Hebreos 9:4 - Qheshwa Biblia DC

⁴ Chaypitaj qorimanta incienso q'osñichina karqa. Diospa ruwasqan trato cajontaj nisqaj cajonintaj qoriwan tukuynejmanta forrasqa, ukhumpitaj uj juch'uy qori wich'i karqa Maná nisqa t'antayoj. Chaypi kallarqataj Aarompa taunan. Chaytaj t'ikarqa. Kallarqataj p'alta rumispi escribisqa ley ima.

DIOSPA QHELQACHISQAN DEUTEROCANONICAL

⁴ Chaypitaj qorimanta incienso q'oshñichina karqa, jinallataj Diospa trato ruwasqan cajonpis, mayqenchus qoriwan lluch'isqa karqa, chay. Chay cajonpa ukhunpitaj qorimanta uj juch'uy manka karqa maná nisqa t'antayoj. Chaypi Aaronpa varan kallarqataj, mayqenchus q'omeryaspa t'ikasqa, chay. Kallarqataj p'alta rumikunapi qhelqasqa kamachisqakuna.

DIOSPA QHELQACHISQ

⁴ Chaypitaj qorimanta incienso q'oshñichina karqa, jinallataj Diospa trato ruwasqan cajonpis, mayqenchus qoriwan lluch'isqa karqa, chay. Chay cajonpa ukhunpitaj qorimanta uj juch'uy manka karqa maná nisqa t'antayoj. Chaypi Aaronpa varan kallarqataj, mayqenchus q'omeryaspa t'ikasqa, chay. Kallarqataj p'alta rumikunapi qhelqasqa kamachisqakuna.

Quechua South Bolivia: Dios Parlapawanchej

⁴ Tiyarkataj korimanta incienso k'oshñichinapis, Diospa camachiskasninta churanapaj cajón, arca sutichaska. Chay arcaka tucuy uqhuntin jawantin koriwan khataska carka. Chay arca uqhupitaj churaskas carkancu maná, niska, churananpaj kori p'uñuwan. Carkataj Aaronpa k'omeryamoj c'aspiwan p'alta rumipi kelkaska camachiskaspiwan.

Hebreos 9:4 Referans Kwoze

Números 17:10

Chaymanta Señorqa Moisesman nerqa: Aarompa tojnunta ujtawan churaykamullaytaj, Diospa leyninwan kashan chay cajompa ñaupaqenman. Chay pachampi saqey, señal jina kanampaj chay thutojkunapaj. Chayta ruway, ajinamanta ama ujtawampis noqaj contrayta rimanankupaj, chayta rikuspa ama wañunankupaj.

2 Crónicas 5:10

Chay cajón ukhupeqa, Horebpi Moisespa churasqan iskay palqayoj p'alta rumilla kasharqa. Chay p'alta rumeqa israelitaswan Señorpa trato ruwasqa rumi karqa, paykuna Egiptomanta llojsimusharqanku chaypacha.

Levítico 16:12

Chaymantaqa incienso q'osñichinata apamonqa nina brasas junt'ayojta, Señorpa ñaupaqempi kashan chay altarmanta. Apamullanqataj iskay maki q'apiy kutasqa sumaj inciensota. Jinaspataj chayta apanqa maypichus velo kashan chaypa wasanman.

Éxodo 40:3

Chay ukhuman churaykunki Diospa leyninwan kaj cajonta, chaytataj velowan qhataykunki.

Éxodo 26:33

Velotaqa warkhunki ganchos uraman; chay velo ukhumantaj churanki Diospa leyninwan kashan chay cajonta. Jinamanta chay velo t'aqanqa qankunata Diospa leyninwan kashan chay cajonmanta, llimphupuni nisqa cheqamantawan.

Números 17:5

Chaypi noqaj ajllasqay runaj tojunta t'ikarichisaj, ajinamanta israelitas noqay ñaupaqeypi manaña qankunaj contraykichejta parlanqankuchu.

Éxodo 34:29

Chaymantataj Moisesqa uraykamorqa Sinaí orqomanta chay chunka kamachiykuna escribisqa rumi marq'arisqa. Chay puntamanta uraykamushaspa Moisesqa mana reparakorqachu uyan lliphipisqanta, Dioswan parlamusqanmanta.

Apocalipsis 8:3

Waj angeltaj jamuspa altarpa ñaupaqempi sayaykorqa, qorimanta incienso q'osñichina oqharisqa. Ashkha inciensotaj payman jaywasqa karqa, tukuy ajllasqaspa mañakuyninkuman yapaykunampaj tronoj ñaupaqempi, chay qori altarpi.

1 Reyes 8:21

Chaypitaj uj cheqata wakichini Señorpa trato ruwasqa cajonnimpaj, chaypitaj kashan ñaupa tatasninchejwan Diospa trato ruwasqan, Egiptomanta llojsimorqanku chaypacha.

1 Reyes 8:9

Chay trato cajompeqa p'alqayoj p'alta rumilla kasharqa Horebpi Moisespa churasqan, chayqa karqa israelitaswan Diospa trato ruwasqan egiptomanta llojsimushajtinku.

1 Reyes 7:50

Ajinallatataj ruwacherqa yurusta pabilo k'utunasta, tazasta, juch'uy cucharasta, incienso q'osñichinastawan, chay tukuynin qori puromanta ruwasqas karqanku. Diospa tiyakunan punkuspa jap'ichinasnimpis qorillamantataj karqa, jinallataj temploj punkusnimpa jap'ichinasnimpis.

Números 17:8

Q'ayantintaj Moisesqa Dioswan tinkukuna toldoman yaykuspa rikorqa Aarompa tojnun Leví ayllumanta kajpata q'omeryaspa t'ikashajta, jinaspataj almendrasta sumajta poqoshajta.

Éxodo 31:18

Señorqa ajinata Sinaí orqopi Moiseswan parlayta tukuytawan, payman qorqa leyta palqayojta ruwasqa p'alta rumipi kikin Diospa dedonwan escribisqata.

Éxodo 32:15

Moisestaj chay orqomanta uraykorqa palqayoj ruwasqa p'alta rumipi escribisqa leyta marq'arisqa. Chay rumispeqa iskaynin palqasnimpi Diospa leynin escribisqa karqa.

Éxodo 37:25

Bezaleelqa ruwallarqataj incienso altarta acacia maderamanta, puraj cantonmantaj chhikachaj pura karqa. Sayt'unman karqa tawa chunka phishqayoj centimetrosniyoj, kinrayninman kikillantaj karqa, patamantaj isq'on chunka centimetrosniyoj. Jinallataj sapa esquinasnimpi wajrasman rijch'asqa kikinmanta ruwasqs karqa altarwan ujlla.

Deuteronomio 9:9

Chay orqoman wicharerqani Señormanta jap'imoj palqayoj p'alta rumipi qelqasqa kamachiykunata, qankunawan Señor tratota ruwarqa chaykunata. Chaypitaj chinkamorqani tawa chunka p'unchaykunata tawa chunka tutastawan mana t'antata mikhuspa, nitaj yakuta ujyaspa.

Deuteronomio 9:11

Tawa chunka p'unchaykuna tawa chunka tutas junt'akojtintaj Señorqa jaywawarqa palqayoj rumipi qelqasqata, trato ruwasqa qelqasqata.

Apocalipsis 11:19

Templotaj janaj pachapi kicharikorqa, Diospa ruwasqan trato cajontaj rikukorqa templopi. Chaypachataj oqharikorqanku lliuj lliujkuna, qhapariykuna, qhon qhonkuna, jallp'a ikhakuy, manchay granizo ima.