSPA QHELQACHISQAN DEUTEROCANONICAL

²³ Chay nisqanman jinataj Diosqa Davidpa mirayninmanta Jesusta jataricherqa, Israelpa Qhespichejnin kananpaj.

DIOSPA QHELQACHISQ

²³ Chay nisqanman jinataj Diosqa Davidpa mirayninmanta Jesusta jataricherqa, Israelpa Qhespichejnin kananpaj.

Quechua South Bolivia: Dios Parlapawanchej

²³ Chay Davidpa khepa alchhisninmanta Jesús carka. Paytataj Dios churarka israel llajtanta juchamanta cacharichinanpaj sumaj niskanmanjina.

Hechos 13:23 Referans Kwoze

San Mateo 1:1

Jesucristoj ñaupa tatasnimpa mirayninmanta libro. Jesusqa karqa Davidpa ayllunmanta, Abrahampa ayllunmantawan.

Salmos 132:11

Señorqa Davidman uj jatun juramentota ruwarqa; chay juramentotaqa mana p'akenqachu.

Apocalipsis 22:16

Noqa Jesús, angelniyta kachamorqani kay imasmanta iglesiasman willanampaj. Noqa Davidpa saphin, miraynintaj kani, sut'iyaypi lliphipej ch'askataj.

Judas 1:25

Yachayniyoj uj k'ata Dios Salvadorninchejman Señorninchej Jesucristonejta yupaychay kachun, jatun kay, atiy, kamachiy, kunanmantapacha wiñaypa wiñayninkama. Amén.

Hechos 13:32

Ajinata noqaykoqa, evangeliomanta qankunaman willashayku, imatachus ñaupa tatasninchejman Dios qosqaykichej nisqanta.

Romanos 1:3

Chaytaqa, Churin Jesucristomanta willarqa; payqa aychaman jina Davidpa mirayninmanta karqa.

2 Samuel 7:12

Maypachachus kausayniyki tukukapojtin, wañupunkitaj chaypachaqa, mirayniykimanta kajllatataj rey kanampaj churasaj, reinontataj sayachisaj.

1 Juan 4:14

Noqaykutaj rikorqayku, willaykutaj Dios Tata churinta kachamusqanta kay pachapi runaspa Salvajnin kanampaj.

2 Pedro 3:18

Astawampis wiñaychej yanapaypi, Salvador Señorninchej Jesucristoj rejsiynimpiwan. Jatun kay paypaj kachun, kunanmantapacha wiñaypaj wiñaynintinkama. Amén.

2 Pedro 3:2

Yuyariykichej ñaupajta ajllasqa profetaspa nisqankuta, Salvaj Señorpa kamachiyninta ima. Chay kamachiyta apóstoles yachachisorqachej.

2 Pedro 2:20

Cheqamanta, pikunachus Salvaj Señor Jesucristota rejsispa, kay pachapi millay kausaymanta ayqespaña, watejmanta chay juchasman kutiykuspa urman chayqa, paykunaj qhepa kausaynenqa, aswan mana allin ñaupaj kausayninmanta nisqaqa kanqa.

2 Pedro 1:11

Chay jinamanta, Señor Jesucristo Salvadorninchejpa wiñay reinonman yaykunaqa allin, sumaj kichasqa qankunapaj kanqa.

2 Pedro 1:1

Noqa, Simón Pedro, Jesucristoj kamachin apostolnintaj kani. Dios Tataj cheqa kaynimpi, Salvawajninchej Jesucristopitaj, chay sumaj creeyta noqayku jina tarinkichej. Qankunaman kay cartata apachimuykichej.

Tito 1:4

Tito, kay cartata escribimuyki, qanman pichus cheqamanta waway kanki khuska creesqanchejpi. Khuyakuy, sonqo tiyakuy, Dios Tatamanta, Señor Jesucristo Salvadorninchejmantawan qanwan kachun.

Romanos 11:26

Chayrayku tukuy Israel ayllu salvasqa kanqa, imaynachus escribisqa kasqanman jina: Sionmanta uj kacharichej jamonqa, Jacobpa mirayninmantataj mana allin kajta karunchenqa.

