Hechos 1:8 - Qheshwa Biblia DC

⁸ Manachayqa Santo Espíritu qankunaman jamojtin, atiyta jap'inkichej. Rispataj, noqamanta imatachus yachasqaykichejta willankichej Jerusalempi, tukuy Judea jallp'api, Samariapi, tukuy kay pachaj cantosnintimpi ima.

DIOSPA QHELQACHISQAN DEUTEROCANONICAL

⁸ Manachayqa Santo Espíritu qankunaman jamuspa, pay atiyta qosonqachej. Chantá rispa, qankuna noqamanta testigo jina willankichej Jerusalenpi, tukuy Judea jap'iypi, Samariapi, jinallataj tukuy kay pachaj k'uchunkama, nispa.

DIOSPA QHELQACHISQ

⁸ Manachayqa Santo Espíritu qankunaman jamuspa, pay atiyta qosonqachej. Chantá rispa, qankuna noqamanta testigo jina willankichej Jerusalenpi, tukuy Judea jap'iypi, Samariapi, jinallataj tukuy kay pachaj k'uchunkama, nispa.

Quechua South Bolivia: Dios Parlapawanchej

⁸ Kancunapi Santo Espíritu tiyacojtinrí atiyninta jap'inquichej nokamanta willajcuna canayquichejpaj. Ajinapi willanayquichej tiyan Jerusalén llajtapi, tucuy Judea jallp'api, Samaria jallp'api, cay jallp'aj tucucuynincamapis.

Hechos 1:8 Referans Kwoze

San Mateo 28:19

Chayrayku riychej, tukuy laya runasta yachachisqasniyman tukuchimuychej, bautizaspa Dios Tataj sutimpi, Churej sutimpi, Santo Espíritoj sutimpiwan, yachachispataj qankunaman kamacherqaykichej chayta, paykunapis waqaychanankupaj. Chantá yachaychej, noqa qankunawan tuta p'unchay kasqayta, kay pacha tukukunankama. Amén.

Marcos 16:15

Jesustaj nerqa: Riychej tukuy mundoman, evangeliota willamuychej tukuy runasman.

Romanos 15:19

Milagroswan, señaleswan, Santo Espíritoj atiyninwan ima, Cristoj evangelionta junt'achini; Jerusalenmanta, tukuynejman Ilírikoj muyuyninkama.

Hechos 5:32

Noqaykutaj tukuy imasta rikuyku, ajinallatataj Diosqa Santo Espirituta qorqa pikunachus payta kasojkunaman.

Hechos 4:33

Apostolesqa imatachus yachasqankuta manchay atiywan willasharqanku, Señor Jesuspa kausarimpusqanmanta. Diostaj ashkhata yanapaj tukuyninkuta.

Hechos 6:8

Estebantaj Diospa yanapayninwan, atiyninwan ima junt'a kaspa, milagrosta, señalesta ima runakuna chaupipi ruwasharqa.

Romanos 10:18

Chanta nini: Manachu uyarerqanku? Arí, uyarerqankupuni, imaraykuchus paykunaj willasqankoqa tukuynejman chayarqa, kay pachaj cantosninkama.

San Juan 15:27

Qankunapis noqamanta willankichej imaraykuchus qallariymantapacha noqawan karqankichej.

San Lucas 10:19

Kunanqa atiyta qoykichej, catarista, atoj atojkunatapis sarunaykichejpaj; enemigoj tukuy kallpantapis atipanaykichejpaj; manataj imapis imanasonqachejchu.

San Mateo 24:14

Janaj pacha reinomanta evangelio tukuynejpi willasqa kanqa, tukuy laya runaspaj testigo kanampaj; chaypachamá tukukoyqa jamonqa.

Hechos 2:32

Diosqa, kay Jesusta wañuymanta kausarichimorqa. Tukuyniyku kay tukuy imasta rikorqayku.

Zacarías 4:6

Chaypi nillawarqataj: Kayqa, Señormanta uj willay Zorobabelman: Atipayqa mana maqanakojkuna soldadoswanchu, nitaj kallpaywanchu, manachayqa Espirituwanmin, nin Tukuy Atiyniyoj Señor.

Hechos 22:15

Qanqa Jesusmanta runasman willamunki imatachus rikusqaykita, uyarisqaykitawan.

