Hechos 10:36 - Qheshwa Biblia DC

³⁶ Uyariychej, Dios Israelpa churisninman palabranta parlasqanta, apachimorqa Jesucristonejta sonqo tiyakuy kasqanta willaspa, paytaj tukuypa Señornin.

DIOSPA QHELQACHISQAN DEUTEROCANONICAL

³⁶ Uyarinkichejña Dios Israelpa mirayninman kay sumaj willayta willasqanta: Payqa runakunata paywan allinyachin Jesucristonejta, pichus Tukuyta Kamachej kashan, chaynejta.

DIOSPA QHELQACHISQ

³⁶ Uyarinkichejña Dios Israelpa mirayninman kay sumaj willayta willasqanta: Payqa runakunata paywan allinyachin Jesucristonejta, pichus Tukuyta Kamachej kashan, chaynejta.

Quechua South Bolivia: Dios Parlapawanchej

³⁶ Dios willarka israel runasninman paywan allinyacuyta atinancuta Jesucristopi jap'icuspa. Payka atiyniyoj Señormin, tucuy runastataj camachin.

Hechos 10:36 Referans Kwoze

San Mateo 28:18

Jesustaj qayllaykuspa, paykunata parlapayarqa: Noqa tukuy atiyniyoj kani, janaj pachapi, kay pachapipis.

Hechos 2:36

Chayrayku tukuy Israel runakuna, cheqamanta yachachunku, kay Jesusta pitachus cruzpi chakatarqankichej, payta Dios churarqa Señor kanampaj, Cristotaj.

Apocalipsis 17:14

Kaykunaqa Corderoj contrampi maqanakonqanku. Corderotaj paykunata atipanqa. Payqa señorkunaj Señornin, reyespa Reynintaj. Paywan kajkunarí wajyasqas, ajllasqas, junt'ajkunataj kanku.

Apocalipsis 1:18

Noqa kani kausaj, wañusqataj karqani, kunantaj wiñay wiñaypaj kausashani. Wañuypa llavesnintapis, infiernoj llavesnintawan noqa jap'ini.

1 Pedro 3:22

Jesucristotaj janaj pachaman riporqa, chaypitaj Diospa pañampi tiyasqa kashan. Paypa munaynimpi kanku angelkuna, kamachejkuna, atiykunapis.

1 Corintios 15:27

Diosqa, Cristoj chakisnin uraman tukuy imata churarqa; imaynatachus nerqa paypa chakisnin uraman tukuy imata churasqanta. Chakisnin uraman churajtaj Dios. Paytaj mana chakisnin urapichu.

Apocalipsis 19:16

P'achampi moqon patanejpi escribisqa sutiyoj karqa: reykunaj Reynin, señorkunaj Señornintaj.

Hebreos 13:20

Sonqo tiyachej Diosqa, pichus wañusqakunamanta kausarichimorqa Señorninchej Jesucristota, ovejaspa jatun michejninta, wiñay tratoj yawarnimpi, tukuy ima allin ruwaypi qankunata wakichichun, paypa munayninta ruwanaykichejpaj. Ajinata qankunapi pay ruwachun imachus ñaupaqempi allin kajta Jesucristonejta. Payman janaj pacha k'anchay kachun, wiñaypa wiñayninkama. Amén.

1 Corintios 15:47

Ñaupaj kaj runaqa jallp'amanta ruwasqa karqa, jallp'a runa; qhepan kaj runataj janaj pachamanta.

Romanos 14:9

Cristoqa kaypaj wañorqa, kausarimorqataj. Watejmantataj kausashan wañusqaspata, kausajkunajtawan Señorninku kanampaj.

Hechos 13:46

Pablowan Bernabewan mana manchachikuspa, paykunaman nerqanku: Diospa palabranta qankunamanraj willanayku karqa. Qankunataj qhesachankichej, nitaj wiñay kausaytapis jap'iyta munankichejchu. Chayrayku kunanqa waj llajtayoj runasman ripusqayku.

Hechos 13:32

Ajinata noqaykoqa, evangeliomanta qankunaman willashayku, imatachus ñaupa tatasninchejman Dios qosqaykichej nisqanta.