Hechos 3:26

Chayrayku Diosqa kamachinta kausarichimuspa, qankunamanraj ñaupajta kachamorqa, bendicisqa kanaykichejpaj, maypachachus sajra kausayniykichejta saqespa Diosman kutirejtiykichej.

Hechos 2:30

Davidqa profeta kaspa yacharqa Dios juramentowan payman parlasqanta; paypa mirayninmantapuni Cristota jatarichinanta, tronompitaj tiyaykukunanta.

San Juan 7:42

Manachu Cristomantaqa yachanchej escribisqaman jina, Davidpa mirayninmanta, Belén llajtamantataj jamunanta?

San Juan 4:42

Warmimantaj nerqanku: Kunanqa creeyku mana qan willawasqaykuraykullachu. Noqayku kikiyku uyariyku yachaykutaj cheqamanta payqa kay mundota Salvaj Cristo kasqanta.

San Lucas 1:69

Noqanchejpaj atiyniyoj Salvadorta oqharerqa, kamachin Davidpa ayllunmanta; imaynatachus ñaupajmanta Dios parlasqanman jina, ajllasqa profetasnimpa siminnejta; enemigosninchejmanta salvanawanchejpaj, tukuy chejniwajninchejpa makisninmantawan.

San Mateo 21:9

Ñaupaqenta qhepanta ima rejkunataj qhaparisharqanku, nispa: Yupaychasqa kachun Davidpa Churenqa! Señorpa sutimpi jamojqa, jatunchasqa kachun! Janaj pachakunapipis yupaychasqallataj kachun!

San Mateo 1:21

Mariataj uj qhari wawata nacichikonqa, sutichankitaj Jesús sutiwan; imaraykuchus pay ayllunta salvanqa juchasninmanta.

Zacarías 9:9

Siompi kaj llajta sinch'ita kusikuy! Jerusalén llajta, takiy kusiywan Reyniyki may justotaj atiyniyojtaj jamusunki, uj llamp'u sonqo jina burropi lloq'asqa. Chay burritoqa, china burroj uñan.

Amós 9:11

Uj p'unchay jamushan Davidpa ayllunta urmasqamanta sayarichinaypaj. Davidpa yupaychana wasinta sayarichisaj, lajrasninta llup'aykusaj, pampachasqa kasqanmanta oqharisaj, watejmanta sayarichisaj, imaynachus ñaupajta karqa kikinta.

Isaías 45:21

Qankuna allinta parlaychej, ruwasqasninkuta rikuchiychej, munankichej chayqa ujkuna ujkuna tapunakuychej: Pitaj qallariymantapacha kay imasta ruwarqari? Pitaj unaymantapacha kay imasta willanri? Manachu noqa Señor chay imastaqa willarqaykichej? Noqamanta astawan waj diosqa mana kanchu. Cheqan Diosqa, tukuy imata atipajqa, manapuni ujpis kanchu; noqalla kani.

Isaías 43:11

Noqa k'atalla Señorqa kani. Noqamanta wajqa mana pipis salvajqa kanchu.

Isaías 11:10

Chaypacha Isaejpa saphinmanta ch'illchejqa, tukuy nacionespaj uj señal kanqa. Chay runastaj payta mask'anqanku; tiyakunantaj lliphipirenqa.

Isaías 11:1

Uj k'ullumanta ch'illchimonqa, chay k'ulloqa Isaí; saphisninmantataj ch'illchimoj wiñallanqataj.

Isaías 7:13

Isaiastaj nerqa: Kunanqa uyariychej, Davidpa mirayninmanta kajkuna. Qankunapajqa runasta sayk'uchinaqa pisichu, Diosniytapis sayk'uchiyta munanaykichejpajqa?

Hechos 4:12

Salvacionqa Jesucristollapi tarikun. Kay pachapi mana waj suti runasman qosqa kanchu, mayqempichus salvasqas kananchejpaj.

Jeremías 30:9

Paykuna noqa Señor Diosninkuta kasuwanqanku, rey kanampaj churasaj chay Davidtapis kasonqanku.