Miqueas 3:8

Noqatatajri Diospa espíritun atiywan junt'achiwan, justiciawan, kallpawantaj, uyanchanaypaj Israelpa mana kasukoj, juchayojtaj kasqanta.

Salmos 22:27

Tukuy laya runas, tukuy llajtas, tukuy kay pachamanta runas, Señormanta yuyarikuychej, payman jamuychej, qonqorikuychejtaj ñaupaqempi.

Hechos 13:31

Ashkha p'unchaykunataraj rikuchikorqa, Galileamanta paywan khuska Jerusalenkama wicharejkunaman. Kunan paykuna Jesusmanta willanku runakunaman.

San Lucas 1:35

Angeltaj kuticherqa: Santa Espíritu qanman jamonqa, Diospa atiynintaj llanthusonqa; nacej wawaqa ajllasqa sutichasqa kanqa Diospa Churin.

Hechos 3:15

Ajinata qankunaqa wañucherqankichej kausayta qojta. Diostaj paytaqa wañusqamanta kausarichimorqa, noqaykutaj chay rikusqaykuta willayku.

Isaías 52:10

Señor atiyninta rikuchin tukuy nacionespa ñaupaqempi. Tukuy kay pachapi yachanqanku Diosninchejpuni salvawasqanchejta.

Colosenses 1:23

Cheqamanta saphinchasqas sinch'ita sayaychej, fepi mana kuyuspa, evangelioj yuyayninta uyarisqaykichejpi. Kay evangeliomanta tukuy kay pachapi kajkunaman willakun. Noqa Pablopis chay evangeliomanta willanaypaj churasqa kani.

Hechos 1:22

Payqa willanqa, qallarispa Juan bautizasqanmantapacha, mayk'ajchus Jesús janaj pachaman ripusqankama.

Isaías 66:19

Paykunaj chaupinkuman uj señalta churasaj. Paykunamanta ujnin ayqekoj kajtataj kay nacionesman kachasaj: Tarsisman, Libiaman, flechayta yachaj Lidiaman, chantaqa, Tubalman, Greciaman, mar qocha cantospi karupi tiyakojkunaman. Paykuna noqamanta mana yachankuchu, manataj k'anchayniytapis imaynachus kasqanta rikunkuchu. Chaykunaman ima kachasaj. Imaynachus atiyniy kasqanta paykuna tukuy nacionesman willanqanku.

Isaías 49:6

Chanta payqa niwarqa: Kamachillay kanaykeqa mana allinchu, Jacobpa ayllusninta kutirichimunallaykipajqa, Israelmanta puchojkunata kutirichimunallaykipajqa. Astawampis nacionespa k'anchaynin kanaykipaj churayki, salvacionniyta apanaykipaj, karu jallp'aspi kajkunasnintinman.

Hechos 8:1

Saulotaj qhawallarqa Estebanta wañuchinankuta. Chay p'unchaykunapi Jerusalén iglesiaj contranta oqharikorqanku ñak'arichinankupaj. Tukuynin creejkunataj tukuynejman ch'eqerakorqanku Judeaman, Samariaman ima. Apostolesllaña qhepakorqanku Jerusalempi.

Isaías 42:10

Uj mosoj takiyta Señorman takiychej. Tukuynin jallp'aj tukukuyninmantapacha payta yupaychaychej, mar qochapi purejkuna, chay qochapi animales kajkuna ima, qocha chaupipi kaj churu llajtas, chay llajtaspi tiyakojkuna ima.

Salmos 98:3

Payqa Israel ayllunrayku munakuyninta, cheqa kaynintawan mana qonqanchu. Kay pachapi kaj chhika runakuna, Diosninchejpa atipasqanta rikunku.

San Lucas 24:29

Paykunataj jark'arqanku Jesusta: Qhepakuy ari noqaykuwan, intipis yaykushanña, ch'isiyamonqaña, nispa. Jesustaj yaykuspa paykunawan qhepakorqa.

Jeremías 16:19

Señorníy, qanmin kallpayqa, waqaychawajniytaj kanki, ñak'ariy ratospi qanllamin pakawajniy kanki. Qanman tukuy naciones jamonqanku. Kay pachaj cantosninmantapacha nisonqanku: chay qhasi dioskunallatamin mana atiyniyojkunata, chay mana imapaj allinchu kajkunata ñaupa tatasniyku chayaqenkupaj jina jap'erqanku.