Hechos 1:15 - Qheshwa Biblia DC

^15-16 Chay p'unchaykunallapitaj creejkuna tantakorqanku tukuyninkupi, pachaj iskay chunkayoj jina. Sayaykuspataj Pedro paykunaman nerqa: Hermanosníy, escribisqapi nisqan junt'akunampuni karqa, imatachus Santo Espíritu Davidpa siminnejta Judasmanta nerqa. Chay Judasqa runasta pusarqa Jesusta jap'inankupaj.

DIOSPA QHELQACHISQAN DEUTEROCANONICAL

¹⁵ Chay p'unchaykunallapitaj wawqe panakuna tantakorqanku, uj pachaj iskay chunkayoj jina. Chantá Pedro sayariytawan, paykunata nerqa:

DIOSPA QHELQACHISQ

¹⁵ Chay p'unchaykunallapitaj wawqe panakuna tantakorqanku, uj pachaj iskay chunkayoj jina. Chantá Pedro sayariytawan, paykunata nerqa:

Quechua South Bolivia: Dios Parlapawanchej

¹⁵ Pedroka chay p'unchaycunapi Jesuspa yachacojcunanpa chaupincupi sayaycucorka. Cristopi chay hermanoska carkancu pachaj iscay chuncayojjina. Pedrotaj nerka:

Hechos 1:15 Referans Kwoze

1 Corintios 15:6

Chay qhepata hermanosman rikhurillarqataj phishqa pachaj kurajman tantasqa kashajtinku. Chaykunamanta ashkhasraj kausashanku, wakintaj wañurankuña.

Apocalipsis 11:13

Chay horapitaj manchay jallp'a ikhakuy karqa, llajtaj chunka kaj t'aqantaj urmarqa. Jallp'aj ikhakuynimpitaj qanchis waranqa runa wañorqa, wajkunataj manchariywan janaj pachapi kashaj Diosta yupaycharqanku.

Hechos 21:20

Chayta uyarispataj Diosta yupaycharqanku, nerqankutaj: Hermano, qan kikiyki yachashanki, may chhika waranqa judíos creejkuna kasqankuta. Tukuyninkutaj Moisespa leynintapuni kasuyta munanku.

San Juan 21:23

Chay nisqata hermanos ukhupi willakorqa jaqay yachachisqa mana wañunan kasqanta. Jesustaj mana imatapis nerqachu, mana wañonqachu nispa. Astawanqa nerqa: Sichus kutimunaykama pay qhepakunanta munani chayqa, imá dakusunki qanmanri?

Apocalipsis 3:4

Pisi runas kanku Sardispi p'achankuta mana ch'ichichajkuna. Paykunaqa yuraj p'achaswan p'achallisqas noqawan purenqanku, chaypaj jina kasqankurayku.

San Juan 14:12

Cheqamanta, cheqamanta niykichej: Noqapi creejqa, noqaj ruwasqayta paypis ruwallantaj; astawanqa kuraj ruwanastapis ruwanqa, imaraykuchus noqa Dios Tataman rishani.

San Lucas 22:32

Noqataj mañakuni feniyki ama pisiyanampaj. Qantaj noqaman kutirimuspa kallpachay wauqesniykita.

San Mateo 13:31

Jesusqa, waj rijch'anachina yachachiyta paykunaman willarqa: Janaj pacha Diospa reinonqa rijch'akun uj mostaza mujuman, mayqentachus uj runa jallp'ampi tarporqa, chayman.

Hechos 10:23

Pedrotaj kachasta wasi ukhuman pusaykorqa, chaypitaj chay tuta puñorqanku. Q'ayantintaj sayariytawan, paykunawan rerqa. Jopepi tiyakoj wakin hermanospis paykunawan rillarqankutaj.

Hechos 11:1

Judeapi kajkuna apóstoles, hermanoswan ima uyarerqanku mana judíos kajkunapis Diospa palabranta jap'isqankuta.

Hechos 11:12

Santo Espiritutaj kamachiwarqa ama iskayrayaspa paykunawan rinayta. Kay sojta wauqespis noqawan rillarqankutaj Cesareaman, tukuyniykutaj Cornelioj wasinman yaykorqayku.

