Hechos 10:34 - Qheshwa Biblia DC

^34-35 Chaymantataj Pedro parlayta qallarerqa: Cheqamanta yachani, Diosqa mana runaj rijch'ayninta qhawaspachu runataqa ajllan, manachayqa, ima laya runa ukhupipis, pichá Diosta manchachikoj, cheqa kajtataj ruwaj runamin Diospajqa munasqa.

DIOSPA QHELQACHISQAN DEUTEROCANONICAL

³⁴ Chantá Pedro parlayta qallarerqa: Cheqatapuni reparani Diosqa mana wakillantachu allinpaj qhawasqanta.

DIOSPA QHELQACHISQ

³⁴ Chantá Pedro parlayta qallarerqa: Cheqatapuni reparani Diosqa mana wakillantachu allinpaj qhawasqanta.

Quechua South Bolivia: Dios Parlapawanchej

³⁴ Chanta Pedroka paycunaman parlaspa nerka: —Cunan chekamanta yachani may llajtayoj runaspis Diospajka quiquillanpuni caskancuta.

Hechos 10:34 Referans Kwoze

Romanos 2:11

Diosqa mana runaj rijch'aynillantachu qhawan, astawanqa tukuyta uj rejta qhawan.

2 Crónicas 19:7

Ajinaqa, Señorta manchachikoyqa qankunapi kachun, allintataj imatachus ruwashasqaykichejta qhawakuychej, imaraykuchus Señor Diosniykichejqa manamin mana allin kajtaqa qhawallanchu. Payqa mana ujllamanchu kutikun, nitaj lluk'ichikunchu.

Deuteronomio 10:17

Señor Diosniykichejqa dioskunaj Diosnin, señorkunaj Señornin. Payqa jatun Dios, atiyniyoj manchachikunataj. Tukuyta kikin munakuyllawan qhawan. Ni ima t'inkaswampis rantichikunchu.

Colosenses 3:25

Pichá sajrata ruwajqa, sajrallatataj jap'enqa, imaraykuchus Diosqa mana runaspa rijch'aynillantachu qhawan.

Job 34:19

Payqa mana kamachejkuna jinachu, mana qhapaj runasllamanchu, nitaj wajcha runasllamanchu sayakun, imaraykuchus paymin tukuyninkuta ruwarqa.

1 Pedro 1:17

Tataykichejta jinachus Diosta yupaychankichej chayqa, manchachikuspa puriychej tukuy kausayniykichejpi, waj llajtayojpis kawajchej jina. Diosqa runasta mana runaspa rijch'ayninman jinachu juzgan. Manachayqa, sapa ujta ruwasqasninman jina juzgan.

Efesios 6:9

Qankunapis kamachejkuna, kikillantataj kamachisniykichejwan allinta kausakuychej, ama paykunata manchachispa. Yachaychej, qankunatapis paykunatapis janaj pacha Señor kamachin, imaraykuchus payqa mana runaj rijch'aynillantachu qhawan.

San Lucas 20:21

Paykuna taporqanku: Maestro, yachayku allinta nisqaykita, cheqantataj yachachisqaykita; manataj runaj rijch'asqanman jinachu ruwanki; chantapis Diospa ñanninta cheqata yachachinki.

Santiago 2:9

Runasta imaynachus kasqankuta ajllankichej chayqa, juchallinkichej. Diospa leynimpa ñaupaqempitaj juchachasqas kankichej, leyta p'akejkuna jina.

Colosenses 3:11

Mana kanchuña griego, judío, circuncidasqa, mana circuncidasqa, mana llajtayoj runa, k'ita runa, kamachipis, mana kamachipis. Manachayqa Cristomin tukuy ima, tukuypitaj kashan.

Gálatas 2:6

Kurajkunapaj qhawasqa karqanku chaykunaqa, mana ima mosojtapis willarqaykuchu; imaraykuchus ñaupajta imaynachus karqanku chaymanta mana ima ruwanay tiyanchu, Diosqa mana runaj rijch'aynintachu qhawan.

Santiago 2:4

Manachu chayta ruwaspaqa, qankunapura ajllashankichej? Manachu jueces jina kankichej sajra yuyaykunamantaqa?

Deuteronomio 16:19

Ama justiciataqa cheqan kajmanta karunchachinkichejchu, amataj wakillanman kutikunkichejchu. Ama qolqetapis lluk'ichikunkichejchu. Chay lluk'iykunaqa aswan yachayniyoj runastapis pantaykuchin, cheqan runaspa nisqasnintapis waj jinaman tukuchin.

San Mateo 22:16

Paykunataj kacharqanku partenkumanta kajkunata, herodianostawan; Jesusman nimunankupaj: Maestro, yachayku qan cheqan sonqo kasqaykita, Diospa ñanninta cheqanta yachachisqaykita; mana runaj parlasqanta kasuspa. Qanqa mana runaj rijch'aynillantachu qhawanki.

San Mateo 5:2

Chantá Jesús yachachiyta qallarerqa ajinata:

Hechos 8:35

Felipetaj yachachiyta qallarerqa. Kay escrituramantapacha qallarispa willarqa Jesusmanta.

Deuteronomio 1:17

Justiciata ruwaspaqa ama wakillanman kutikunkichejchu; juch'uymampis jatunmampis uj rejta ruwaychej. Ama pitapis manchachikuychejchu. Uj rejta cheqanchaj juezqa Dioslla. Sichus wakin imasta mana ruwayta atinkichejchu chayqa, noqaman kachamuwaychej. Noqa chaytaqa cheqanchasaj.

Hechos 10:33

Chay kikimpachataj qanman kachamorqani. Qantaj allinta ruwanki kayman jamuspa. Kunanqa tukuyniyku kaypi kakushayku, Dios imatachus kamachisusqanta noqaykuman willanawaykupaj.

Hechos 15:9

Diosqa gentilesta munakun, noqanchejta jinallataj. Paykunaj sonqosninkutapis juchamanta llimphuchan creesqankurayku.

Romanos 3:29

Diosqa judiospa Diosnillanchu? Manachu gentilespatapis Diosnillantaj? Cheqamanta paykunajtapis Diosnillantaj.

Santiago 2:1

Hermanosníy, feniykichej janaj pachapi kaj Señorninchej Jesucristopi kachun; ama runasta imaynachus kasqankuta qhawaspalla.