Hechos 12:7 - Qheshwa Biblia DC

⁷ Chayllaman Señorpa angelnin rikhurimorqa, chay ukhumantaj k'anchay junt'aykorqa. Angeltaj Pedrota wajtanninmanta kuyurichispa rijch'aricherqa, nerqataj: Usqhayta jatariy, nispa. Chay kikimpi cadenas makisninmanta urmararqa.

DIOSPA QHELQACHISQAN DEUTEROCANONICAL

⁷ Chayllaman Tukuyta Kamachej Jesuspa angelnin rikhurimorqa, chay carcel ukhumantaj k'anchay junt'aykorqa. Angeltaj Pedrota wajtanninpi takaspa, rijch'aricherqa, nerqataj: Usqhayta jatariy, nispa. Jinapi Pedroj makinpi watasqa cadena ujllata phaskarasqa t'akarakorqa.

DIOSPA QHELQACHISQ

⁷ Chayllaman Tukuyta Kamachej Jesuspa angelnin rikhurimorqa, chay carcel ukhumantaj k'anchay junt'aykorqa. Angeltaj Pedrota wajtanninpi takaspa, rijch'aricherqa, nerqataj: Usqhayta jatariy, nispa. Jinapi Pedroj makinpi watasqa cadena ujllata phaskarasqa t'akarakorqa.

Quechua South Bolivia: Dios Parlapawanchej

⁷ Ajinallaman Dios cachamorka uj willaj angelta. Sumaj c'anchaytaj riqhurerka carcelpi. Chay angeltaj Pedrota maquinwan thalaspa rijch'aricherka. Nerkataj: —¡Jataricuy uskhayta! —nispa. Chayllaman cadenasnin phascaracaporkancu Pedroj maquisninmanta.

Hechos 12:7 Referans Kwoze

Hechos 5:19

Chay tutataj Señorpa ujnin angelnin cárcel punkuta kicharpayarqa, apostolesta jawaman orqhospataj, paykunaman nerqa: Riychej temploman, chaypitaj runasman willaychej tukuy kay kausay palabrasmanta.

Hechos 16:26

Ujllata jallp'a sinch'ita kuyurerqa. Carcelpa cimientosnintataj thalarerqa, kikimpachataj punkus kicharikorqanku. Tukuy presosmantataj cadenas phaskakorqanku.

Salmos 146:7

Justiciata ruwan sinch'i llakichisqasman, yarqhasqa kajkunaman mikhuchin. Carcelpi kajkunata kacharichin.

Salmos 107:14

Chay ukhu laqhamanta orqhorqa, preso kasqankumantataj librarqa.

Salmos 34:7

Señorpa angelnin jark'an, salvantaj tukuy payta yupaychajkunata.

Hechos 10:30

Corneliotaj nerqa: Tawa p'unchayña kashan, kay horata jina, kay wasipi ayunasharqani, chaupi p'unchayta jina. Diosmanta mañakushajtiy, chayllaman uj qhari ñaupaqeypi rikhurerqa lliphipej p'achayoj.

Efesios 5:14

Ninkumin: Puñuyniykimanta rijch'ariy, sayariytaj wañusqakunamanta, Cristotaj k'anchaykusonqa, nispa.

Hechos 2:24

Diostaj, Jesusta wañusqamanta kausarichimorqa, wañuypa nanachiyninmanta kacharichispa; imaraykuchus wañoyqa, atiynimpi mana paytaqa jap'ikapuyta aterqachu. Rey Davidpis, Jesusmanta parlaspa nerqa: Señortaqa ñaupaqeypi rikullanipuni. Payqa pañaypi kashan, amaña kuyurichinawampaj.

San Lucas 24:4

Chayrayku, manchachikuspa mana ni imanakuyta atishajtinku, paykunaj qayllankupi iskay qharis rikhurerqanku, lliphipishaj p'achasniyoj.

San Lucas 2:9

Jinallapi Señorpa angelnin rikhurerqa, k'anchaynintaj paykunata muyuykorqa, anchatataj mancharikorqanku.

Miqueas 7:9

Señorpa contrampi juchallikuni, chayrayku phiñakuyninta ñak'arillasaj; chaykamaqa. Pay justiciata ruwawanqa juchayoj kasqaymantaqa. Señor pusawanqa k'anchayman rikuchiwanqataj atipayninta.

Daniel (hebreo) 6:22

Diosniymin angelninta kachamorqa, paytaj leonespa siminkuta wisq'aykurarqa, mana imananawankupaj, imaraykuchus Dios yachan mana ima juchayoj runa kasqayta, yachallantaj mana ima sajratapis ruwasqayta contraykitaqa, reyníy.

1 Reyes 19:7

Señorpa angelnintaj kutimorqa, chimpaykuspataj, nerqa: Jatarikuspa mikhuy, imaraykuchus karutaraj rinayki kanman.