Hechos 11:19

Estebanta wañuchiytawan waj creejkunatañataj ñak'arichiyta qallarerqanku. Chayrayku ch'eqerakorqanku Feniciaman, Chipreman, Antioquiaman ima. Evangeliomantataj willarqanku judiosllaman, manataj pimampis astawanqa.

Hechos 5:31

Diostaj atiyninwan Jesusta jatunman churarqa, kamachinampaj, salvanampajtaj. Diosqa munarqa Israel runakuna juchasninkuta saqespa Diosman kutirinankuta, juchasninku pampachasqa kanampaj.

San Lucas 24:47

Sutimpitaj willakunan tiyan Diosman kutirinamanta; juchas pampachasqas kanankuta tukuynejpi, Jerusalenmanta qallarispa.

San Mateo 11:27

Tatayqa, tukuy imata noqaman qowarqa. Mana pipis Churinta rejserqachu, Dios Tatalla rejserqa; Dios Tatatapis nillataj pipis rejserqachu, Churillan paytaqa rejserqa; pimantajchus Chureqa rejsichiyta munanman, chaylla.

San Mateo 10:6

Manachayqa riychej Israel wasimanta chinkasqa ovejasman.

Malaquías 3:1

Tukuy Atiyniyoj Señorqa nin: Willarajniyta kachamusaj, ñanta wakichipunawampaj. Mask'ashankichej chay Señorqa ujllata temploman yaykonqa. Chay munasqaykichej tratomanta willarajqa chayamushanña.

Miqueas 5:2

Qantajrí Efratamanta Belén, Judapi llajtas kajmanta aswan juch'uy kanki, qanmantamin llojsenqa Israelta kamachejqa unay aylloj mirayninmanta.

Oseas 1:7

Judáj reinonmantarí khuyakusaj, noqa kikiy Señor Diosninku paykunata salvasaj. Pero salvasaj chayqa manamin maqankupichu, nitaj wach'inawanchu nitaj t'ojsinawanchu nillataj caballospi lloq'ajkunawanchu, nispa.

Isaías 57:19

Señorqa nin: Noqa paykunata asirichisaj; karupi kajkunapaj, qayllapi kajkunapajpis sonqo kausay kanqa. Ima nanayninmantapis noqa thañichisaj.

Isaías 55:12

Qankunaqa kusisqas jaqaymanta llojsimunkichej, sonqo junt'asqastaj kutimunkichej. Orqoswan, lomaswanqa qankunaj ñaupaqeykichejpi maytapuni takirenqanku. Tukuy campopi sach'aspis mayta t'ajllarikonqanku.

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Isaías 7:14

Kikin Señormin señalta qosonqachej. Qhawariychej, manaraj qharita rejsej sipas wijsallikun, nacechikuspataj, wawanta Emanuelta sutichanqa.

Salmos 72:7

Kamachinan p'unchaykunapi sonqo tiyasqa kay, cheqan kaypis allin kachun, manaña killa kanankama.

Salmos 45:11

Reyqa munan k'achita kasqaykita, pay Señorniyki, Payta kasunayki tiyan.

Salmos 45:6

Tiyanaykeqa, Diosníy, wiñaypaj. Kamachisqaykeqa cheqampuni.

Hebreos 1:2

Kay qhepa p'unchaykunapitaj Churinnejta parlamuwarqanchej; paytataj churarqa tukuy imamanta chayaqeyoj kanampaj; paynejtataj tukuy mundontinta ruwarqa.

Colosenses 1:20

Dios munarqa pay kikinwan allinyachiyta tukuy imata Cristonejta, jallp'api kajkunata, jinallataj janaj pachapi kajkunatapis; sonqo tiyakuy kanampaj Jesuspa yawarninrayku, cruzpi wañusqanraykutaj.

San Lucas 1:79

Jamorqa laqhapi tiyakojkunata k'anchanampaj, wañuy llanthupi kajkunatapis; purinasninchejta cheqanchaspa, sonqo tiyakuyta qonawanchejpaj.

Hechos 10:37

Qankuna yachallankichejtaj tukuy Judeapi imachus kasqanta, Galileamantapacha qallarispa, Juan bautismomanta willasqanmanta qhepaman.

Romanos 5:1

Fenejta salvasqas kaspa, Dioswan allinyachisqas kanchej, Señorninchej Jesucristonejta.