Hechos 11:26

Chay iglesiapitaj uj wata junt'ata karqanku, ashkha runasman yachachispa. Chaypacha Antioquiapi qallarerqanku creejkunata, cristianos nispa, sutichayta.

Hechos 11:29

Creejkuna taj nerqanku, sapa uj kapusqanman jina qolqeta tantaspa, apachinankuta Judeapi kaj hermanosman. Ajinata ruwaspa chay qolqeta apacherqanku Bernabewan, Saulowan ima iglesiapi ancianosman.

Hechos 12:17

Pedrotaj makinwan ch'inyachispa, paykunaman willarqa imaynatachus Señor carcelmanta orqhomusqanta. Nerqataj: Chay tukuy imasmanta Santiagoman willamuychej, hermanosman ima, nispa. Chaymanta llojsispataj waj cheqaman riporqa.

Hechos 14:2

Mana creej judiostaj, gentilesta yachaykuchispa hermanospa contrampi oqharicherqanku.

Hechos 15:1

Chaypacha Judeamanta jamojkuna, Antioquiapi hermanosman yachachiyta qallarerqanku: Sichus Moisespa leyninman jina, mana circuncidakunkichejchu chayqa, mana salvasqas kayta atinkichejchu.

Hechos 15:3

Antioquía iglesiataj paykunata kacharpayarqa. Paykunataj rerqanku Fenicianejta, Samarianejta ima, creejkunaman willaspa, imaynatachus gentilespis Diosman kutirikusqankuta. Tukuy hermanostaj maytapuni kusikorqanku chayta uyarispa.

Hechos 16:2

Listrapi Iconiopi tiyakoj hermanosqa, allinta parlaj kanku Timoteomanta.

Hechos 16:40

Pablowan Silaswantaj, carcelmanta llojsispa, Lidiaj wasinman rerqanku. Hermanosta rikuspataj, paykunata sonqochaspa riporqanku.

Hechos 17:6

Paykunata mana tarispataj, Jasonta wakin hermanostawan pusarqanku llajta kamachejkunaman. Qhaparispataj nerqanku: Kaykunaqa tukuynejpi runasta ch'ajwachinku. Kunanqa kaymanñataj jamusqanku.

Hechos 17:10

Chay tutapacha, hermanosqa kacharpayarqanku Pablota Silastawan Bereaman. Jaqayman chayaspataj, judiospa sinagoganman yaykorqanku.

Hechos 17:14

Chay kikimpachataj hermanosqa Pablota kacharpayarqanku, qochaj cantonman rinampaj. Silaswan Timoteowantaj Bereapi qhepakorqanku.

Hechos 18:18

Pabloqa unaytaraj Corintopi qhepakorqa. Chaymantataj hermanosta saqespa, botepi riporqa Siriaman, Priscilawan Aquilawan khuska. Cencrea llajtapitaj, manaraj boteman wicharishaspa Pabloqa chujchanta k'utuchikorqa, ruwasaj nisqanta junt'anampaj.

Hechos 18:27

Apolosqa Acayaman riyta munashajtintaj, Efesopi hermanosqa payta kallpacharqanku; cartataj creejkunaman apacherqanku, Apolosta tukuy sonqo jap'inankupaj. Acayaman chayaspataj payqa, Diospa khuyakuyninrayku, creejkunata mayta yanaparqa.

Hechos 21:7

Tiromanta llojsispa Tolemaidaman chayarqayku. Ajinapi tukucherqayku jatun qochanejta puriyniykuta. Chaypi kaj hermanosta yanapaykorqayku, paykunawantaj uj p'unchayta qhepakorqayku.

Hechos 21:17

Jerusalenman chayajtiykutaj, hermanosqa tukuy sonqo wasinkuman wajyarikuwarqayku.

Hechos 22:5

Jatun sacerdotepis, kurajkunasnintin willasunkichejman cheqata parlasqayta. Paykunamanta qochikorqani cartasta Damascopi kaj judío masisninchejman apanaypaj, chaypi kajkunata presochaspa, Jerusalenman watasqasta apamuspa jasut'ichinaypaj.

Hechos 28:14

Chaypitaj tarerqayku hermanosta. Paykunataj mañawarqayku qanchis diata paykunawan kanaykuta. Chay qhepatataj Romaman rerqayku.