Hechos 12:23

Chay kikimpitaj Señorpa angelnin Herodesta nanaykucherqa, Diosta mana jatunchasqanmanta. Khuruspa mikhusqantaj wañorqa.

Hechos 9:3

Ñanta rishaspa Damasco llajtaman qayllashajtinña, cielomanta ujllata uj k'anchay Saulota muyuykorqa.

Habacuc 3:4

Lliphipej k'anchaypi mayt'usqa jamun, makisninmantataj k'anchaykunas llojsimunku rikuchispa Paypi chay pakasqa atiyninta.

Ezequiel 43:2

Rikorqani inti llojsimuy ladomanta Señorpa k'anchaynin jamushajta. Uj jatun sonay uyarikorqa jatun mayoj sonaynin jina, jallp'ataj lliphiperqa chay k'anchaywan.

Isaías 60:1

Sayarikuy, lliphipiy, imaraykuchus k'anchayniykeqa llojsimunña, Señorpa k'anchaynenqa qanman chayamusunkiña.

Salmos 116:16

Señor noqa kamachiyki kani, warmi kamachiyki kani, warmi kamachiykej wawan kani, watawasqanku lazota qan phaskarawanki.

1 Reyes 19:5

Retama sach'a urapi winkuspa puñurpariporqa. Chaymantataj Señorpa uj angelnin chimpaykuspa, nerqa: Jatarikuy mikhuytaj, nispa.

Apocalipsis 18:1

Kay imas qhepata waj angelta rikorqani janaj pachamanta uraykamushajta, jatun atiywan. Kay pachataj lliphiperqa angelpa k'anchayninwan.

Hebreos 1:14

Manachu tukuynin espíritus kamachis kanku, Diospa kachamusqasnin, salvacionta chayaqepaj jap'ejkunata yanapanankupaj?

Hechos 12:6

Herodes orqhochimunan kashajtin, chay tuta Pedro iskay soldadospa chaupimpi puñusharqa, iskay cadenaswan watasqa. Waj soldadostaj cárcel punkuta qhawasharqanku.

Habacuc 3:11

Inti jinataj killapis pakakunankumanta mana llojsimunkuchu, chay wach'inaspa sinch'i lliphej k'anchayninrayku, jinataj lanzampa lliuj lliuj jina k'anchayninrayku.

Isaías 37:30

Isaiasqa Ezequiasman nillarqataj: Qankunapajqa kay uj señal kanqa: Kunan wata, qhepan watatawan k'ipa poqoj trigota mikhunkichej. Kinsa watamantataj qankunaqa tarpunkichej, cosechankichej, uva sach'astapis wiñachinkichej, chaymantataj poqoyninta mikhunkichej.

2 Samuel 22:29

Qan, Señoríy, k'anchayniy kanki; qan, Diosníy, laqhayaypi k'anchaykuwanki.

Salmos 68:6

Diosqa wajcha runasman, wasita qon tiyakunampaj. Presos kajkunata orqhospa qhapajyachin. K'ullukojkunari mana poqoj qhasi pampapi tiyakonqanku.

Jeremías 40:1

Señorqa Jeremiasman parlallarqataj chay soldados ukhumanta kamachej Nabuzaradán, Ramá llajtapi Jeremiasta preso kayninmanta kacharichisqanmanta qhepaman. Nabuzaradanqa cadenawan ch'ipasqata tariparqa Jerusalén llajtapi, jinataj Judapipis pischus Babiloniaman wijch'usqas karqanku chaykuna ukhupi.

Daniel (hebreo) 3:28

Chay ratopi Nabucodonosor jatunmanta qhaparerqa: Yupaychasqa kachun Sadracpata, Mesacpata, Abed-negojpatawan Diosninkoqa. Pay angelninta kachamorqa salvanampaj. Paykunaqa mana junt'arqankuchu reypa kamachisqanta. Astawampis wañuyta munarqanku manapuni munaspa, paykunaj Diosninkumanta waj diosman qonqorikuyta, yupaychaytataj!

San Mateo 2:13

Yachaysapa runas ripusqankumanta, Señorpa angelnin Joseman rikhurerqa mosqoypi, nerqataj: Jatarikuy, wawata mamantawan pusarikuspa, ayqey Egipto jallp'aman. Chaypitaj qhepakunki noqa ujtawan willasunaykama. Herodesqa wawata mask'anqa wañuchinampaj.

Hechos 12:8

Chaymanta ángel nillarqataj: Chumpiykita mat'iykukuy, ujut'asniykitapis churakuy, nispa. Pedrotaj ajinata ruwarqa, angeltaj payman nerqa: Kunanqa qhataykukuspa noqata qhatiway.